3G network nag-switch off na sa Australia

A mobile phone tower is seen in Canberra, Friday, October 25, 2024. (AAP Image/Lukas Coch) NO ARCHIVING Source: AAP / LUKAS COCH/AAPIMAGE

Aabot sa libo-libong mga mobile phones ang tumigil na sa pag-andar matapos nag-switch off na ang Telstra at Optus ng kani-kanilang 3G network. Nababahala ngayon ang mga nasa rehiyon dahil sila ang pinaka-apektado ng pagbabago.

Hindi lamang paggamit ng social media ang nangangailangan ng mabuti at matatag na koneksyon sa internet pati na din ang ilang mga life-saving medical devices tulad ng fall alarms, cardio monitors, oxygen systems at pacemaker. Lahat ng ito ay nakaasa sa mga matatag na koneksyon upang gumana.
Sa paglabas ng mga 4G, 5G at 6G technologies sa ibat-ibang bahagi ng mundo, nagsimula ng iswitch off ng mga telco ang 3G dahil outdated na ito at pinasok nila ang mga mas mabilis na koneksyon.
Hinimok ni Federal Commmunications Minister MIchelle Rowland ang lahat na icheck kung sila ay apektado ng shutdown at kaagarang i-upgrade ang phone. Maaring malaman kung apektado ang iyong telepono sa pamamagitan ng pag-text ng "3" sa numerong 3498.