Աւստրալիա 'Ոչ' քուէարկեց Բնիկներու Ձայն մը Խորհրդարանին մէջ հանրաքուէին

Ձայն մը Խորհրդարանին մէջ առաջարկը պարտութեան մատնուեցաւ անցած երկու տասնամեակներու Աւստրալիոյ առաջին հանրաքուէով:

Ballot papers are seen at a counting centre in Melbourne, Saturday, October 14, 2023. Australians will vote in a referendum on October 14 on whether to enshrine an Indigenous voice in the country's constitution. (AAP Image/Con Chronis) NO ARCHIVING Source: AAP / CON CHRONIS/AAPIMAGE

Գլխաւոր կէտեր

• Բնիկներու Ձայն Խորհրդարանին մէջ հանրաքուէն որոշիչ ‘Ոչ’ արդիւնք տուաւ:
• Վեց նահանգներ և Հիւսիսային Հողամասը արձանագրեցին ‘Ոչ’ քուէ մը, մինչ ACT 'Այո' քուէարկեց:
• Վարչապետ Էնթընի Ալպանեզէ քաջալերեց աւստրալիացիները որ համախմբուին:

Աւստրալիացիներ մերժեցին առաջարկ մը Սահմանադրութեան մէջ ամրագրելու համար Բնիկներու Ձայն մը Խորհրդարանին մէջ: 

'Ոչ' քուէ մը արձանագրուեցաւ բոլոր վեց նահանգներուն մէջ և Հիւսիսային Հողամասին մէջ Շաբաթ օրուայ պատմական հանրաքուի ժամանակ: 

'Ոչ' քուէն մեծամասնութիւն արձանագրեց նաեւ ընդհանուր ազգային հաշիւով: 

Australian Capital Territory միակ իրաւասութիւնն էր որ մեծամասնութեամբ 'Այո' քուէ մը արձանագրեց:

Հիասթափուած վարչապետ Էնթընի Ալպանեզէ պնդեց որ արդիւնքը "մեզ չի բնորոշէր և մեզ պիտի չբաժնէ":

"Այժմ ժամանակն է որ բոլորս համախմբուինք և տարբեր միջոց մը գտնենք նոյն հաշտութեան նպատակին համար" ըսաւ վարչապետը:

Australian Prime Minister Anthony Albanese delivers a statement on the outcome of the Voice Referendum at Parliament House.

Ընդդիմութեան ղեկավար Փիթըր Տաթթըն ժողովուրդին կոչ ուղղեց որ միանան, հանրաքուէն նկարագրելով որպէս վարժանք մը "որու Աւստրալիա կարիքը չ'ունէր":

"Առաջարկը և գործընթացը պէտք է ծրագրուէր այնպէս մը որ միացնէր աւստրալիացիները ոչ թէ մեզ բաժնէր" ըսաւ ան:

Opposition Leader Peter Dutton and Shadow Minister for Indigenous Australians Senator Jacinta Price address the media following the referendum. Source: AAP / JONO SEARLE/AAPIMAGE

Որոշ բնիկ աւստրալիացիներ "մէկ շաբաթ լռութիւն" պիտի պահեն քուէարկութեան հետեւանքով, մինչ ուրիշներ արդէն կը քննարկեն թէ յաջորդ քայլը ինչ պիտի ըլլայ: 

Բնիկ աւստրալիացիներու նախարար և 'Այո' տեսակէտի պաշտպան Լինտա Պըրնի ըսաւ որ վստահ է որ թարմացուած Բնիկ ղեկավարներու նոր սերունդ մը առաջ պիտի գայ քուէարկութեան հետեւանքով:

Հանրածանօթ 'Ոչ' քարոզարշաւի կողմնակից Նիունկկայ Ուարրըն Մանտին ըսաւ որ արդիւնքը ցոյց կ'ուտայ որ աւստրալիացիներ "կ'ուզեն որ գործեր իրագործուին որոնք կը վերաբերին Բնիկ համայնքներու հարցերուն":

"Մարդիկ պէտք է դադրին անտեսելէ բռնութիւնը, չարաշահումը, հարկադրական հսկողութիւնը և կործանիչ վարուելակերպը, որոնք տեղի կ'ունենան որոշ Բնիկ համայնքներու մէջ" ըսաւ ան:

LISTEN TO

Բնիկներու Ձայնը Խորհրդարանին մէջ 'Ոչ' արդիւնք տուաւ

SBS Armenian

04:46Armenian

Տեղեկացուած մնացէք 2023 թուականի Խորհրդարանին մէջ Բնիկներու Ձայնի հանրաքուէէն, ներառեալ Բնիկներու տեսակէտներէն NITV-ի միջոցով: 

Այցելէ SBS Voice Referendum portal 

Յօդուածներու, տեսաերիզներու և ներբեռնելի ռատիօ ծրագիրներու համար 60-է աւելի լեզուներով, կամ ներբեռնել վերջին լուրերը և վերլուծութիւնները և վաւերագրական ֆիլմերը յետեւեալ կայքէն Voice Referendum hub on SBS On Demand: