Humarap ang pinaka-mataas ng miyembro ng Simbahang Katoliko sa Australya, sa pangalawang araw ng pagdinig ng Royal Commission into Institutional Responses to Child Sexual Abuse.
Ito ang kanyang pangatlong pagharap sa royal commission, ngayon naman ay mula sa syudad ng Roma, sa pamamagitan ng video link, dahil sinabing lubha siyang may sakit, upang maglakbay patungong Australya.
Sa kabila nito, ilang nakaligtas na Australyano sa pang-aabusong sekswal ang nasa Roma din upang sumama sa silid na kung saan ang Cardinal ay nagbibigay ng pahayag.
