Tau muaj ib cov xwm txheej muaj ib tug neeg phem cia li nqa phom rifle mus tua ib cov neeg ntawm lub tsev teev ntuj Al Noor ntawm New Zealand lub nroog Christ Church thaum sij hawm li ntawm 1 thaum tawm ze rau 2 thaus tav su dua ntawd hnub tim 15.03.2019 raws sij hawm ntawm teb chaws New Zealand.
Tsis ntev tom qab tau muaj cov xwm txheej no ces kuj tau mus ib cov xwm txheej tau tshwm sim rau ntawm thaj chaw Lindwood Masjid ntawm lub zos Linwood ntxiv rau ntawm lub tsev teev hawm mosque thiab. Lub caij muaj cov xwm txheej no tshwm sim ces muaj neeg nyog hauv lub mosque txog 500 leej diam.
New Zealand tus thawj pwm tsav Jacinda Ardern thiaj tau txib tub ceev xwm, peeb zeej thiab npaj peev txheej rau lawv siv los tswj kev ruaj ntseg thiab kev nyab xeeb rau nws lub teb chaws thiab tej pej xeem, hais kom pej xeem txhob tawm rau lub caij muaj cov xwm txheej ntawd thiab txhob mus xyuas cov neeg mob tom tej tsev kho mob.
Txawm li cas los nom tswv yeej tau qhia tias lawv ntes tau 4 tug neeg phem no lawm. 3 tug yog txiv neej hos ib tug yog poj niam. Ib tug yog pej xeem neeg Australia nyob ntawm nroog Sydney uas yog Brenton Harrison Tarrant hnoob nyoog 28 xyoo twb raug txim tua neeg thiab tus hluas 18 xyoo hu ua Daniel John Burrough los kuj raug teem txim ntxub ntxaug lwm haiv neeg (Racial hatred) lawm thiab.
Ib qho ua rau neeg xav paub ntawd ces yog tias vim li cas tub ceev xwm thiaj tsis soj tej neeg no thiab tseem cia lawv muaj cai yuav tau riam phom raws cai ntawm lub teb chaws no. Tej neeg no yog cov neeg yeej tsis tau ua txhaum dab tsi dhau los li thiab.
Mloog tau cov xov xwm txog neeg phem tua neeg ntawm New Zealand lub nroog Christchurch tau ntawm no: https://www.sbs.com.au/yourlanguage/services/embeds/audioplayer/c8859b76-866e-4c66-be2b-30b96075a452
Raws li SBS News tau qhia ces Mike Bush uas yog tus thawj tub ceev xwm New Zealand tau qhia tias lawv tau txhom tau 4 tug neeg tsim cov teeb meem no lawm, thiab kuj tau muaj neeg 49 leeg tas sim neej, hos 48 leej raug mob. Tab sis cov neeg kho mob qhia tias lawv txheeb tsis tau tej xwm txheej no zoo thiab tej zaum ntshe tseem yuav muaj neeg tas sim neej coob ntxiv los kuj tau.
Jacinda Ardern uas yog New Zealand tus thawj pwm tsav tau qhia tias yog ib cov xwm txheej phom sij tshaj plaws rau nws lub teb chaws thiab yuav tsis zam txim rau tej neeg tsim tej teeb meem no. Thiab nws tau tawm los qhia meej tseeb lawm tias nws yuav los tawm suab kho New Zealand tsab cai pub neeg yuav phom kom nruj tuaj ntxiv.
Tau muaj cov cuab yig txog li 200 tawm yim tuaj tos sab nraum lub tsev teev ntawm mosque ntawd mus txheeb xyuas lawv tej neeg. Thiab ntshe tseem yuav muaj cov neeg tas sim neej coob tuaj ntxiv los kuj tau thiab.
SBS Somali program tau qhia tias muaj nws peb tug tub koom siab ntawm teb chaws New Zealand tau tas sim neej lawm thiab.
