This article is more than 2 years old

ܡܵܘܕܵܝܬܵܐ ܒܐܲܬܪܵܐ ܒܠܸܫܵܢܵܐ ܐܲܬܘܼܪܵܝܵܐ

ܤ ܒ ܤ ܡܵܘܕܘܼܝܐ ܝܠܵܗ ܒܝ̣ܕ ܥܲܡܹ̈ܐ ܐܒܘܿܪܝ̣ܓ̰ܝ̣ܢܵܝܹ̈ܐ ܘܚܵܝܵܢܹ̈ܐ ܕܓܵܙܵܪ̈ܝܵܬܹܐ ܕܬܘܿܪܝ̣ܤ ܤܬܪܝܬ ܐܲܝܟܼ ܥܲܡܹ̈ܐ ܫܲܪ̈ܫܵܝܹܐ ܝܘܼܒܵܠܵܝܹ̈ܐ ܕܐܵܗܵܐ ܐܲܬܪܵܐ, ܘܐܸܤܘܼܪܹ̈ܗ ܐܡܝ̣ܢܵܝܵܐ ܩܵܐ ܐܲܪܥܵܐ,ܝܵܡܵܐ, ܫܡܲܝܵܐ ܘܟܢܘܼܫܬܵܐ.

Published 3/07/2023 8:01am

Updated 16/08/2023 10:26pm

Source: SBS

Image: - (Julia Esteve/Getty Images)

ܡܲܘܕܵܝܬܵܐ ܒܐܲܬܪܵܐ ܥܝܵܕܵܐܝ̣ܬ ܟܹܐ ܦܲܝܫܵܐ ܡܘܼܩܪܸܒ̣ܬܵܐ ܓܵܘ ܥܲܒ̣ܕܘܿܝܵܬܹ̈ܐ, ܡܐܝܟܼ ܡܡܠܠܹ̈ܐ ܘܬܦܵܩܝܵܬܹ̈ܐ. ܑܐܵܗܵܐ ܝܠܵܗ ܚܕܵܐ ܐܘܼܪܚܵܐ ܒܡܲܘܕܵܝܬܵܐ ܒܘܼܬ ܚܵܝܵܢܹ̈ܐ ܫܲܪܫܵܝܹܐ ܕܐܲܬܪܵܐ ܐܝܟܵܐ ܕܥܲܒ̣ܕܘܼܬܵܐ ܒܸܫܩܵܠܵܐ ܝܠܵܗ ܫܵܘܦܵܐ.

ܚܘܼܪ̈ܙܹܐ ܩܵܠܵܝܵܐ ܕ ܤ ܒ ܤ ܟܹܐ ܫܵܪܝ̣ ܒܡܵܘܕܵܝܬܵܐ ܕܐܲܬܪܵܐ, ܡܘܼܩܪܵܒ̣ܬܵܐ ܒܠܵܫܵܢܵܐ ܕܗܘ ܚܘܼܪܙܵܐ.

ܐܵܗܵܐ ܟܹܐ ܥܲܒ̣ܕܵܚܠܹܗ ܠܡܵܘܕܵܝܬܵܐ ܒܐܸܤܘܼܪܵܐ ܕܥܲܡܹ̈ܐ ܐܒܘܼܪܘܼܓ̰ܝ̣ܢܵܝܹܐ ܘܚܲܝܵܢܹ̈ܐ ܕܓܵܙܵܪ̈ܝܵܬܹܐ ܕܬܘܿܪܝ̣ܤ ܤܬܪܹܝܬ ܒܐܲܪܥܵܐ, ܘܟܹܐ ܡܲܩܪܸܒ̣ܵܟܼ ܠܐܝ̣ܩܵܪܵܢ ܩܵܐ ܚܲܟܝ̣ܡ̈ܐ ܕܕܲܥܒ̣ܵܪ ܘ ܩܵܐܸܡ.

ܐܲܦ ܐܵܗܵܐ ܝܠܵܗ ܚܕܵܐ ܐܘܼܪܚܵܐ ܕܡܲܕܥܵܝܬܵܐ ܕ ܐܘܼܤܬܪܵܠܝܵܐ ܝܠܵܗ ܚܕܵܐ ܐܲܪܥܵܐ ܕܠܹܐܝܠܵܗ ܬܘܼܠܸܩܬܵܐ ܠܡܲܠܟܵܝܘܿܬܘܿܗܝ.

