ሊዝ ትረስ ከእንግሊዝ ጠቅላይ ሚኒስትርነታቸው በ44ኛ ቀናቸው ለቀቁ

ሊዝ ትረስ በሚቀጥለው ሳምንት አዲስ ተኪ እስኪያገኙ ድረስ በጠቅላይ ሚኒስትርነት ይቆያሉ

Prime Minister Liz Truss announces her resignation at Downing Street on October 20, 2022 in London, England. Credit: Rob Pinney/Getty Images

የእንግሊዝ ጠቅላይ ሚኒስትር ሊዝ ትረስ ከ44 ቀናት በኋላ ስልጣናቨውን ለመልቀቅ ግድ ተሰኝተዋል። ይህም በእንግሊዝ ታሪክ ለአጭር ጊዜ በመሪነት የቆዩ መሪ አድርጓቸዋል።

ጠቅላይ ሚኒስትሯ ከስልጣን እንደሚለቁ ለንጉሥ ቻርልስ ማስታወቃቸውን አካትተው ሁለት ደቂቃ ያልሞላ ንግግር አድርገው ከጋዜጠኞች ጥያቄ ሳይቀበሉ ወደ ቢሮአቸው ተመልሰዋል።

ተኪያቸውም በአንድ ሳምንት ጊዜ ውስጥ በወግ አጥባቂው ፓርቲ እንደሚመረጥ ይጠበቃል።

ዛሬና ነገ ከወግ አጥባቂው ፓርቲ የምክር ቤት አባላት ውስጥ ሊዝ ትረስን ለመተካት ዕጩዎች ይቀርባሉ።

ይህም እንግሊዝ በአራት ወራት ውስጥ ሶስተኛ ጠቅላይ ሚኒስትር ለመሰየም ግድ ትሰኛለች።