Nom tswv tau qhia tias yog cov xwm txheej terrorism. Tau muaj neeg tas sim neej ntawm ib lub mosque txog li 30 leej hos cov seem ces yog tas sim neej rau lwm lub mosque. Cov neeg raug mob no pib txij li me nyuam yaus mus txog tej poj niam xeeb me nyuam thiab tej laus tib si.
Hos Australia tus thawj pwm tsav Scott Morrison nrog rau UN thiab ntiaj teb tsoom theej tswj thiab poj huab tais Askiv Elizabeth los kuj tau xa moo tu siab rau teb chaws New Zealand tej pej xeem thiab nom tswv uas tau muaj tej xwm txheej no tshwm sim rau lawm.
New Zealand tus thawj pwm tsav Jacinda Ardern tau nqua hu kom America tus thawj tsav meem (US President) Donald Trump muaj txoj kev hluab tshua nws tej pej xeem uas yog cov neeg Muslim thiab.
Thaum tseem ntxov tsis tau muaj tej xwm txheej no tshwm sim ces muaj tus txiv neej 28 xyoos neeg Australia uas nws hu nws tus kheej tias yog Brenton Tarrent 9 tau tso ib qho Facebook Live qhia tias nws npaj yuav los tsim cov teeb meem no rau nws cov Live4 channel rau sawvdaws saib rau lub caij nws nqa phom mus tua cov neeg teev hawm ntawm ib lub mosque ntawd. Nws raug coj los hais plaub thiab raug teem txim tua neeg. Hos tus hluas 18 xyoo hu ua Daniel John Burrough raug teem txim txhaum vim nws ntxub ntxaug lwm pawg neeg.
Thiaj ua rau muaj lus nug tias yog tim dab tsi tub ceev xwm thiaj tsis soj tej neeg phem no thiab leej twg ho yog tus neeg thib 2 uas tua cov neeg ntawm lub tsev teev hawm Deans Avenue Mosque ntawd.
Nws tau tsav tsheb mus rau ntawm lub Mosque thiab tso Facebook live rau sawv daws saib lub caij nws siv phom tua cov neeg ntawm lub tsev teev hawm tom qab nws khiav tawm los nws tseem xuas phom tua tej neeg ntawm tej kev sab nraum zoov ntawm ib ncig lub tsev teev hawm ntawd thiab.
Nom tswv Australia tseem yuav los txheeb xyuas cov teeb meem no txuas ntxiv. Lawv paub lawm tias 3 tug neeg phem no yog txiv neej hos ib tug yog poj niam uas nom tswv tseem txheeb tau ntxiv thiab tias lawv tseem npaj ib cov npaum yuav coj mus tua neeg ntxiv thiab tab sis tub ceev xwm txheeb tau thiab muab lawv txhom tau ua ntej lawm.
Yog li Dr. Rateb Jneid uas yog tus coj lub koom haum Australian Federation of Islamic Councils Inc thiaj tau sau ib tsab ntawv nqua hu kom Australia tej mosque yuav tau ceev faj xyuam xim thiab nqua hu kom tej nom tswv, tej chaw tshaj xov xwm thiab tej neeg tawm tswv yim txhob lam tau lam siv tej xwm txheej no coj los tawm tsam thiab tsim kev ntxub ntxaug nrog cov neeg Muslim. Lub koom haum no kuj tau qhia tias cov xwm txheej no yog ib cov xwm txheej neeg phem tua pej xeem kom zej tsoom ntshai (Terror act).
Tus coj lub koom haum cov neeg Muslim ntawm New Zealand los kuj qhia tias tej xwm txheej no phem kawg nkaus. Tab sis New Zealand yog lub teb chaws thaj yeeb thiab cov neeg Muslim yeej nyob los tau 100 xyoo no lawm.
Cov xwm txheej no kuj tau ua rau nom tswv New Zealand yuav rov qab los sab laj thiab kho nws tsab cai tswj riam phom kom nruj dua tuaj ntxiv lawm thiab.
