Humingi ng paumanhin sa mga Australian si Punong Ministro Scott Morrison sa tinawag niyang pagiging “too optimistic” o masyadong positibo ang pananaw kaugnay ng paghawak sa sitwasyon ng Coronavirus ngayong panahon ng tag-init.
Sa naging talumpati nito sa National Press Club, inamin nitong may pagkakamali ngayong may pandemya ngunit hindi direktang sinabi ng Punong Ministro na ito ay ang pagtugon ng gobyerno sa sitwasyon.
Pakinggan ang audio:
Highlights
- Sinabi ni Ginoong Morrison na kung maibabalik nito ang panahon, sa simula pa lamang ay ilalagay niya ang vaccine rollout sa ilalim ng operasyong militar at isasaayos ang transisyon ng mga aged care resident sa mga ospital ng mga estado.
- Aminado ang Punong Ministro na maikli na ang pisi nang mga botante. Natigilan naman ito sa paghingi ng paumanhin kahit na piniga pa nang N-P-C President na si Laura Tingle.
- Ayon naman kay Queensland Health Minister Yvette D'ath, bagaman siniguro ng pederal na gobyerno na maayos ang pamamahala sa outbreak, malaki pa din ang pangamba sa kakulangan ng mga manggagawa, personal protective equipment at suplay ng rapid antigen test .
