Sib tw dhia hlua tau zoo dua zaum dhau los

Grace thiab Sophia nrog nkawv tus phooj ywg sib koom ua ib pab mus sib tw dhia hlua theem xeev sib tw tau zoo tshaj cov kev sib tw dhau los.

Credit: May Thao (Supplied)

Mloog tau tej zaj lus thiab lwm yam xov xwm ua lus Hmoob tau ntawm SBS Hmong | SBS Hmong.

Tau muaj cov kev sib tw dhia hlua ntawm Bundaberg Multiplex Sport Centre hnub tim 2 txog hnub tim 4 lub 5 hlis ntuj xyoo 2025 ntawm Brisbane, Queensland.

Crestmead Super Sonic kuj yog ib lub club ntawm ntau lub uas tau mus koom cov kev sib tw theem sib tw xeev zaum no thiab.

Grace thiab Sophia Thoj nrog nkawv cov npib kub thiab sib tw tau zoo tshaj nkawv cov kev sib tw dhau los. Credit: May Thao (Supplied)

Thiaj pom tau tias Grace thiab Sophia Thao nrog nkawv ib tug phooj ywg thiaj tau mus sib tw cov kev dhia hlua hu ua Double Dutch.

Nkawv tau sib tw tau zoo tshaj nkawv cov kev sib tw dhau los - breaking one's own record lawm thiab.

Mai Thoj uas yog Grace thiab Sophia niam.

Ces thiaj tau ua rau nkawv tau npib kub rau cov kev sib tw theem sib tw xeev no, thiab tseem yuav sib tw theem teb chaws (Australian Rope Skipping Championship) uas yuav muaj tej neeg sib tw tshaj 350 tus mus koom sib tw txij hnub tim 12 txog 16 lub 6 hli ntuj 2025 uas lub koom haum Skipping Australia ua tus tswj cov kev sib tw no ua ntej Australia pab Ropeparoos yuav mus koom cov kev sib tw 2025 World Jump Rope Championship ntawm Kawasaki, Japan yav lig lub 7 hli ntuj txog thaum ntxov lub 8 hli ntuj xyoo 2025 no.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm Facebook, Google podcast, Apple postcast, los yog Spotify. Download SBS Adio App thiab mloog YouTube, caum Pod follow los yog lwm cov podcasts platforms (iHeart, Amazon Music & Podcasts).