Raws li tau muaj ib cov kev teeb txheeb tshiab tshawb fawb tau ces yuav laug txhua txoj hauj lwm ntawm Australia ces yeej yuav raug tej technology hloov, txawm li cas los yeej yuav muaj ib txhia uas tej zaum yuav tsis muaj rau sawv daws ua ntxiv lawm.
Barrenjoey uas yog ib lub tuam txhab nqes peev lagluam tsab ntawv cej luam txheeb tau tias tsuas muaj Australia ib txoj hauj lwm twg ntawm 1,000 txoj thiaj tsis muaj feem cuam tshuam dab tsi los ntawm tej technology thiab cov artificial intelligence (AI) xwb, ces thiaj qhia tau tias ''yuav ua rau muaj cov kev pauv hloov rau tej neeg ua hauj lwm loj tshaj plaws'' ntawm tiam keeb kwm vam meej no.
Johnathan McMenamin uas yog tus kwv yees lagluam ntawm Barrenjoey thiab kuj yog ib tug koom sau tsab ntawv cej luam no tau hais tias tej zauv no mas ''yog ib co uas ntau tshaj plaws li".
Nws tau qhia rau SBS News tias "Txhais tias yuav muaj kev pauv hloov nthuav dav heev. Thiab yuav ua rau muaj teeb meem rau tej xub ke peb ua hauj lwm thoob plaws rau tej chaw ua hauj lwm."
Ib co hauj lwm ces yuav hloov, ib txhia ces 'yuav tsis muaj rau tej neeg ua ntxiv lawm'
Tsab ntawv cej luam ua tau mus teeb txheeb txog ob qho tseem ceeb uas tej AI thiab technology uas muaj rau tej chaw hauj lwm li tej txuj ci thiab tej hauj lwm uas muaj peev xwm siv technology los ua hloov ntawm tej chwa ua hauj lwm uas technology haj yam muaj feem xyuam loj tshaj qub ntxiv.
McMenamin tau hais tias tej hauj lwm uas muaj peev xwm siv tau technology los pab yuav ua rau ua tau tej hauj lwm zoo tshaj qub ntxiv thiab ua tau tej hauj lwm ntau tshaj qub ntxiv.
Tsab ntawv cej luam no tau txheeb tau tias ib txoj ntawm ob txoj hauj lwm twg ces yeej ''yuav muaj kev cuam tshuam ntawm technology theem nrab mus txog theem siab'', thiab muaj ib txoj ntawm peb txoj twg ces tej zaum raug siv technology los ua lawm xwb.
McMenamin tau hais tias "Txhais tias peb tab tom npaj ntau zuj zus tuaj los siv technology pab ntau dua qhov uas yuav raug technology coj los ua peb tej hauj lwm,"
"Peb xav tias tej zaum tej technology kuj yuav tsis ua rau muaj neeg poob hauj lwm coob. Cov kev teeb txheeb no tsis yog ib co qhia xov phem rau peb li tej uas tej zaum peb tau pom nrog lwm cov piv txwv, tab sis yog tej yam xwm txheej hauj sim ntawm tej chaw ua hauj lwm xwb."
Tej kev teeb txheeb uas tshawb fawb tau no yeej zoo tib yam li tsoom fwv teb chaws cov kev teeb txheeb uas tau cej luam rau lub 8 hli ntuj dhau los, uas txheeb tau tias tej generative AI technology yog cov yuav raug siv coj los pab pab ua hauj lwm tsis yog yuav raug siv coj los ua hauj lwm hloov peb.
Txawm tias muaj txog li ntawm 30 feem pua ntawm tej neeg uas ua tej hauj lwm uas yuav tau siv technology ntau heev los pab, los tsab ntawv cej luam uas tau coj los qhia lub 8 hli ntuj dhau los tsuas txheeb tau tias tsuas muaj tej hauj lwm txog 4 feem pua thiaj yuav raug cov generative AI los ua xwb.
Tsab ntawv cej luam Barrenjoey qhia tias muaj tej chaw ua hauj lwm txog li 10.9 feem pua yog cov yuav raug hloov, hos muaj tej chaw ua hauj lwm txog 22.3 feem pua ces tsuas raug tej technology no hloov txog li theem nrab xwb thiab.
Tsuas muaj 7 feem pua ntawm tej chaw hauj lwm thiaj yog cov uas yuav raug cov generative AI los ua ntau heev xwb, thiab tsuas muaj tej chaw hauj lwm txog li 38.4 feem pua yuav raug tej xwm txheej no theem nrab xwb.
McMenamin tau hais tias "Qhov yuav muaj kev pauv hloov rau tej hauj lwm uas raug siv technology coj los ua ntawd ces tej zaum kuj yuav yog cov hauj lwm ua raug hloov tshiab los yog tej zaum kuj yuav tsis muaj tej hauj lwm ntawd zuj zus rau ib lub caij twg lawm,"
"Tej zaum kuj tsis yog ib hmos tag kis xwb ces txawm cia li yuav hloov kiag, tab sis tej zaum lawv yeej yuav maj mam ploj mus tsis muaj ntxiv lawm."
