Txheeb seb koj puas muaj cai hno tshuaj COVID-19 vaccine thiab cov tshaj hno txhab ntxiv (booster dose) tau ntawm no

Australia tau pib siv cov program hno tshuaj COVID-19 vaccine rau lub 2 hlis ntuj xyoo 2021 lawm. Txij ntawd los, ces kuj kho kom siv tau nthuav dav rau tej neeg coob ntxiv tuaj thiab tau siv tej tshuaj vaccine tshiab lawm thiab. Peb thiaj tau tsim tau ib daim list txog tej tshuaj vaccine thiab cov tshuaj hno txhab ntxiv (booster doses) uas hno tau rau tag nrho tej neeg muaj hnoob nyoog sib txawv uas ATAGI tso cai siv tau raws li hauv qab no.

Xav qhia rau koj paub tias txawm peb yeej tau ua tib zoo xyuas kom npaj tau cov xov xwm no kom zoo npaum li qhov peb ua tau lawm. Tab sis yeej tseem xav taw qhia rau koj kom mus nrog ib tug kws kho mob los yog ib lub chaw kho mob sab laj tso ua ntej koj yuav txiav txim siab hno tej tshuaj no. Koj muaj peev xwm txheeb tau xov xwm ntxiv ntawm Australian Department of Health and Aged Care.

SBS yeej kub siab yuav ua tib zoo qhia tag nrho tej xov xwm txog kab mob COVID-19 rau Australia tej zejzog coj ntseeg ntau yam kab lis kev cai thiab hais ntau hom lus. Xyuas kom tau txais kev nyab xeeb thiab paub txog tej xov xwm tshiab tau ntawm SBS Coronavirus portal, uas yeej muaj tej xov xwm tshiab tshiab tshaj tawm ua koj hom lus/ntawv.