Aboriginal & Torres Strait Islander miphun le ANZAC Day tuanbia

ANZAC Day, hi Australia ah a um mi nih cun mizapi hmurka in kan theih lengmang theo lai ka zumh. Rampi nih a sunhsak mi, kum khat chungah biapi taktak ah ruah mi ni le thla a si. Hi nile thla ah, ram le miphun caah nunnak le thisen a pe mi hna kha upatnak sang bik kan pek hna.

The Australian War Memorial For Our Country memorial recognises the military service of Aboriginal and Torres Strait Islander peoples. Credit: Tracey Nearmy/Getty Images

Australia ram caah nunnak pekin ral a tu mi hna konglam kan kherhlai tikah Aboriginal le Torres Strait Islander miphun tampi hmuh khawh an si. A hleiin, ralpi pakhat le pahnihnak lio ah Australia ram aiawh in ralram ah a rak kal mi vunrang tampi hna lakah an nih zong an rak i tel ve.

Australia ralkap thimnak caah an ngeih mi zulhphung nih a rak onh hna lo nain ram caah tiah an rak pah chih.

Ngunnawal le Gomeroi mi Michael Bell cu ram caah Indigenous Liaison Officer dirhmun in rian a tuan cuahmah mi pakhat a si. Australian War Memorial ah tuanvo ngeitu pakhat zong a si i, Aboriginal le Torres Strait Islander miphun chungin ram caah nunnak pe mi, le ralram ah a kal mi pasal tha le nusal tha hna konglam kha kherhlainak a tuah.

Ahohmanh, upat peknak ah philh le hrelh sual an sinak hnga lo.

Aboriginal le Torres Strait Islander miphun chungin ram caah rian a tuan mi milu zat

“Ralpi pakhatnak ah khan, Aboriginal miphun chungin pa 1200 tluk cu raltu dingin lak le thim an rak si. Cun, ralpi pahnihnak ah pa 6500 tluk thim le lak an rak si than. Pehzulh in kherhlainak tuah a si tikah rak hrelh sual mi kha min cazin ah khumh than an si, an milu zat hi a karh chin lengmang ko,” tiin Bell nih a chim.  

Understanding ANZAC Day means recognising the contributions and challenges faced by Aboriginal and Torres Strait Islander peoples.  Credit: Brendon Thorne/Getty Images

Mizapi hmurka in a chuak mi biahalnak, an nolh than lengmang mi biahalnak pakhat cu ram ngeitu miphun chungin thim mi ralkap milu zat le miphun dang chungin ralkap thim milu zat kong hi a si.

Ral ram ah a kal min cazin kan zoh than tikah Aboriginal miphun le miphun dang milu zat hi a tluk ngaingai ko. An miphun milu zat le ral ram ah a kal dingin thim mi milu zat cuaithlainak kan tuahmi chungin kan hmuh khawh mi a si.

Michael Bell

First Nations Australia nih an ton mi harsatnak

Ral a tu ding, ralkap thimnak an tuah lioah hin Aboriginal miphun hi an rak thim duh hna lo. Harsatnak tampi an rak tong.

Zei bantuk harnak dah an rak ton?

Australia ram mi taktak ah rak pom le cohlan an rak si lo. Cu nakin a rak fak deuh rih mi cu hmun cheukhat le bangah cun upadi nih minung min cazin chung khumh dingah nawl hmanh a rak pe hna lo tiin Bell nih a chim.

Cun, ralkap thimnak zulhphung cheukhat ah mirang ci thlah a si lo mi cu ralkap ah thim lo dingin phung an rak ser.

Sihmansehlaw, mi cheukhat cu ram caah nunnak pek ve an duh tuk caah thil phunphun an tuah, lam dang an kawl.

“Aboriginal pa pakhat cu ralkap ah luh ve a duh tuk caah Queensland in Albury tiang bak a ke in a rak kal. Min cazain peknak hmun panga a rak pal pah, a donghnak ah mi a pe kho ve. Ngaihchia ngai a si mi cu, ral ram an kal lio ah a dam lo I lawng cungah a nunnak a liam. Aboriginal an si ruangah an rak cohlang duh hna lo nain lung dong loin an pah chih timi tuanbia ah kan hmuh khawh.”     

Zeitluk in dah ram dawtnak an ngeih, zei tluk in dah an lung a tthawn le tei an maknak hi tuanbia in kan hmuh khawh. An ram nih nu hrin covo hmanh a pek hna lo lio ah an nih nih ram caah nunnak pek in ral an tu.

A wreath is laid during the annual ANZAC coloured diggers service in Sydney. Credit: Lisa Maree Williams/Getty Images

Ral ram in an rak kir hnu ah an ton mi harnak

Ral ram in an rak kir hnu ah zei bantuk thil dah an ton?

Aboriginal miphun, ralram in a rak kir mi tampi cu thleidanhnak an tong.

Miphun dang ram ah, nunnak pek in ral an tu, thinphan thlalaunak in an khat. An rak kir hnu ah, ram ciacia nih a hlawt hna, nitin an nunnak cu harnak in zelh thiamthiam.

An dihlak cu an si lo, a cheukhat cu cozah bawmhnak tha tein an hmu, nain upadi ruangah midang an hmuh hnga tluk in bawmhnak an hmu lo.

Ral ram in a rak kir mi hna caah tonnak hmunhma an ser, nain ral tuknak in a rak kir ve mi Aboriginal miphun pawl cu luhnak nawl an rak pe hna lo.

Tuchun kan dirhmun, kan zoh than tikah kan tuanbia cu cinken le upat piak kan si ve cang.

Aboriginal miphun nih ram caah rian kan tuannak cu theihpi le, mizapi sin ah chim phuan khawhnak lam a kau chin duahmah cang, tiin Bell nih a chim.

Australia nih Aboriginal le Torres Islander miphun ram caah rian an tuan nak an theihpi ve cang hna.

Ral ram in a rak kir mi hna caah tonnak hmunhma an ser, nain ral tuknak in a rak kir ve mi Aboriginal miphun pawl cu luhnak nawl an rak pe hna lo.

Tuchun kan dirhmun, kan zoh than tikah kan tuanbia cu cinken le upat piak kan si ve cang.

Aboriginal miphun nih ram caah rian kan tuannak cu theihpi le, mizapi sin ah chim phuan khawhnak lam a kau chin duahmah cang, tiin Bell nih a chim.

The annual ANZAC coloured diggers event in Sydney celebrates the contributions of Aboriginal and Torres Strait Islander servicemen and servicewomen. Credit: Lisa Maree Williams/Getty Images

Ram ngeitu miphun cheukhat nih ram caah nunnak le thisen an pek ve

Australia tuanbia, mizapi sinah langhter le phuan a si tikah, tlukruannak he kan konglam cu ram mi hna nih an theih khawh ve cang tiah a chim chap.

Kan theih cia cang bantuk in, ANZAC Day cu ram caah rian a tuan mi, ram caah nunnak le thisen a pe mi hna upat pek ni a si.

Nihin ni ah kan langhter duh mi cu ANZAC Day kong chim tikah ahohman thleidannak um loin, ram caah nunnak le thisen a pe mi vialte kha upatnak pek sang bik kan pek hna a herh.

Subscribe to or follow the Australia Explained podcast for more valuable information and tips about settling into your new life in Australia.

Do you have any questions or topic ideas? Email [e-mail]