Pab nom Green qhia tias nws tsuas xav kom tej neeg xav thov cov permanent parent visa tau tos li 1 xyoos lawm thaib yuav los xyuas cov uas tseem tos tam sim no txog 97,000 ntawd kom tiav rau lub sij hawm 3 xyoos no.
Yog tsis muaj cov permanent parent visas, ces tej neeg tsiv teb tsaws chaw tsuas muaj peev xwm siv tau cov toursit visas tos tau lawv niam lawv txiv tuaj nyob ib ntus xwb.
Di Natale uas yog pab nom Greens tus coj nrog cov tub tshaj xovxwm tham ntawm nroog Melbourne -AAP.
“Kuv tu siab tias tsoom hwv tseem xav muab tej neeg cai ntawm lawv tsev neeg li 5 xyoos thiab muaj qee cov tseem cai 10 xyoo thiab," raws li Richard Di Natale uas yog tus coj ntawm Australia pab nom Green tau qhia rau SBS News ua ntej nws yuav qhia txog nws tsab cai Family Reunion Policy ntawm Sydney hnub Tuesday.
“Kuv yeej muaj tej txheeb ze sib raug zoo heev nrog rau tej cuab yig neeg tsiv teb tsaww chaw neeg Italian thiab. Kuv ntseeg tias tsis muaj dab tsi yuav tseem ceeb npaum li yus tsev neeg lawm."
NYEEM TAU NTXIV:
Australia cov parent visa tshiab 'yog ib cov tsis muaj kev ncaj ncees' raws li tej neeg zejzog neeg tsiv teb tsaws chaw qhia.
Hom visa uas yuav tau them nyiaj “contributory” parent visa ntawd yuav tau them txog $47,000 tos ib tug neeg diam thiab tseem yuav tau tos ntev ze txog li ntawm 4 xyoo diam seb thov puas tau.
Hos cov “non-contributory” parent visa los yeej tos tau tej niam tej txiv tuaj sib xw li thawj co ntawd thiab tab sis tsuas tau them txog li $6,000 xwb tab sis pheej yig dua tab sis ntshe xyov puas yuav tos tau lawv tuaj vim yuav tau tos txog 30 xyoo diam.
Pab nom Greens thiaj hais tias nws cov tswv yim tshiab yuav ua rau tej visa hais los saum toj no siv tsis tau lawm.
NYEEM NTXIV:
Pab nom Labor yuav txo cov nqe thov cov parent visa rau cov neeg tsiv teb tsaws chaw tej cuab yig.
Ntxiv ntawd, pab nom Greens no tseem npaj yuav los txheeb xyuas cov lus zoj khi uas yuav tsum muaj ib nrab me nyuam nyob teb chaws Australia thiab ib nrab nyob txawv teb chaws nrog lawv niam lawv txiv thiab "Balance of family test'' thiab cov neeg muaj cai tos lawv niam lawv txiv tuaj xyuas tau lawv hauv Australia no yuav tsum yog pej xeem Australia los yog cov neeg nyob ruaj lawm xwb.
Tsis tas li no pab nom Greens tseem xav tso cau rau cov neeg caij nkoj tuaj rau Australia muaj cai thov tau cov family reunion visas kom tos tau lawv tsev neeg tuaj nrog lawv nyob ntxiv thiab.
Pab nom no tau qhia tias nws yuav siv nyiaj txog $250 million rau lub sij hawm ntawd thiab kwv yees tias yuav siv txog li $12.68 billion rau 10 lub xyoo ntxiv no raws li nws tej cai tau qhia.
Mehreen Faruqi uas yog pab nom Greens ib tug nom cov kev hais lus thawj zaug hauv Australia lub tsev kis xeev siab hnub tim 21. 08. 2019 -SBS News.
