Sydney Mardi Gras, ipinagdiriwang ang magkakaibang pinagmulang kultura ng Australia

Sa matagumpay na selebrasyon LGBTIQ+ community sa ika-45 ng Mardi Gras Parade sa Sydney, lalong nabigyang-pansin ang magkakaibang kultura na pinagmulan ng mga tao sa Australia tulad na lamang ng komunidad Katutubo at mga migrante kasama ang mga Pilipino.

The Filipino community in Sydney is once again represented by Filipino Lesbian and Gay Community (FLAGCOM) and Friends at this year's Sydney Mardi Gras Parade. In this photo, members of FLAGCOM donned headdresses made in Iloilo, Philippines. Credit: Mary Boticario

Makasama ng makinang na LGBTQIA+ community at mga kaalyado nito, muling lumahok sa taunang Mardi Gras parade ang komunidad Filipino.

Pinangunahan ng grupong Filipino Lesbian and Gay Community (FLAGCOM) and Friends ang Philippine float sa pangunguna nina Albie Prias at Charles Chan at fashion designer Rene Rivas, kasama ang mga nanalo sa Miss Mardi Gras International Queen 2023.

"Ang maganda sa selebrasyong ito ay nakilahok ang iba't ibang organisasyon at mga sangay ng gobyerno," ani Jojo Sebastian na lumahok at nakasaksi ng mga kaganapan sa Oxford street kagabi.

"Nakita natin mula sa makukulay na kasuotan ang iba't ibang representasyon ng pagiging malikhain ng mga organisasyon at iba't ibang kultura at lahi na nakilahok sa parada."

'The Filipino tradition was integrated with the costumes worn by the members of the Filipino community. The headdress worn was made from Iloilo promoting the artistry of Filipino craftmanship.' Credit: Mary Boticario

Pinarangalan sa naganap na Sydney Mardi Gras parade ang kultura ng First Nations ng Australia kung saan sa 208 na float na kalahok, pinangunahan ito ng float na tampok ang mga Indigenous Australian.

Ipinagdiwang din ng isang grupo din ng 20 Aboriginal and Torres Strait Islanders mula sa LGBTIQ+ community ang kanilang kauna-unahang partisipasyon sa makaysayang parada na balik na sa orihiginal na pinagdarausan nito sa Oxford Street sa Sydney.