Australia kuj tau swb 4-1 thaum tau xub pib sib tw ntiaj teb cov kev sib tw ncaws pob FIFA World Cup 2022 ntawm teb chaws Qatar lawm.
Txawm tias Australia yog pab uas ncaws tsis tshua tau zoo los Australia kuj ua rau sawv daws ceeb thiab tom qab uas Craig Goodwin xub tua noj Fabkis thawj lub rau thaum sij hawm 9 ntiag tiv.
Tab sis tom qab ntawd ces Fabkis kuj tua noj ob lub sib rug li ntawm 5 ntiag tiv rau thaum sib tw nrog nrab lawm.
Tsis tas li ntawd los Fabkis kuj rov qab tua noj ob lub ntxiv rau second half rau sib sij hawm sib nrug li 3 ntiag tiv thiab.
Kylian Mbappe uas yog Fabkis tus neeg coj pob mus tua kom noj kuj yog ib tug ncaws tau zoo thiab tua noj ib lub thiab kuj pab kom lwm tus ncaws tau zoo.
Thiaj ua rau Graham Arnold uas yog Australia tus coach hais tias Australia tau swb rau pab uas lawv ncaws tau zoo tshaj lawm.
Nws hais tias "Lawv (Fabkis) yeej yog ib pab uas sib tw tau zoo heev, thiab yeej muaj laj thawj qhia tias vim li cas lawv thiaj yog tus yeej ntiaj teb cov kev sib tw. Tab sis kuv xav tias thawj toom ces peb kuj sib tw tau zoo thiab. Tab sis toom ob ces peb ncaws tsis tau zoo lawm.''
Australia kuj tseem yuav rov qab sib tw nrog Tunisia ntxiv rau hnub Saturday tim 29/11/2022 sij hawm 9pm AEDT ntxiv.
Lwm cov kev sib tw ntawm hnub 3 ces Saudi Arabia kuj tau yeej Argentina 2-1, Denmark thiab Tunisia 0-0, thiab Mexico thiab Poland los kuj tua tsis noj ib lub li thiab (0-0).
Mloog tau SBSHmong, rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm Facebook, Google podcasts, Spotify, thiab Apple podcasts los yog download SBS Radio App thiab SBS Hmongpodfollow
kom koj mloog tau SBS Hmong.
