Ntsiab lus:
- Yuav muaj cov kev sib tw nqua yas suab Eurovision thawj zaug ntawm cov teb chaws Asia uas sib tw ntawm Thaib lub tuam ceeb Bangkok.
- Thai teb, South Korea, Philippines, Vietnam, Malaysia, Cambodia, Laos, Bangladesh, Nepal thiab Bhutan yog cov teb chaws yuav koom cov kev sib tw no.
Eurovision uas yog ib cov kev sib tw nqua nkauj uas muaj neeg nyiam saib heev no yuav muaj thawj cov kev sib tw thawj zaug ntawm cov teb chaws Asia yav lig xyoo 2026 no ntawm Thaib lub tuam ceeb Bangkok.
Cov kev sib tw Eurovision Song Contest Asia 2026 tau qhia meej tias muaj tej neeg nqua nkauj ntawm cov teb chaws yam tsawg li 10 lub suav teb chaws Thaib (Thailand), Kaus Lim qab teb (South Korea), Philippines, Cob tsib) Vietnam, Malaysia, Cambodia, Laos (Nplog), Bangladesh, Nepal thiab Bhutan yuav mus koom cov kev sib tw no.
Tsis tas li ntawd los kuj tseem yuav muaj ntau cov teb chaws mus koom ua ntej yuav xaus cov kev sib tw no rau lub 11 hlis ntuj thiab.
Martin Green uas yog tus coj uas tswj cov kev sib tw no tau hais ib hmo dhau los tias "Lub caij ua cov koom txoos sib tw nqua yas suab Eurovision Song Contest txwm 70 xyoo no yog ib lub tsam thawj tseem ceeb tshiab rau cov teb chaws Asia, uas yog cheeb tsam muaj ntau yam kab lis kev cai, laj lim tswv yim thiab tej tsab peev xwm."
Raws li Chuwit Sirivajjakul uas yog tus kis ntawm Thaib lub tuam chav tswj dej num ntoj ncig hais ces Bangkok yog lub nroog zoo yuav ua tus tswv cuab tswj cov kev sib tw no vim tias ''yeej ib txwm yog thaj chaw uas ntau cov kab lis kev cai mus sib ntsib ua ke, mus tej paj nruag tas mus li thiab yog thaj chaw ua kev zoo siab rau txoj kev ua lub neej txhua hnub."
SBS (Special Broadcasting Services) yuav tsis mus koom sib tw ntawm cov teb chaws Asia tab sis yuav uas tus nthuav cov kev sib tw no rau sawv daws saib.
SBS tus kis tau hais tias "SBS yeej tau lees paub los ntev lawm tias yeej xav mus koom cov kev sib tw nqua nkauj Eurovision thiab yeej muaj peev xwm siv tej paj nruag sib cuag tau nrog tej neeg mloog thiab sib faib tej kab lis kev cai no nrog lwm tus,"
"Peb zoo siab heev ua tseem muaj neeg kub siab xav ua kev zoo siab rau tej koom txoos no kom muaj kev sib cuag tau nrog cheeb tsam no thiab yeej kub siab ntsoov txog cov kev kub siab txog cov kev sib tw no txuas ntxiv."
Tab sis lub koom txoos loj tiag ces yog lub koom haum European Broadcasting Union uas tus tswj thiab muaj neeg coob tshaj 100 million tus saib txhua xyoo.
Thiaj muaj 35 lub teb chaws mus koom cov kev sib tw loj uas tau npaj tias yuav sib tw ntawm teb chaws Australia lub tuam ceeb Vienna lub 5 hlis ntuj xyoo 2026.
Yeej muaj ntau lub teb chaws li Iceland, Ireland, Netherlands, Slovenia thiab Spain los kuj tsis pom zoo kom ua lub koom txoos no vim Israel mus koom.
Cov kev sib tw no yuav kub siab txog tej paj nruag ua ntej tsis yog tej laj fai kum xeeb (politics) tab sis yeej yog ib co xwm txheej uas muaj kev cuam tshuam tas los rov qab cuam tshuam ntxiv nrog ntiaj teb tej xwm txheej.
Russia thiaj raug tsis pub mus koom xyoo 2022 tom qab nws tau mus tua teb chaws Ukraine.
Tej xwm txheej tsov rog ntawm Gaza thiaj ua rau tej neeg mus rwg npoj tawm tsam ntawm ntau qhov chaw uas muaj cov kev sib tw no. Thiaj ua rau tej neeg uas tswj tej koom txoos no tsim ib co cai nruj los txwv tsis pub tej neeg siv tej laj fai kum xeeb los yog tej cij coj los tawm tsam xa moo rau lwm tus.
Thiab ntshe tej zaum kuj yuav muaj tej kev tsis sib haum xeeb li no ntawm cov kev sib tw Eurovision Song Contest Asia 2026 no thiab tom qab uas Thaib thiab Camobida tau sib ntaus sib tua muaj ceem heev raws ciam teb ob zaub xyoo 2025.
Mloog tau xov xwm tshiab ntawm SBS Hmong, download SBS Adio app thiab caum SBS Hmong Facebook page thiab mloog tau SBS Hmong Youtube.
