ካማላ ሃሪስ የዲሞክራት ፓርቲ ዕጩ ምክትል ፕሬዚደንት ሆኑ

የዲሞክራት ፓርቲ ዕጩ ፕሬዚደንት ጆ ባይደን ለኖቬምበሩ ምርጫ ሴናተር ካማላ ሃሪስን ምክትላቸው ሆነው እንዲወዳደሩ መረጡ።

Sen. Kamala Harris Source: US Senator Kamala Harris addresses supporters during her own presidential campaign in 2019.

የዲሞክራት ፓርቲ ዕጩ ፕሬዚደንት ጆ ባይደን ለዘንድሮው የኖቬምበር ፕሬዚደንታዊ ምርጫ የቀድሞ ተቀናቃኛቸውን ሴናተር ካማላ ሃሪስን ምክትላቸው ሆነው እንዲወዳደሩ መርጠዋቸዋል።

Source: Courtesy of JB

Joe Biden and Kamala Harris Source: Courtesy of KH

ሴናተር ሃሪሰንም በበኩላቸው በዕጩ ፕሬዚደንት በመመረጣቸው ክብር የተሰማቸው መሆኑን፣ የበኩላቸውንም ለመወጣትና ለጆ ባይደን ሙሉዕ ድጋፍ እንደሚያደርጉ ገልጠዋል።

Source: Courtesy of KH

የ55 ዓመቷ ሴናተር ካማላ ከጃማይካዊ አባትና ሕንዳዊ እናት የተወለዱ ናቸው።

Shyamala Harris (mother) and baby Kamala Harris Source: Courtesy of KH

ሴናተር ሃሪስ October 20, 1964 የተወለዱት ኦክላንድ - ካሊፎርኒያ ነው።

አባታቸው ዶናልድ ሃሪስ የምጣኔ ሃብት ፕሮፌሰር ሲሆኑ እናታቸው ሻያማላ ጎፓላንድ የጡት ካንሰር ተመራማሪ ነበሩ።

እናትና አባታቸው ገና የአምስት ዓመት ልጅ ሳሉ የተለያዩ ሲሆን በ2009 በሞት ከተለዩዋቸው እናታቸው ጋር ሆነው አድገዋል።

ከሃዋርድ ዩኒቨርሲቲ በሕግ የተመረቁት ሃሪሰን የካሊፎርኒያ ጠቅላይ ዐቃቤ ሕግ ሆነው በ2010 እና 2014 ለሁለት ተከታታይ ጊዜያት ተመርጠው አገልግለዋል።

በ2016 ካሊፎርኒያን በመወከል የሕግ መወሰኛ ምክር ቤት ሆነ በመመረጥ ሶስተኛዋ የካሊፎርኒያ ሴት ተመራጭ፣ ሁለተኛዋ የአፍሪካውያን - አሜሪካውያንና የመጀመሪያዋ የደቡብ-እስያ ዝርያ ያላቸው የዩናይትድ ስቴትስ ሴናተር ለመሆን በቅተዋል።

በ2020 የዲሞክራት ፓርቲን ወክለው ለዕጩ ፕሬዚደንትን ትወዳድረው ጆ ባይደን አሸናፊ ሆነው ተጠናቅቋል።

ሆኖም ትናንት ኦገስት 11 - 2020 ጆ ባይደን ምክትላቸው ሆነው አብረው ለ2020 ፕሬዚደንታዊ ምርጫ እንዲወዳደሩ መርጠዋቸዋል።

ከጄራሊዲን ፌራሮ እና ሳራ ፔሊን ቀጥሎ ሶስተኛዋ የዩናይትድ ስቴትስ ዕጩ ፕሬዚደንት በመሆነም የታሪክ ባሕር መዝገብ ውስጥ ራሳቸውን ለማኖር በቅተዋል። 

Kamala Harris (L), Sarah Palin (C) and Geralidine Ferraro (R) Source: Courtesy of WP

የካማላ ሃሪስ የዲሞክራት ፓርቲ ዕጩ ምክትል ፕሬዚደንትን አስመልክቶ የቀድሞ ፕሬዚደንቶች ባራክ ኦባማና ቢል ክሊንተን፤ የ2016 የዲሞክራት ፓርቲ ዕጩ ፕሬዚደንት ሂላሪ ክሊንተንን ጨምሮ በርካታ የድጋፍ መልዕክቶች ተስተጋብተዋል።

Source: Courtesy of BO

Source: Courtesy of BC and HC