Mga paboritong pasyalan ng ilang Pilipino sa Australia kapag Easter

Visiting different theme parks is one of the Baui family’s favourite Easter getaways. Credit: Jennifer Atienza-Baui

Bagama’t panahon ng pagninilay-nilay ang Semana Santa, maraming pamilyang Pilipino sa Australia, kabilang ang pamilyang Baui mula sa Western Sydney, ang ginagamit din ang okasyong ito para maglakbay at mag-bonding.

Libu-libong pamilya sa Australia ang sinasamantala ang Easter holiday upang mamasyal na magkakasama, at maglaan ng kalidad na oras sa isa’t isa.
Ayon sa website ng Sydney Tourism, isa sa mga nangungunang aktibidad tuwing Easter ang pagdalo sa mga Easter Shows, habang sa tala ng Tourism Australia ang Gold Coast ang nangunguna destinasyon hindi lamang sa Easter kundi sa buong taon.
Para sa mga pamilyang Pilipino tulad ng mga Baui, ang pagbisita sa mga theme park at iba pang tourist attractions sa iba't ibang estado ay nagbibigay ng pagkakataon para sa mabilis at abot-kayang getaway.