Ntsiab lus tseem ceeb:
- Tej koom haum tiv thaiv kom tsis txhob tsim kev kub ntxhov tab tom nqua hu kom tsoom fwv teb chaws tshwm nyiaj nqes peev los tawm tsam nrog tej xwm txheej kub ntxhov paus pheej muaj rau tej poj niam ntawm tej teej kawm.
- Lub koom haum Our Watch thiab tab tom nqua hu kom tsim ib cov program respectful relationship education coj los siv tau thoob teb chaws.
- Tej neeg qhia ntawv hais tias cov program no yuav pab tej hluas kom muaj txoj kev sib raug zoo nrog lwm tus, paub pab hlub thiab hwm lwm tus.
Tej koom haum ti thaiv kom tsis txhob tsim teeb meem kub ntxhov tab tom nqua hu kom siv nyiaj ntau tuaj ntxiv coj los tsim cov repectful relationships education coj los daws tej teeb meem kub ntxhov uas pheej muaj rau tej poj niam ntawm tej teej kawm.
Lub koom haum Our Watch, uas yog ib lub ntau thawj hlo rau cov kev tiv thaiv kom tsis txhob tsim kev kub ntxhov rau tej poj niam tau qhia txog nws ib co tswv yim tshiab coj los tiv thaiv kom tsis txhob muaj teeb meem kub ntxhov rau tej poj niam ntawm tej teej kawm.
Raws li tau muaj ib co kev teeb txheeb rau ib lub tswv yim uas tau sim tau ntev tshaj 10 xyoo ces pom tau tias 40 feem pua ntawm tej hluas hnoob nyoog 16 txog 17 xyoo raug cov teeb meem sexual harassment ntawm ib lub teej kawm twg.
Muaj tej ntxhais hluas yuav laug txhua txhua ib tug twg ntawm plaub tug twg uas muaj hnoob nyoog 18 txog 24 xyoos ib yam li tej me nyuam tub ces raug lwm tus tsub nias los yog raug lwm tus dag kom raug cov xwm txheej xav tej duab/video liab qab rau lwm tus.
Lub koom haum Our Watch tau nqua hu kom tsoom fwv teb chaws kub siab maj ceev nrooj los xub daws tej teeb meem no thiab tshwm nyiaj pab tsim cov kev qhia respectful relationship education rau ''tej teej kawm txhua nrho'' siv tsis yog cov program uas siv tig zaug ces tas li ntawd xwb los sis yog cov program uas muaj cov chav kawm tsawg zog.
Lub teej kawm Yarrunga Primary School ntawm Wangaratta ntawm xeev Victoria yeej tau tsim cov respectful relationships education program siv xyoo 2019 thiab tau pib txheeb ntau yam cwj pwm tsim teeb meem, suav cov kev hais lus phem, hais lus thab, hawv yuav ntaus lub cev, ua nruj ua tsiv, cov kev pheem xav tias ib tug twg yog ib co twj/khoom sib deev los yog hais tej lus tawm tswv yim tsis tsim nyog hais.
Michael Jenkins uas yog tus kis coj teej kawm tau hais tias said: "Lub sij hawm ntev tshaj li ib lub xyoos ces tib pab tub kawm uas koom siv peb cov program no yeej tau coj tej cwj pwm tsis zoo no nqes ntawm 114 feem pua los ua 61 feem pua lawm xwb.''
"Kuv xav tias ib qho zoo heev uas cov respectful relationships education ua ces yog pab tsim cov emotional literacy thiab emotional intelligence rau tej hluas.
"Qhov tseeb tiag ces yog peb tab tom qhia rau tej hluas tias cov kev ua ib tug hluas zoo hauv ntiaj teb no zoo li cas, ces cov respectful relationships education thiaj yog ib co tseem ceeb heev yuav pab kom ua tau li hais ntawd.''
Patty Kinnersly uas yog tus coj lub koom haum Our Watch thiaj tau hais tias lub tswv yim no raug coj los siv rau lub tsam thawj tseem ceeb heev coj los pab Australia tej tub kawm thiab tej lees kais uas raug teeb meem kub ntxhov ntau tuaj ntxiv.
Nws tau hais tias "Yog tej yam txaus txhawj xeeb heev tias yuav laug txhua txhua limtiam ces yeej tau muaj ib co xwm txheej no tshiab tshwm sim rau ntawm tej teej kawm, tsis hais yog tej tub hluas coj ib tug ntxhais hluas uas lawv paub tej duab liab qab coj mus faib rau lwm tus saib, los yog ib tug lees kais poj niam twg tawm tsis qhia ntawv vim lawv ntshai tsam lawv tsis tau txais kev nyab xeeb,''
"Tsis tas li ntawd los tej hluas los yeej tau saib tau pom tej xo tsis zoo txog cov kev sib daj dee thiab kev sib raug zoo, thiab yeej qhia tias lawv xav tau tej xov xwm kom ntxaws ntxiv txog tej xwm txheej no thiab xav tau txais kev pab cuam kom ntau tshaj no ntxiv.''
Kinnersly tau hais tias cov kev xaus cov kev tsim kev kub ntxhov rau tej poj niam tsim nyog yuav yog ib lub tswv yim uas tag nrho tej zejzog sib pab thiab yuav tau cia tej hluas muaj feem koom los nrog daws.
Nws tau hais tias "Peb yuav tsum tau muaj cov kev taw qhia meej tseeb coj los qhia tej hluas kom nkag siab txog tias cov kev sib raug zoo nrog lwm tus zoo li cas, cov kev yeem zoo li cas, thiab ua tib zoo xyuas kom tsis txhob muaj cov kev ntaus nqes tsis zoo rau tej poj niam.
"Yog ib co hauj lwm tseem ceeb heev thiab yuav tsum yog lub tswv yim uas tag nrho lub teej kawm los nrog xyuas thiab yuav tsum kub siab tiag tiag los ua ntev ntxiv tuaj, muaj tej coj zoo thiab tau nyiaj pab tej tswv yim no ua ntuv zus.''
Tej neeg ua nyeem tsab ntawv xov xwm no yog tias xav tau txais kev pab ces hu rau Lifeline crisis support tus xov tooj 13 11 14 los sis yog xa xo (text message) rau 0477 13 11 14, hu rau Suicide Call Back Service tus xov tooj 1300 659 467 thiab hu rau Kids Helpline tus xov tooj 1800 55 1800 (thov kev pab rau tej hlua hnoob nyoog txij 5 txog 25 xyoos). Yog xav tau xov xwm kom ntxaws ntxiv ces txheeb tau ntawm beyondblue.org.au thiab lifeline.org.au.
Yog tias ib tug twg xav tau xov xwm kom ntxaws ntxiv los yog xav tau kev pab cuam tshuam txog cov xwm txheej sexual abuse ces muaj peev xwm hu tau rau lub koom haum Bravehearts tus xov tooj 1800 272 831 los yog hu tau rau lub koom haum Blue Knot tus xov tooj 1300 657 380.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm Facebook, Google podcast, Apple postcast, los yog Spotify. Download SBS Adio App thiab mloog YouTube, caum Pod follw los yog lwm cov podcasts platforms (iHeart, Amazon Music & Podcasts).
