Pa'no ba magparehistro para maging overseas Filipino voter kung ika'y nasa Australia?

Karapatan ng bawat isang Pilipino na edad 18 pataas na bumoto para pumili ng mga magiging lider ng Pilipinas. Kahit ikaw ay nasa ibang bansa, tulad ng Australia, pwede pa ring makaboto. Paa'no ba ang proseso ng pagpaparehistro para maging overseas voter?

---

Key Points

• Hanggang Setyembre 30, 2024 maaaring magparehistro para maging Filipino overseas voter.
• Para sa mga Pilipino sa Australia na gustong makaboto sa pambansang halalal ng Pilipinas sa Mayo 2025, dapat na magparehistro sa pamamagitan ng Philippine Embassy sa Canberra o kaya'y Philippine Consulate sa Sydney at Melbourne.
• Ihanda ang inyong Philippine passport o kaya'y patunay ng inyong dual citizenship bilang Pilipino.

Maaaring magparehistro hanggang ika-30 ng Setyembre 2024 para makaboto sa darating na Philippine National Elections sa Mayo 2025.

Ibinahagi ng Communication and Records Officer ng Philippine Consulate sa Sydney at siya ring VRM Operator na si Amado Uayan Jr ang proseso para makapagpatala at maging botante para sa darating na halalan sa Pilipinas.