Higit pa sa kanyang pangalan si Imelda Marcos. Higit pa siya kaysa sa kanyang pagiging dating Unang Ginang. Higit pa siya kaysa sa kanyang pagnanasang makamtan ang kapangyarihan.
Isa siyang pang-kulturang pigura; isang simbolong may iba't ibang kahulugan para sa iba't ibang tao mula sa iba't ibang paniniwala at partido.
Oo, at higit pa siya sa kanyang 3,000 na sapatos, at ito ang ilan pang mga kwentong nailantad ukol sa kanya:
1. Pagbibihis ng marangya para sa mahihirap.
Hindi naniniwala si Imelda Marcos na mas magiging malapit siya sa mahihirap kung magsusuot siya ng murang damit.
“Never dress down for the poor. They won’t respect you for it. They want their First Lady to look like a million dollars.” Source: AAP Image/AP Photo/Pat Roque
Saad niya, "Never dress down for the poor. They won't respect you for it. They want their First Lady to look like a million dollars."
At sa kaso niya, malamang ganon nga kamahal ang suot niyang damit.
2. Naghihintay ang langit.
Nang makausap niya si Pope Paul VI, saad ni Imelda Marcos, "God is love. I have loved. Therefore I will go to heaven"; at ang sinagot naman ng santo papa ay "Oh, how wonderful, how childlike."
"God is love. I have loved. Therefore, I will go to heaven." Source: AAP Image/EPA/ROLEX DELA PENA
Oo, sinabi niya yun. Oo, malaki ang tiwala niya sa kanyang sarili. At oo, ang galing sumagot ng santo papa.
3. Pagmamahal ng mga diktador.
Hindi lang ang asawa niyang si Ferdinand Marcos ang diktador na nabighani sa kanya.
Dictators heart Imelda. Source: NOEL CELIS/AFP/Getty Images
Kilala dahil sa kanyang kagandahan, nabighani ni Imelda Marcos ang mga lider gaya nina Saddam Hussein, Fidel Castro at Chairman Mao Zedong. Napakita din niya na higit pa sa kanyang kagandahan, matalino siya at kaya niyang makipagsabayan sa kanila.
4. Pagbibihis ng pambabae ng mga heneral.
Ayon sa mga dokumentong inilabas ng WikiLeaks noong 2013, ipinagdiwang daw ng mga Marcos ang kaarawan ng pangulo sa 1973 ng dalawang araw.
Dresses instead of military garb. Source: Pexels
Saad ni William Sullivan, isang American Foreign Service officer, nadismaya siya sa pagpilit diumano ni Mrs Marcos sa mga heneral na magbihis ng pambabae. Ayon kay Mr Sullivan, "Every aspect of the occasion was too much, too long and in questionable taste."
Pinilit daw ni Mrs Marcos sila General Fabian Ver na magsuot ng mga hula skirt at bra.
5. From the beaches of Australia.
Noong 1979, may gaganapin daw na pagsasalo sa isang beach resort sa Pilipinas na pinamumunuan ni Imelda Marcos. Hindi masaya si Mrs Marcos sa kawalan ng puting buhangin sa baybay kaya't nagpakuha daw siya nito sa Australya.
Australian white sand is worth the trip. Source: Pixabay
Ngunit, mabalik nga tayo sa mga sapatos niya -
Nasaan na nga ba ang mga ito ngayon?
If the shoe fits... Source: TED ALJIBE/AFP/Getty Images
Magugulat kang malaman na higit sa 1,000 ng mga ito ang nasira dahil sa anay, amag, tulo mula sa bubong at kapabayaan.
Pinadala ang mga ito sa National Museum, ngunit dahil sa di-mainam na pag-imbak, nasira ang mga ito.
BASAHIN DIN
Share
