Mga babala sa paglangoy, hindi naiintindihan ng karamihan sa nagpupunta sa beach ayon sa isang pag-aaral

May panawagan na suriin ang mga beach safety signage, kasunod ng pag-aaral na nagsasabing hindi ito naiintindihan ng mga nagpupunta sa mga beach. Katunayan, maraming hindi alam ang ibig sabihin ng 'always swim between the flags' o lumangoy lang sa pagitan ng mga flag.

Nasa 141 pagkalunod na ang naitala sa sa Australia mula 2021-22, kaya’t ipinagtataka kung epektibo ba ang mga safety signs sa mga dalampsigan
Lumabas sa pag aaral na Inaakala ng 30 percent ng Australian at overseas-born beach-goers na ang mensaheng ‘swim between the flags’ ay para lamang sa mga propesyunal na manlalangoy na nag eensayo ng laps
Isa sa mga suhistyon ni Dr Masaki Shibata ng University of Adelaide ay ang pagkakaroon ng colour codings tulad ng red at yellow flags, dahil para sa maraming bansa, ang kulay pula ay sumisimbulo sa panganib.