Australia ram hlapi le rammi sinak biakamnak
Australia Ram Hlapi le rammi sinak caah biakamnak cu Australia ram pumpi chungah hmanmi holh phunkip in kan leh.
Published
Updated
Source: SBS
SBS nih Australia ram pumpi chungah a ummi Aboriginal le Torres Strait Islander Miphun hna cu Ram ngeitu an sinak le vawlei, ti le zatlangbu he pehtlaihnak a ngeimi an sinak cu a dirpi.
Advance Australia Fair hla bia cu 1878 ah Australia ramchung cachimtu cheukhat le hlaphuah thiam Peter Dodds McCormick i bawm in an rak tial mi a si. April 19, 1984 kum ah Australia ram hlapi si dingin an rak fehter.
Pumkhat kan sinak langhternak ding caah ram hlapi chung i a tlang hnihnak 'Zeicatiah kan nih cu kan no i zalonnak a hmu kan si', timi kha 'Zeicatiah kan nih cu lung a rualmi le zalonnak a hmu kan si' tiin 2021 ah an rak thlen.
Ram Hlapi cu cozah nih an tawlrel mi tonpumhnak, lentecelhnak zuamnak le a dang zatlangbu tonpumhnak kipah tum le sak a si.
[AUDIO EMBED HERE]
Australia Ram Hlapi
Australia mi vialte i lawm cio tuah,
Zeicatiah kan nih cu lung a rualmi le zalonak a hmumi kan si;
Tei a rialmi nih rumnak an hmuhnak vawlei țha kan ngei;
Kan ram cu rilipi nih a kulh dih i;
Kokek man sung in thuamh mi kan ram
A sunglawi i a dawh hringhran ko;
Tuanbia cahmai ah, chankhat hnu chankhat in
Australia cu tlukruannak in țhangcho chin seh.
Lunglawmhnak in, hla kan sa lai,
Australia cu tlukruannak in țhangcho chin seh.
Thlanglei arfi ceu tangah
Lungthin le thazaang dihlak in;
Kan ram kan sersiam lai
Ram kip nih an upat mi ram siseh;
Rili ral in a rak ra mi hna caah
Hrawmh awk hmunhma kaupi kan ngei;
Ralțhatnak he kan dihlak i funtom hna usih
Australia tlukruannak in a țhanchonak ding caah.
Lunglawmhnak he hla sa hna usih,
Australia cu tlukruannak in țhangcho chin seh.
- Credit: Don Arnold/Getty Images
Australia Rammi sinak biakamnak
Australia rammi sinak i peknak cu 1949 kum ah an rak thok i, an rak thok ri in nihin ni tiangah phungning tein rammi sinak pek cang mi hi nuai 6 (ting 60) leng an si cang.
Rammi sinak a hmu mi lawmhpinak cu pawngkam cozah ( khongsil) nih an tawlrel. Rammi sinak pek hram an rak thok hmasa bik ni September 17 philh lonak ah, khi ni ah rammi sinak a hmu mi lawmhpinak an tuah lengmang.
Cu lawmhpinak an tuah caan ah cun Australia ram hlapi an tum, cun Australia rammi sinak a hmumi nih rammi sinak nih a ngeihmi țuanvo cu ka tlinh hrimhrim lai tiah bia an i kam.
Biakamnak cu phunhnih in an țhen, a țhenkhatnak cu Pathian min biakamnak tuah a si.
Biakamnak pakhatnak
From this time forward, under God,
I pledge my loyalty to Australia and its people,
whose democratic beliefs I share,
whose rights and liberties I respect, and
whose laws I will uphold and obey.
Atu caan thokin, Pathian hmai ah
Australia le a chung i ummi mizapi,
keimah he zauk phung uknak a hrawm mi,
an hmuh awk covo le zalonnak ka upatmi,
hna caah zumhtlak ka si lai tiah bia ka kam,
cun, an nawlbia hna cu ka dirpi lai i ka zulh hna lai.
Biakamnak pahnihnak
From this time forward,
I pledge my loyalty to Australia and its people,
whose democratic beliefs I share,
whose rights and liberties I respect, and
whose laws I will uphold and obey.
Atu caan thokin,
Australia le a chung i ummi mizapi,
keimah he zauk phung uknak a hrawm mi,
an hmuh awk covo le zalonnak ka upatmi,
hna caah zumhtlak ka si lai tiah bia ka kam,
cun, an nawlbia hna cu ka dirpi lai i ka zulh hna lai.
Australia ram hla bia le rammi sinak biakamnak cu na nuhrin holh in rel le ngaih khawh a si.
Share
Listen to our podcasts
Independent news and stories connecting you to life in Australia and Hakha Chin-speaking Australians.
Ease into the English language and Australian culture. We make learning English convenient, fun and practical.
Get the latest with our sbs hakha chin podcasts on your favourite podcast apps.
Watch on SBS
SBS World News
Take a global view with Australia's most comprehensive world news service
