સાઉથ ઓસ્ટ્રેલિયાએ કોરોનાવાઇરસના પ્રતિબંધો ફરીથી અમલમાં મૂક્યા, એડિલેડમાં 40 વિદ્યાર્થીઓ સેલ્ફ - ઓઇસોલેશનમાં, વિક્ટોરીયામાં આગામી 6 અઠવાડિયા સુધી બંધ રહેનારા વેપાર - ઉદ્યોગોની યાદી જાહેર, તાસ્માનિયા અગાઉ નિર્ધારીત સમય પ્રમાણે રાજ્યની સરહદો શરૂ નહીં કરે.
કોરોનાવાઇરસના વધુ પ્રતિબંધો અમલમાં મૂકતા વિક્ટોરીયન સરકારે બુધવારે મધ્યરાત્રિથી મેલ્બર્નના રીટેલ સ્ટોર્સને તેમનો વેપાર બંધ રાખવાનો આદેશ ફરમાવ્યો છે.
- જે વેપાર – ઉદ્યોગોને તેમનો વેપાર યથાવત રાખવાની છૂટ અપાઇ છે તેમાં સુપરમાર્કેટ્સ, ગ્રોસરી સ્ટોર્સ, ફાર્મસી, બેન્ક, પોસ્ટ ઓફિસ, લીકર શોપ, બેકરનો સમાવેશ થાય છે.
- મેલ્બર્નમાં આગામી છ અઠવાડિયા સુધી બનિંગ્સ, એડમિન સર્વિસ, અને વસ્તુનું ઉત્પાદન કરતા કેટલાક ઉદ્યોગો કાર્યરત રહી શકશે નહીં.
- બીજી તરફ, મેલ્બર્નમાં કાર્યરત મીટ ઉત્પાદકો આંશિક રીતે તેમનો વેપાર યથાવત રાખી શકશે. જોકે, કર્મચારીઓએ ગ્લોવ્સ, ગાઉન, માસ્ક ધારણ કરવું પડશે. ઉત્પાદનની માત્રા પણ ત્રીજા ભાગની કરવામાં આવશે.
- રીજનલ વિક્ટોરીયાના રેસ્ટોરન્ટ્સ, બ્યૂટી સલૂન જેવા વેપાર – ઉદ્યોગોને બંધ રાખવાનો આદેશ કરાતા તેમને 5000 ડોલરનું સહાયતા પેકેજ આપવામાં આવશે.
Listen to SBS Gujarati every Wednesday and Friday at 4 pm.
Follow us on Facebook.
Share
