Isa na dito ang mekaniko mula sa Melbourne na si Leopoldo. Matapos ma-diagnose na may arthritis o pananakit ng kasukasuan apektado na ang kanyang paggalaw lalong-lalo na ang kanyang trabaho. Hindi na rin sila nakapagbyahe kahit pa noong wala pa ang pandemya sa ibang bansa kasama ang kanyang pamilya dahil sa iniindang sakit sa kasukasuan.
Higlights
- Sa pag-aaral na ginawa ng Osteopathy Australia, 3.37 milyong mga Australian sa taong 2020 ay tinitis ang sakit bago magpadoktor
- Maraming Australian ang naka-depende sa pain relievers
- Pagkain at lifestyle ang mga pangunahing sanhi ng sakit sa kasukasuan o arthritis
"Talagang malaking abala, sobrang sakit. Di ka makagalaw ng husto at malaking abala sa trabaho," kwento ni Leopoldo.
Aniya ilang beses na syang nagpa-doktor pero pabalik-balik ang kanyang nararamdaman. Pain reliever lang din naman ang katapat kaya di siya nagpapadoktor. Bumibili lang sya ng gamot sa mga botika at supermarket.
"Umiinom lang ako ng gamot. Hindi na ako nagpapadoktor kasi ganun lang din naman," dagdad ni Leopoldo.
Ayon sa Osteopathy Austalia, 70 percent ng mga Australians ngayon ay nasa tinatawag na sedentary ang lifestyle o kulang sa exercise, hindi naglalakad.
Dahil dito na-alarma ang mga eksperto dahil karamihan din sa mga ito ay talagang nakadepende lang sa gamot para maitawid ang buong araw, di na halos kumikilos at palagi na lang nakaupo.
Imbis na maglakad at kumilos para gumaan ang pakiramdam at maibsan ang nararamdamang sakit.
Pag-inom ng gamot o pain reliever, makakabuti ba?
Source: Pexels
"Kailangan maghanap ng health professional na komportable kayo para malaman kung ano ang dahilan ng sakit na nararamdaman, at kung paano ito malulunasan, " sabi ni Funder.
May abiso dina sila na huwag uminom ng gamot na di nireseta ng doktor dahil baka maging sanhi pa ito ng mas malalang problema.
"Hindi namin irerekomenda na agad uminom ng gamot. Kailangan magpakonsulta sa health practitioner kasi ang gamot na hindi angkop sa iyo ay nakakasira ng kidney at liver kaya huwag basta-basta lang bumili ng pain reliever sa mga supermarket, kailangan ang reseta ng doktor," dagdag pa ni Funder.
Gaya ni Leopoldo, dapat ding pumunta sa mga osteopath para malaman ang tunay na estado ng kanyang katawan. Kasama din sa kanilang pwedeng ituro ang tamang ehersisyo at lifestyle para magiging magaan ang pakiramdam nito hanggang sa pwede ng bumalik sa normal ang kanyang kondisyon.
Alternatibong paraan
Pastes made from herbs, plants and oils are vital in the practice of hilot. Source: Lorelie Luna
Ayon kay Ms Luna, ang arthritis ay ang pamamaga ng joints o kasukasuan. Minsan dahilan nito ay ang sobrang paggamit o overused ng parte ng katawan gaya ng sa kamay at paa. May mga pagkain din na dapat iwasan gaya ng processed food.
"Sumasakit ang ating mga joints dahil sa over-used ito. At kapag palagi kang nakatayo, sasakit yong tuhod at paa mo," sabi ni Luna.
Pero alam nyo ba na may magagawang kaginhawaan sa arthritis ang hilot? Dapat ay ung totoong kaalaman dahil maselan ang paghihilot sa may arthritis.
"Hinihilot yan ng dahan-dahan mula doon sa pinanggagalingan ng sakit, hanggang sa mawala ang sakit," dagdag pa nito.
Source: Pexels
Mali din na huwag kumilos kapag masakit ang paa o kamay ng dahil sa arthritis. Sabi ni Luna, kailangan gumalaw dahil kapag gumalaw ang isang parte ng katawan, nagpapalabas ito ng init sa katawan. Maaring gawin ang simple na body stretching at paglalakad.
Nakakatulong din ang hot and cold compress. Kung malamig at humihigpit ang laman sa katawan kailangan ang hot compress. Gamitin ang cold compress naman kung sakaling sumasakit ang kasukasuan sa kamay dahil sa palagi mo itong ginagamito overused.
Source: Photo by Monstera from Pexels
Dapat din tandaan hindi direkta ang paglalagay ng yelo, kailangan ibalot ito ng tuwalya at dapat hindi din matagal ang pagdadampi ng yelo sa lugar kung saan masakit ang kasukasuan.
Payo ni Luna pinaka-importante na baguhin ang lifestyle ng isang tao. Gaya ng pagkain ng masustansyang pagkain, pag-inom ng maligamgam na tubig lalo na ngayong tag-lamig. At ugaliing mag ehersisyo o kaya ay stretching. Malaking dagok sa isang tao kung may dinaramdam, kaya kung maiiwasan dapat tama ang kinakain, i-balanse din ang pang-araw araw na pamumuhay, para makaiwas sa sakit.
BASAHIN/PAKINGGAN DIN
