ሚሼል ቡሎክ አዲሷ የአውስትራሊያ ብሔራዊ ባንክ ገዢ ሆነው ተሾሙ

ሚሼል ቡሎክ የመጀመሪያዋ የሴት ብሔራዊ ባንክ ገዢ ይሆናሉ።

Michele Bullock, deputy governor of the Reserve Bank of Australia (RBA), will replace Philip Lowe as governor of the Reserve Bank of Australia on 18 September. Credit: Brent Lewin/Bloomberg via Getty Images

ሚሼል ቡሎክ የወቅቱን የአውስትራሊያ ብሔራዊ ባንክ ገዢ ፊሊፕ ሎውን እንዲተኩ በጠቅላይ ሚኒስትር አንቶኒ አልባኒዚ በዛሬው ዕለት ተሰይመዋል።

በአሁኑ ወቅት የብሔራዊ ባንኩ ምክትል ገዢ የሆኑት ወ/ሮ ቡሎክ የመጀመሪያዋ የሴት ብሔራዊ ባንክ ገዢ ይሆናሉ።

ለሰባት ዓመት የሚቆየውን የብሔራዊ ባንክ ገዢ ሥራቸውን የሚጀምሩት መስከረም 7 / ሴፕቴምበር 18 ነው።

ከተቃዋሚ ቡድኑ ጋር መምከርን አክሎ የወ/ሮ ሚሼል ቡሎክ ስየማ ሂደት ብርቱ እንደነበር የጠቀሱት ጠቅላይ ሚኒስትር አንቶኒ አልባኒዚ "ሚሼል ገለልተኛ የሆነው የአውስትራሊያ ብሔራዊ ባንክ በ1959 ከተቋቋመ ወዲህ የመጀመሪያዋ የሴት ብሔራዊ ባንክ ገዢ ይሆናሉ። ለአራት አሠርት ዓመት የተጠጋ አገልግሎታቸውን ያበረከቱትና በቅርቡም ለምክትል ገዢነት የበቁት ወ/ሮ ቡሎክ ብሔራዊ ተቋሙን ለመምራት በእጅጉ ብቁ ናቸው" ብለዋል።