Sa isang gabi ng kantahan at kasiyahan, hangad ng mang-aawit na si Mirasol Loyaga na makapagdala ng maagang saya para sa Kapaskuhan sa kanyang mga kababayan sa New South Wales.
"Para sa ating mga Pilipino, pinakamahalagang selebrasyon ng Pasko ay ang pagsasama-sama at pagsasalu-salo," anang ng mang-aawit mula Maynila.
Sa awiting isinulat ng songwriter na si Oliver Gadista, inihahandog ni Mirasol ang 'Santa bring my baby home' sa mga Pilipino na naghahangad na makasama ang kanilang mga mahal sa buhay na malayo sa kanila.
"Bagaman patuloy ang pagsubok sa ating mga buhay, kahit na malayo tayo sa ating mga minamahal, laging isipin na ang pagmamahal at suporta sa bawat isa ay magpapatuloy."