“Peb yog lub teb chaws yeej muaj keeb kwm zoo heev txog cov kev tos txais cov neeg tsiv teb tsaws chaw, tab sis tam sim no zoo li peb yeej tsis muaj peev xwm tos tau peb niam peb txiv thiab peb tsev neeg tuaj xyuas peb ntawm teb chaws Australia no li lawm," raws li Mehreen Faruqi uas yog ib tug neeg tsiv teb tsaws chaw Pakistani thiab yog pab nom Greens ib tug nom tau qhia rau SBS News. “Peb xav tau ib cov system uas pab kom tej cuab yig tau nyob ua ke tsis yog cov uas yuav cai kom ntev es lawv mam tau sib ntsib. Ntawm kuv lawm ces cov kev hais kom cov neeg tsiv teb tsaws chaw yuav tau tos ntau caum xyoo es mam li tau nrog lawv tsev neeg nyob no yog ib cov kev siab phem heev."
Pab nom Greens tau muaj cov kev cog lus no tom qab Australia 2 pab nom tseem ceeb tau los kho thiab qhia txog lawv tej cai cuam tshuam txog cov parent visa ntawd.
Tsoom hwv koom tswj tau coj nws cov parent visa tshiab coj los qhia rau zej tsoom paub lub 5 hlis ntuj xyoo 2017 ntawd yuav coj los siv raws kev raws cai txij hnub tim ib lub 7 hli ntuj thiab tsuas puab tos cov niam txiv ib xyoos twg txog li 15,000 tus tuaj xyuas teb chaws Australia ib zaug twg thiab tsuas pub tos ib tug leej niam los yog ib tug leej txiv xwb tsis pub tos niam thiab txiv tib si tuaj ua ke rau tib lub caij.
Tej nqe them rau cov visa no los muaj 2 hom thiab xws li hom tuaj 3 xyoos tau them $5,000 hos hom tuaj nyob tau 5 xyoos tau them $10,000. Tab sis tsoom hwv Australia lub tuam chav Department of Home Affairs kuj tau qhia tias nws yeej tau sab laj nrog zej tsoom ua ntej nws yuav los kho cov parent visa no lawm thiab.
"Cov visa tshiab no tsuas yog ib cov uas tsoom hwv Morrison tau coj los siv kom pab tau tej neeg tsiv teb tsaws chaws xwb," raws li Australia tus pwm tsav David Coleman uas tswj cov dej num tsiv teb tsaws chaw tau qhia rau SBS News lub hli dhau los.
NYEEM TAU NTXIV:
Cov pab nom tseem ceeb muaj tej cai zoo li cas rau Australia tej dej num tsiv teb tsaws chaw
Labor tau qhia tias nws npaj yuav rov qab los txheeb xyuas cov visa 15,000 daim uas pub tos tej niam txiv tuaj dua thiab yuav xyuas raws li tej neeg xav tau thiab yuav tso cai rau tej neeg muaj cai tos tau 2 tug ua niam ua txiv tuaj xyuas Australia ua ke tib si.
Labor qhia tias nws yauv muab cov nqe visa tuaj nyob tau 3 xyoos txo ntawm $5,000 los ua 1,250, thiab muab cov visa thov tuaj nyob tau 5 xyoos cov nqe ntawm $10,000 txog los ua $2,500 lawm xwb.
"Yeej muaj tej niam txiv uas muaj hnoob nyoog lawm tau thov cov tourist visa tuaj nrog lawv tej me nyuam thiab xeeb ntxwv nyog hauv teb chaws Australia no xwb tab sis yeej tau siv nyiaj ntau, ua rau lawv meem txom heev thiab ua rau lawv sab heev los yog muaj teeb meem cuam tshuam rau lawv vim yuav tau mus ntawm ib lub teb chaws rau ib lub teb chaws tuaj rau teb chaws Australia no," raws li Bill Shorten uas yog tus coj ntawm pab nom Labor tau qhia lub hlis dhau los no.
Tab sis Mr Coleman tau muab Labor cov tswv yim no tias yog ib cov kev "dag xwb".
"Pab nom Labor yeej paub zoo tias nws cov tswv yim no yuav siv tsis tau ntev, vim nws tsuas dag tej neeg zejzog neeg tsiv teb tsaws chaw xwb," Raws li Mr Coleman tau qhia.
