Life and Legacy: Prof Getachew Haile – Pt 1

ፕሮፌሰር ጌታቸው ኃይሌ፤ በመንፈሳዊና ዓለማዊ ዕውቀት ተጠባቢነት ለሊቀ ሊቃውንትነት የበቁ ናቸው። የዕውቀት ጭማቂያቸውን ከደርዘን በላይ ለሕትመት በበቁ መጻሕፍቶቻቸው ላይ አስፍረዋል። ለበርካታ ማለፊያ አስተዋጽዖዎቻቸውም ከኢትዮጵያውያንና ከውጭ አገር ድርጅቶች ከግማሽ ደርዘን ያለፉ የክብር ሽልማቶች ተበርክቶላቸዋል።

Source: Courtesy of GH

የፕሮፌሰር ጌታቸው የግለ ታሪክ መነሻ  የትውልድ ሥፍራቸው ሸንኮራ ናት። በምርጥ የስንዴ ምርቷ “እንውረድ ሸንኮራ፣ ስንዴ ልንበላ” የተባለላት።

አባታቸው ቀኛ አዝማች ኃይሌ ወልደየስ ከካህናት ወገን ሲሆኑ፤ እናታቸው ወይዘሮ አሰገደች ወልደዮሐንስ ከነፍጠኞች ወገን ናቸው። ኩሉኮንታ የመወለዳቸው፤ ወላይትኛና ኦሮሞኛ የመናገር ችሎታ ምስጢራቸውም ከውልደትና ዕድገታቸው ጋር መያያዙ ነው።

ቀኝ አዝማች ኃይሌ ወልደየስ (ግራ) ወይዘሮ አሰገደች ወልደዮሐንስ (ቀኝ) - ፎቶ አንዳፍታ ላውጋችሁ - ጌታቸው ኃይሌ Source: Courtesy of Getachew Haile

በወላጆቻቸው ከቀዬ ቀዬ መዘዋወርና መለያየት ሳቢያ የመኖሪያ አድራሻቸው ብዙ ጊዜ ተቀያይሯል። ከሸንኮራ ይልቅ ወደ አዲስ አበባ ዘልቀው የእንጦጦ ኪዳነ ምሕረትና ቅድስት ሥላሴ ቤተክርስቲያናት ፊደል ተማሪ ሆነዋል።

ጥረትና ገዳቸው ተገጣጥመው በዓለማዊው ቀለምና በመንፈሳዊ  ትምህርት ሊበለጽጉ ወደ ካይሮ አቀኑ። ከካይሮ መንፈሳዊ ኮሌጅ የመጀመሪያ ዲግሪያቸውን (Bachelor of Divinity) አግኝተዋል።

ጌታቸው ኃይሌ (ካይሮ መናፈሻ) Source: Courtesy of Getachew Haile

የክፍል አንድ ትረካቸው የሚቋጨው እዚህ ላይ ነው። በቀጣዩ ክፍል ሁለት ዝግጅታችን የአውሮፓ የትምህርትና ግለ ሕይወት ታሪካቸውን ያወጉናል።