Kampanya na R plate para sa magbabalik-maneho mula sa aksidente, inilunsad

Return plate on display on the back of a car (mycar Tyre & Auto) Credit: (mycar Tyre & Auto)

Sa bagong inisyatiba, magkakaroon ng bagong plaka na layong ipaalam sa ibang motorista na ang indibidwal ay nagbabalik maneho mula sa trauma ng aksidente at kinakailangan ng pasensya at pag-iingat.

Ayon sa isang pag-aaral ng My-Car Tyre and Auto, lumabas na 90% ng mga motorista sa bansa ay kumpyansa sa pagmamaneho pero ang kalahati ng bilang ay aminadong nawala ito ng masangkot sa aksidente.
Para mahikayat at matulungan ang mga nakaranas ng trauma sa kalsada, inilunsad ng mycar Tyre and Auto ang plaka na may letrang “R” or “R” plate na ang ibig sabihin ay “returning” o nagbabalik.
Binigyang linaw ng mycar Auto and Tyre na ang R plate ay isang konsepto lamang at walang ligal na katayuan. Hindi nakasaad sa batas o sa anumang kautusan ng pamahalaan na ito ay sapilitang ipapagamit.