Pib txij hnub tim 1 lub 7 hli ntuj xyoo 2018 no mua teb chaws Australia yuav hloov cov points system tshiab rau cov neeg tsiv teb tsaws chaw tuaj nyob teb chaws Australia lawm.
Pib txij li financial year 2018-2019 no mus ces yuav muaj cov points system uas siv rau cov general skilled migration uas tuaj ua hauj lwm hauv teb chaws Australia no hloov lawm.
Zaum no tau muab cov points system hloov ntawm cov qub uas tau 60 ponts hloov dua tshiab ua 65 points lawm txij hnub tim 30 lub 6 hlis ntuj xyoo 2018 no mus lawm thiab yuav pib siv cov kev pauv hloov tshiab no txij hnub tim 1 lub 7 hli ntuj xyoo 2018 no mus lawm.
Chaman Preet uas yog ib tug neeg ua hauj lwm khiav ntaub ntawv pab rau cov neeg tsiv teb tsaws chaw hauv nroog Melbourne no tau qhia tias:
"Cov kev pauv hloov no yuav ua rau muaj teeb meem rau cov neeg uas thov cov skilled migrant visa tuaj ua hauj lwm rau teb chaws Australia no coob heev." "Chaman Preet tau hais ntxiv tias thaum tseem ntxov mas peb muaj peev xwm xa cov ntaub ntawv xav thov cov visa no sawv cev rau tej neeg thiab tsuas siv 60 points system xwb. Thiab nom tswv yuav tau siv ntau cov txheej txheem los txiav txim li tus neeg ntawd lub hnub yug thiab seb nws paub ua txoj hauj lwm ntawd ntev npaum li cas lawm."
Tsis tas li no los tseem muaj cov neeg txawj txeeb coob heev hais tias tsim nyog lwm lub teb chaws yuav tau siv Australia cov points-based system los ua ib cov qauv pub tej neeg tuaj ua hauj lwm rau lawv tej teb chaws.
Nyob rau lub caij teb chaws Askiv tseem tawm tsam kom Askiv tawm tsis txhob ua tub koom siab nrog lub koom haum European Union ntxiv lawm ntawd, tau muaj ntau tus coj tau sib cav tias tsim nyog yuav tau coj Australia cov system no coj los siv thiab.
Boris Johnson uas yog Askiv tus pwm tsav lis lajfai pej kum tau qhia tias tsim nyog nws haiv neeg yuav tau coj "Australia cov points system no coj mus siv."
America tus thawj tsav meem Donald Trumnp los kuj tau qhua tias Australia muaj cov txheej txheem zoo thiab ntxaws heev los txheeb xyuas tej neeg no thiab.
Tab sis txawm li cas los cov kev nce 5 points ntxiv no haj yam yuav nyuaj zog rau ntau tus neeg kom txhob muaj peev xwm thov tau cov skilled migrant visa lawm.
Chaman Preet hais tias "Yuav ua rau muaj teeb meem rau cov neeg ua lagluam.Tsaib no tau muaj ntau tus neeg xa ntawv thov cov visa no qhia tias nom tswv xeev tsuas xav tau 55 points xwb thiab mam pub 5 points rau lawv kom lawv thov tau cov skilled migration visa tuaj rau teb chaws Australia. Tab sis tam sim no cov neeg no yuav tsis muaj peev xwm thov tau ntxiv lawm."
Tsis tas li no los tseem yuav ua rau lwm cov neeg paub ua lwm yam hauj lwm thov tsis tau thiab vim tsoom hwv xav kom cov neeg no muaj cov points txog 80 points diam thiab.
Chaman Preet tau tshab txhais txog qhov tseem ceeb ntawm cov kev pauv hloov no tias:
"Txawm nce 5 points ntxiv xwb los yeej muaj txiaj ntsim zoo heev rau cov system no lawm. Vim tam sim no cov neeg xav thov cov general skilled migration visa no yuav tau xeem kom tau ntawv Askiv zoo los yog lawv tus txij nkawm nrog lawv tuaj tseem raug txheeb tias seb puas yog cov neeg paub ua hauj lwm ntxiv thiab. Yog li thiaj tsis yog ib qho yooj yim kom tau 5 points ntxiv."
Irfan Peerzada uas yog ib tug neeg pab khiav ntaub ntawv rau cov neeg tsiv teb tsaws chaw (migrant agent) los kuj qhia tias nws mloog tau tias cov kev pauv hloov no yuav tsis muaj teeb meem dab tsi rau cov neeg muaj txuj ci thiab yeej paub ua tau hauj lwm zoo lawm.
"Nyob ntawm seb tej lagluam puas xav tau cov neeg paub ua hauj lwm coob npaum li cas thiab ho muaj tej neeg no puas txaus raws li qhov lawv xav tau xwb. Vim tam sim no tseem muaj cov neeg muaj txuj ci siab thiab yeej paub ua tau hauj lwm zoo heev yeej xav tuaj rau teb chaws Australia. Thiab yeej tsis muaj tej neeg no txaus rau tej tuam txhab lagluam siv, piv txwv li cov neeg tuav thiab tswj ntaub ntawv nyiaj txiaj (accountants)
t is all about demand and supply. When the number of more qualified candidates applying for Australian visa goes higher, the cutoff rises. And this is the present scenario. Interest in moving to Australia is very high among skilled professionals. So the cut off in those categories is already very high. In the case of accountants, for instance, the cut off goes up to 80 at times. So those professionals are not going to be affected by this change."
Mloog tau lwm yam xov xwm ua lus Hmoob ntxiv tau ntawm SBSHmong Facebook page tau.
Listen more news in Hmong and English at SBS Radio Hmong Program on www.sbs.com.au/hmong Thursday at 6pm AEDT-Australian Eastern Standard Time and Sunday at 11 am AEDT.
You can download SBS Radio App from App Store at https://apple.co/2pLgvCX and from Google Play at http://bit.ly/2GuIRv or you can download podcasts news in Hmong and English from www.sbs.com.au/podcasts/yourlanguage/hmong.
Besides, you can follow us, click like, share and comments at #SBSHmong website at www.facebook.com/sbshmong.
Call to have a chat with SBS Radio Hmong Program on + 61 3 9949 2259 or sent your comments to comments@sbs.com.au.
