Ilang Pinoy sa Sydney patuloy ang pangongolekta ng Rugby boots at gamit para sa mga bata sa Pilipinas

Nagpakitang gilas ang mga Pinoy sa ginawang International Rugby League match laban sa bansang Brazil sa Sydney, Australia kamakailan lang. Pero di lang pala dito sa bansa nila gustong mamayagpag, pati mga bata sa Pilipinas sinimulan na nilang tulungan para matuto sa sports.

Source: Reynaldo Nery

Highlights

• PNRL gustong ibahagi ang larong Rugby sa mga batang Pinoy sa Pilipinas at dito sa Australia.
• PNRL Junior Rugby Clinic bubuksan dito sa Sydney ngayong Oktubre 2021.
• PNRL patuloy ang pangongolekta ng gamit sa larong Rugby, para ibigay sa mga bata sa Pilipinas.

Tinalo ng  Philippine Tamaraws  ang kupunan ng Brazil sa  ginawang  midyear International Ruby League match  sa puntos na 40-8  noong 13  ng Hunyo dito sa Kensington Rugby League field sa Sydney Australia. Pinabunyi ito ng maraming Pilipino sa Australia , dahil isa ito sa dahilan kung bakit patuloy na   nasa world ranking number 21 ang bansa sa larong rugby  simula nuong naging  myembro ang Pilipinas sa  International Rugby league Federation. Makahulugan ang panalong ito dahil, maraming mga Filipino-Australian players ang magreretiro dahil sa  ilang  taon na din silang iwinagayway ang bandila ng bansa  sa larong Rugby  sa buong mundo. At sa pagkakataong ito, pinakita din ng mga bagong Filipino-Australian  recruits ang kanilang galing. 

Philippine Tamaraw tinalo ang team Brazil sa midyear International Rugby League match noong 13 June, 2021 Source: Reynaldo Nery

" Napakahalaga ng pgakapanalong iyon dahil, karamihan sa mga  naglalaro duon ay ito na ang last nilang game dahil magreretiro na sila,"  kwento ng Presidente ng PNRL na si Reynaldo Nery.

 

Philippine Tamaraw tinalo ang team Brazil sa midyear International Rugby League match noong 13 June, 2021 Source: Reynaldo Nery

Pero isa lang ito sa marami na nilang panalo , dahil  hindi lang dito natatapos ang misyon ng grupo sa Australia. Taong  2016 sinimulan pinakilala sa mga batang Pinoy ng Philippine National Rugby League  ang laro.  Sa katunayan, pinarehistro na nila noong 2020 Pilipinas  ang kupunan,  bilang Pambansang Ragbi Liga ng Pilipinas, para maging legal ang kanilang ginagawang misyon duon. Isa  sa mga  nagsimula ay ang Filipino-Australian at ngayon ay Presidente ng Philippine National Rugby League na si Reynaldo Nery.

Reynaldo Nery patuloy na nangongolekta ng Rugby boots para sa mga bata sa Pilipinas. Source: Reynaldo Nery

Aminado  si  Rey, ang naging magandang buhay nya dito  Australia at pagkahilig nya sa larong Rubgy ang nagtulak sa kanya para tuparin ang kanyang pangarap  na makatulong sa mga bata doon sa pamamagitan ng paglalaro ng Rugby.

"Dahil sa naging buhay ko dito, gusto kung ibalik kung saan ako nagmula, hindi lang yong andun ako sa Pilipinas dahil sa bakasyon , kung hindi gusto kong meron silang matutunan, " dagdag pa ni Rey. 

Maliban sa pangongolekta ng Rugby boots para ipadala sa Pilipinas, nagpadala na din sya ng mga gears o gamit ng mga bata para gagamitin sa training.

Home base ng sa pagtuturo ng mga sa Pilipinas ang Baler sa Aurora, nandito din kasi ang ibang mga Filipino-Australian na katulad nya may puso sa sports at hangad lang na makatulong sa mga bata. Kabilang sa gusto nilang matuto ang mga guro sa eskwalahan at iba pang propisyonal duon para sila na mismo ang tugturo sa mga bata. Dahil hindi lang daw puro  physical  ang Rugby, meron din itong puso  na swak sa mga manlalarong Pinoy.

At dahil sa pandemya, naantala ang kanilang mga plano  para sa Pilipinas sa ngayon, pero  kapag ligtas na ang makabyahe duon, kasama sa malaking plano na palalawigin ang torneyo mula Luzon, Visayas hanggang sa pulo Mindanao. Pero dito sa Sydney ngayong darating na Oktubre 2021  bubuksan nila ang programa para sa mga batang may hilig sa larong Rugby  na may edad 6-5 taong gulang. Bisitahin lang ang kanilang social media account.

" Talagang naghahanap kami ng talagang tunay na may dugong Pinoy  dito sa Australia na gustong matuto sa sports, balang araw sila na yong magbabandera ng ating bansa," dagdag pa ni Rey.

Sa kasalukuyan,  nagre-recruit ang PNRL ng skilled coaches dito sa Australia, para matutukan ang mga batang nagsisimula pa lang magka-interes  sa laro. 

"Gusto namin maging  tama ang paglalaro ng mga bata habang nagsisimula sila,  para maiwasan ang sakuna," ani Rey.

Layunin ng Philippine National Rugby League at Pambansang Ragbi Liga ng Pilipinas   maliban sa kakaibang karanasan sa paglalaro, mapabilang ang Pinoy  sa mga bansang magagaling  sa larangan ng sports di lang sa Basketball pati  na din sa Rugby. At higit sa lahat balang araw, pangarap ng mga Filipino Australian na bumubuo ng PNRL at PRLP na  mula sa mga batang kanilang tinutulungan may kakatawan sa bansang Pilipinas sa World Cup.