Nag-iba na ang mukha ang koalisyon lalo’t iba na ang lider sa partidong Liberal at Nationals sa bansa. Isa sa prioridad nilang tutukan ang muling komunekta sa mga kababaihan at harapin ang hamon ngayon kung susuportahan nila ang Indigenous voice sa parlyamento.
Pakinggan ang audio
Napiling bagong Liberal leader ang dating Defence, Home Affairs at Immigration Minister na si Peter Dutton. Inatasan sya na muling itayo ang partido.
Si Dutton ay isa sa mga tumulong para maalis sa puwesto ni Prime Minister Malcolm Turnbull.
Highlights
- Lumabas sa pag-aaral at ginawang survey bago ang halalan nitong Mayo na hindi popular si dating Prime Minister Scott Morrison sa mga kababaihang botante.
- Umaasa ang bagong Liberal leader Peter Dutton makilala ang tunay nyang pagkatao at hindi lang tandaan ang nagawa nyang pagkakamali.
- Kinumpirma David Littlepround ang bagong lider ng Nationals at Deputy naman si Senator Perin Davey.
"Hindi lang kami sunod-sunuran sa Labor. Gagawa kami ng mga batas na magpapagaan at magbibigay seguridad sa buhay ng mga Australians, lalo na silang mga sinasabing nakalimutan ng gobyerno sa malalayong sulok ng bansa."
Umaasa naman si Deputy Leader Sussan Ley, na makakakuha silang muli ng boto mula sa mga kababaihan sa susunod sa eleksyon.
"Alam namin na hindi kami nakakuha ng malaking suporta mula sa sektor ng kababaihan nitong nakaraang eleksyon at ang mensahe ko sa kanila. Narinig at napakinggan namin kayo at kami na ang magiging boses nyo."
