Bukod sa pagtatalaga ng bagong Philippine Honorary Consul, magsasagawa din ang Philippine Embassy in Australia ng consular mission sa Brisbane.
Key Points
- Na-appoint bilang Philippine Honorary Consul to Queensland si Atty Sheryll Gabutero.
- Magbubukas na muli sa ika-1 ng Setyembre ang Philippine Consulate sa Brisbane para serbisyuhan ang mahigit sa 50,000 Filipinos sa Queensland.
- Isang consular mission din ang isasagawa ng embahada sa Brisbane sa ika-5 hanggang ika-9 ng Setyembre.
Ito rin ang hudyat ng muling pagbubukas ng Philippine Consulate sa Brisbane para serbisyuhan ang mahigit sa 50,000 na Filipino sa Queensland.
Magbubukas ang konsulado sa Morris Tower sa ika-1 ng Setyembre.
Magtutungo naman ang mga opisyal ng Philippine Embassy sa Canberra para magsagawa ng consular mission sa Brisbane sa Eatons Hill Hotel ika-5 hanggang 9 ng Setyembre.
Ilan sa mga serbisyong ihahatid ng embahada ay para magparenew o mag-apply ng passports at mag-administer ng oath of allegiance para sa mga petitioners for dual citizenship.
Maaring magpabook ang ating mga kababayan para sa kanilang passport appointment slots sa darating na Sabado, ika-13 ng Agosto. Kinakailangan na magpabook at hindi tatanggap ng walk-ins ang embahada para sa passport services.