Tej hauj lwm uas yuav raug technology hloov thiab tej uas raug hloov rsawg tshaj plaws
Raws li ib txwm paub ces tej neeg ua hauj lwm uas tau siv dag zog, tswj thiab siv tej tshuab tooj tshuab hlau, tej neeg muag khoom, tej clerks yog cov uas yuav raug technology hloov, thiab tej hauj lwm no yog ib co hauj lwm qub uas ntshe yuav tsis muaj rau tej neeg ua ntxiv lawm raws li tsab ntawv cej luam no qhia.
Cov kev teeb txheeb no kuj qhia ntxiv tias tej khw muag tej khoom noj khoom haus uas raug teev nrog Australian Securities Exchange (ASX) industries yog cov yuav raug technology hloov ntau tshaj plaws, uas tej zaum yuav muaj cov chaw them nyiaj yuav khoom ntau tshaj 125,000 cov thiab tej neeg pab muag khoom thoob teb chaws txog li 560,000 uas pheej tseem ua tej hauj lwm no ntshe kuj yuav raug tej technology ua los kuj tau thiab.
Tej neeg uas ua hauj lwm tu tej vaj tse, tsev tos qhua los yog tej chaw ua hauj lwm etc tej neeg pab muag khoom ntawm tej chaw muag khoom, tej chaw ua ib co hauj lwm twg tsi ntsees tej neeg pab ntxuav tais, tej neeg xa khoom thiab xa ntaub ntawv, tej neeg tsav tsheb thauj khoom, tej neeg ua cov hauj lwm nchuav hlau ua ntau yam sib txawv los yog txuas hlau yog cov neeg uas yuav raug teeb meem ntau tshaj plaws.
Tsis tas li ntawd los ntau cov lagluam services li npaj tej se, sab laj cai lij choj, kev kawm thiab kev ruaj tseg rau yus lub tsev yog ib co uas yuav raug tej technology hloov tsawg tshaj plaws.
Cov kev teeb txheeb txog kab mob thiab kev kho mob uas pab kom tib neeg taut xasi kev noj qab nyob zoo thiab tej lagluam services cuam tshuaj txog kev kho mob, tej laboratory scientists, ces yog cov txuas ntxiv uas yuav raug hloov tsawg tshaj plaws.
Tsab ntawv cej luam no kuj tau qhia tias tej neeg ua hauj lwm ntawm tej real estate investment trust ces yuav raug cov technology hloov tsawg dua tej neeg uas ua lwm yam hauj lwm ntawm lwm cov lagluam luam.
McMenamin tau hais tias "Tej hauj lwm uas yuav raug hloov ntau tshaj plaws yog tej uas yuav tau ua txhua hnub. Tej hauj lwm no thiab tej txuj ci no ces peb yeej tau hloov rau ib lub caij ntev heev lawm,"
Tsab ntawv cej luam no kuj tau txheeb tau tias muaj 5 co lagluam yog cov uas yuav siv tej technology los hloov tej neeg ua hauj lwm li cov insurance, tsev tos qhua, khw noj mov, tej chaw muag dej cawv, tej chaw muag tej khoom noj khoom haus thiab muaj tej zaub mov.
Tej hauj lwm twg yob cov tab tom yuav hloov?
McMenamin hais tias qhov txawv tej tau hais ntawd lawm ces tej hauj lwm uas yuav raug technology hloov los ua lawm yog "tej hauj lwm los yog tej chaw ua hauj lwm uas uas tsis muaj kev cuam tshuam dab tsi ntawm technology dhau los li" thiab yeej ib txwm yog cov hauj lwm cuam tshuam txog ''cov kev xav".
Nws tau hais tias "Tam sim no ces yeej muaj tej hauj lwm ntau yam yuav cuam tshuam nrog technology ntau tuaj ntxiv, uas yav tas los mas yog cuam tshuam rau tej neeg ua hauj lwm tswj tej tshuab tooj tshuab hlau tej neeg ua hauj lwm siv dag zog thiab clerks thiab tam sim no tau hloov rau ib co neeg ua hauj lwm tshiab dua lawm,''
Tsib co lagluam tseem ceeb ntawm ASX industries uas tej zaum yuav raug technology hloov tau yog:
- Insurance
- Health care technology
- Software
- Interactive media and services
- IT services
McMenamin tau hais tias qhov tseem ceeb ntawm cov kev teeb txheeb no ces yog tej neeg ua hauj lwm ''yuav tsum tau hloov thiab yoog"
Nws tau hais tias "Nod yog tej hom phiaj dav dav ntawm technology, uas yog ib co uas yuav hloov tej xub ke peb ua hauj lwm ntawm tej chaw ua hauj lwm, zoo tib yam li thaum tau coj tej computers coj los siv los yog thaum tau tsim tej internet coj los siv,"
"Sawv daws yeej xav tias yuav ua rau muaj teeb meem phem rau txhuas tus, tab sis kuv xav tias tias thau kawg ces peb yeej paub tias (tej technology) yeej yuav pab kom peb ua tau lagluam zoo uas yuav pab kom peb ua tau lub zoo neej thiab."
