વિક્ટોરીયામાં મંગળવારે કોવિડ-19ના નવા 13 કેસ નોંધાયા હતા.
સામુદાયિક સંક્રમણની સંખ્યા કાબુમાં ન આવતા રાજ્યના પ્રીમિયરે મંગળવારે રાત્રીથી સમાપ્ત થઇ રહેલા લોકડાઉનને વધુ 7 દિવસ સુધી લંબાવવાનો નિર્ણય લીધો હતો.
રાજ્યમાં લાગૂ કરવામાં આવેલું લોકડાઉન 27મી જુલાઇએ મધ્યરાત્રીએ સમાપ્ત થશે તેમ પ્રીમિયરે જણાવ્યું હતું.
રાજ્યમાં હાલમાં કુલ 96 સક્રિય કેસ છે. કોવિડ-19નો ચેપ ધરાવતા લોકોના નજીકના સંપર્કમાં કુલ 18,000 જેટલા લોકો આવ્યા છે.
છેલ્લા 24 કલાકમાં વિક્ટોરીયામાં 49,454 ટેસ્ટ કરવામાં આવ્યા હતા જ્યારે 17,083 લોકોનું કોવિડ-19 સામે રસીકરણ કરવામાં આવ્યું હતું.
પ્રીમિયર એન્ડ્ર્યુસે જણાવ્યું હતું કે આગામી 2 અઠવાડિયા સુધી વિક્ટોરીયા - ન્યૂ સાઉથ વેલ્સની સરહદ બંધ રાખવાનો નિર્ણય લેવામાં આવ્યો છે. જીવન જરૂરીયાતના ક્ષેત્રમાં કાર્ય કરતા કર્મચારીઓ તથા માનવતાના ધોરણે પ્રવેશ માટે નવી અરજી કરવી પડશે.
રાજ્યના વેપાર-ઉદ્યોગો માટે સહાય પેકેજની બુધવારે જાહેરાત થશે
પ્રીમિયર ડેનિયલ એન્ડ્ર્યુસે જણાવ્યું હતું કે અત્યાર સુધીમાં રાજ્યના 90,000 વેપાર - ઉદ્યોગોને નાણાકિય સહાય ઉપલબ્ધ કરાવી દેવામાં આવી છે.
પરંતુ લોકડાઉન લંબાવવામાં આવતા વધુ સહાય અંગે બુધવારે જાહેરાત કરવામાં આવશે.
The death was announced by South Australian Premier Steven Marshall. Source: AAP
સાઉથ ઓસ્ટ્રેલિયામાં પણ સાંજે 6 વાગ્યાથી લોકડાઉન
સાઉથ ઓસ્ટ્રેલિયામાં સામુદાયિક સંક્રમણથી કોવિડ-19ના 5 કેસ નોંધાતા રાજ્યના પ્રીમિયર સ્ટીવન માર્શલે સમગ્ર રાજ્યમાં 20મી જુલાઇ સાંજે 6 વાગ્યાથી લોકડાઉન લાગૂ કરવાનો નિર્ણય લીધો હતો.
રાજ્યના આરોગ્ય અધિકારીઓએ ડેલ્ટા પ્રકારના સંક્રમણને ધ્યાનમાં રાખીને એક અઠવાડિયા સુધી લોકડાઉન અમલમાં મૂક્યું છે. રાજ્યમાં હાલમાં કોવિડ-19ના સંક્રમણનો ભય ધરાવતા સ્થળોની સંખ્યા 16 થઇ છે.
જે અંતર્ગત 5 કારણોસર ઘર બહાર જઇ શકાશે.
- સાર સંભાળ લેવા કે આપવા
- જરૂરી કાર્ય માટે
- જીવન જરૂરિયાતના સામાનની ખરીદી કરવા
- આરોગ્ય સુવિધા માટે કે રસી લેવા
- કસરત કરવા - એક જ પરિવારના સભ્યો સાથે કસરત કરી શકાશે.
આ ઉપરાંત, રાજ્યમાં પ્રત્યક્ષ શિક્ષણ માટે બુધવારથી શાળાઓ બંધ કરવામાં આવશે. ઇલેક્ટીવ સર્જરી તથા બાંધકામના ક્ષેત્રો લોકડાઉનના સમયમાં કાર્ય કરી શકશે નહીં.
વિવિધ માધ્યમો દ્વારા SBS Gujarati સાથે જોડાયેલા રહી શકો છો.
Share
