Dating akong reading teacher sa Maynila. Pagkatapos ng 12 taon na pagtuturo, napagdesisyunan kong sumubok ng iba. Gustong-gusto ko magbasa at magsagawa ng mga kwento. Kaya nagpasya ako na maging storyteller o kwentista.
Bumisita ako sa Melbourne noong 2016 at nalaman ko kung paano sila magbigay-halaga sa mga malikhaing programa para sa mga bata. Sabi ko sa sarili ko, "Tingin ko, nababagay talaga ako dito!"
Teacher Anna engages children with reading and storytelling. Source: Heads and Tales website
Noong una akong dumating dito, nilibot ko ang syudad at pinuntahan ko ang pinakapaborito kong lugar - ang mga libraries o mga aklatan. Pagkatapos ay nagtungo ako sa mga art spaces kung saan mayroong mga programang pambata.
Ang isa pang hamon para sa akin ay ang pagiging bago sa isang bansa dahil walang nakakakilala sa akin dito at kung ano ang ginagawa ko. Kung kaya't natutunan kong makihalubilo at lumapit sa mga tao na interesado sa aking linya ng trabaho. Heto ako ngayon, pagkatapos ng isang taon, nakapag-perform ako sa maraming aklatan, eskwelahan, at mga events. Nagkaroon din ako ng mga workshops para sa mga bata at nakapaglathala ako ng kauna-unahan kong picture book para sa mga bata!
Nakaka-inspire ang mga bagong kaibigan ko dito. Ginagawa nila yung mga gusto nilang gawin at lumilikha sila ng mga pagkakataon para sa pagbabago ng lipunan. Bagama't para sa atin, tirahan na natin ang Melbourne, ang mga bagay na ating ginagawa ay makakaapekto sa hinaharap ng mundong ito.
ALSO READ
