Queensland News. Buod ng mga pinaka-huling ulat mula sa rehiyon hatid ni Erwin Cabucos Larawan: Google maps
Pimpama, isang dating lupang sakahan sa gitna ng Gold Coast at Brisbane, ay ngayoy itinuturing na isa sa pinakamausbong na lugar sa buong Australia, ayon sa Australian Bureau of Statistics; Samantala sa hilaga naman ng Brisbane, sa suburb na Kippa-Ring, isang babae, 20, ang natagpuang patay nang may mga saksak sa ulo, leeg at mga braso, matapos makarinig ang mga kapitbahay ng pagsisisigaw sa driveway ng tahanan; Ang pangalawang pinakamatandang tao sa Queensland ay nagsabing ang ugaling mapagbigay sa kapwa ay siyang tumulong sa paghaba ng kanyang buhay; Si Ginang Marjorie Bostock ay nagdiwang ng kanyang ika 107 na kaarawan noong Sabado sa Ipswich sa piling ng kanyang anak na si Ronnie na 85 years old at ni Mayor Paul Pisasale; Kung may Uber para sa mga naghahanap ng murang masasakyan, at ma AirBnb para sa mga murang matutuluyan, meron na rin ngayong Petcloud - para sa mga naghahanap ng maiwanan ng kanilang mga alaga; Ang RSPCA Queensland ay nakisanib puwersa na rin ngayon sa kasikatan ng AirBnb na makapagbigay ng pansamantalang matutuluyan, hindi ng mga tao, kundi ng mga alagang hayop.
