Key Points
- Soaring cost of living pressures for almost five million Australians will be eased with welfare payments.
- More than 4.7 million Australians struggling to cope with cost of living pressures.
လူမှုဖူလုံရေးရာဝန်ကြီး Amanda Rishworth ရဲ့ အဆိုအရ စက်တင်ဘာလ ၂၀ ရက်ကစပြီး ထောက်ပံ့ကြေးတွေ တိုးမြင့်ပေးမယ်လို့ ပြောပါတယ်။
အောက်ပါ ထောက်ပံ့ကြေးရရှိသူတွေကို တိုးမြင့်ပေးဖို့ ရှိပါတယ်။
- Age Pension, Disability Support Pension နဲ့ Carer Payment ထောက်ပံ့ကြေးတွေအတွက် ပေးနေကြထောက်ပံ့ကြေးအပြင် နှစ်ပတ်မှာ နောက်ထပ် ၃၈.၉၀ ဒေါ်လာ (တစ်ယောက်တည်းသမားအတွက်) တိုးမြင့်ပေးမှာဖြစ်ပြီး လင်မယားဆိုရင် ၅၈.၈၀ ဒေါ်လာ တိုးမြင့်ရရှိမှာ ဖြစ်ပါတယ်။
- တစ်ယောက်တည်းသမား ပင်စင်စားတွေက နှစ်ပတ်မှာ ၁၀၂၆.၅၀ ဒေါ်လာ ထောက်ပံ့ကြေးရရှိမှာဖြစ်ပြီး လင်မယားတွေကတော့ နှစ်ပတ်မှာ ၇၇၃.၈၀ ဒေါ်လာစီ ဒါမှမဟုတ် နှစ်ဦးပေါင်း ၁၅၄၇.၆၀ ဒေါ်လာ ထောက်ပံ့ကြေးရရှိမှာ ဖြစ်ပါတယ်။
- JobSeeker, Parenting Payment, ABSTUDY နဲ့ Rent Assistance တွေလည်း အနည်းငယ်စီ တိုးမြင့်ပေးမှာ ဖြစ်ပါတယ်။
- JobSeeker အလုပ်ရှာဖွေနေဆဲ့ တစ်ယောက်တည်းသမား (ကလေးမရှိသူ) တွေအနေနဲ့ ရနေကြထောက်ပံ့ကြေးအပြင် နှစ်ပတ်မှာ ၂၅.၇၀ ဒေါ်လာ ထပ်မံရရှိမှာဖြစ်လို့ နှစ်ပတ်စာ ထောက်ပံ့ကြေးက ၆၇၇.၂၀ ဒေါ်လာရရှိမှာ ဖြစ်ပါတယ်။ Parenting Payment Single (အိမ်ထောက်ဖက်မရှိတဲ့ မိဘတစ်ဦးဦး) အနေနဲ့ နှစ်ပတ်မှာ ၃၅.၂၀ ဒေါ်လာပိုရမှာဖြစ်လို့ နှစ်ပတ်မှာ စုစုပေါင်း ၉၂၇.၄၀ ရရှိမှာ ဖြစ်ပါတယ်။
- အိမ်ထောင်ဖက်ရှိသူ JobSeeker Payment နဲ့ Parenting Payment တွေက နှစ်ပတ်မှာ ၂၃.၄၀ တိုးမြင့်မှာဖြစ်လို့ စုစုပေါင်း နှစ်ပတ်မှာ ၆၁၆.၆၀ ဒေါ်လာ ရရှိမှာ ဖြစ်ပါတယ်။
ဒါ့အပြင် ဩစတြေးလျနိုင်ငံ လုပ်ငန်းခွင်မှာ အလုပ်သမား လိုအပ်မှုတွေကြောင့် ပင်စင်သမားတွေလည်း ထောက်ပံ့ကြေး မနစ်နာစေပဲ အလုပ်ဆက်လုပ်နိုင်ဖို့အတွက်လည်း အစိုးရက ခွင့်ပြုပေးမှာ ဖြစ်ပါတယ်။