ܠܝܬ ܚܕܵܐ ܐܘܼܪܚܵܐ ܦܪܝ̣ܫܬܵܐ ܠܡܵܘܕܵܝܬܵܐ ܒܘܼܬ ܐܲܬܪܵܐ ܘܟܠ ܚܵܕ ܡܵܨܹܐ ܕܡܵܩܪܸܒ̣ܠܵܗ.

ܩܵܒܵܠܬܵܐ ܒܫܲܝܢܵܐ ܩܵܐ ܐܲܬܪܵܐ ܟܹܐ ܦܲܝܫܵܐ ܡܘܼܩܪܸܒ̣ܬܵܐ ܒܝܕ ܚܵܝܵܢܹ̈ܐ ܝܘܼܒܵܠܵܝܹ̈ܐ, ܕܥܲܡܹ̈ܐ ܐܒܘܼܪܘܼܓ̰ܝ̣ܢܵܝܹܐ ܘܚܲܝܵܢܹ̈ܐ ܕܓܵܙܵܪ̈ܝܵܬܹܐ ܕܬܘܿܪܝ̣ܤ ܤܬܪܹܝܬ ܕܦܝ̣ܫܵܐ ܝܢܵܐ ܝܘܼܗܘܹܐ ܦܤܵܤܵܐ ܡ̣ܢ ܡܵܪܵܘܵܬܹܐ ܫܲܪܫܵܝܹܐ, ܕܩܲܒܠܝ̣ ܒܫܲܝܢܵܐ ܠܐܲܪ̈ܚܹܐ ܩܵܐ ܐܲܬܪܲܝܗ.

ܐܵܗܵܐ ܝܠܹܗ ܚܲܕ ܛܘܼܦ̮ܤܵܐ ܕܡܵܘܕܵܝܬܵܐ ܒܐܲܬܪܲܐ:

ܡܲܚܘܼܒܹܐ ܝܘܚ ܕܡܵܘܕܝ̣ܵܟܼ ܒܝܕ ܡܵܪܵܘܵܬܹܐ ܝܘܼܒܵܠܵܝܹ̈ܐ ܕܐܲܪ̈ܥܵܬܹܐ, ܫܡܲܝ̤ܹܐ ܘܐܘܼܪ̈ܚܵܬܹܐ ܕܡܝ̣ܵܐ, ܘܡܲܵܩܪܒ̣ܵܚ ܠܐܝ̣ܩܵܪܵܢ ܩܵܐ ܚܲܟܝ̣ܡܹ̈ܐ ܕܕܲܥܒ̣ܵܪ ܘܕܩܵܐܸܡ. ܡܩܪܸܒ̣ܵܐ ܝܘܚ ܠܐܝ̣ܩܵܪܵܢ ܩܵܐ ܡܲܪܕܘܼܬܵܐ ܐܲܡܝ̣ܢܵܝܬܵܐ ܒܘܼܫ ܥܲܬܝ̣ܩܬܵܐ ܓܵܘ ܡܸܬܥܲܡܪܵܢܝ̣ܬܵܐ.

ܡܵܨܝ̣ܬܘܿܢ ܕܝܲܕܥܝ̣ܬܘܿܢ ܡܵܢܝ̣ܝܢܵܐ ܡܵܪܵܘܵܬܹܐ ܝܘܼܒܵܠܵܝܹܐ ܕܐܪ̈ܥܵܬܹܐ ܕܐܝ̣ܬܘܿܢ

ܥܲܠܲܝܗ ܒܤܲܚܒܵܪܬܵܐ ܕܡܘܼܬܒ̣ܹ̈ܐ ܫܘܿܦܵܝܹ̈ܐ, ܦܲܬܘܵܬܹ̈ܐ ܐܠܝ̣ܟܬܪ̈ܘܿܢܵܝܹ̈ܐ ܕܐܘܼܚܕܵܢܹ̈ܐ ܘܐܲܩܠܝ̣ܡܹ̈ܐ, ܝܢ ܒܸܩܪܵܝܬܵܐ ܕܛܘܼܟܵܤܹ̈ܐ ܡܲܗܵܠܵܝܹ̈ܐ ܕܐܒܘܼܪܝ̣ܓ̰ܝ̣ܢܵܝܹ̈ܐ ܘܥܲܡܹ̈ܐ ܫܲܪ̈ܫܵܝܹܐ.