Txawm tias txog caij nqaum paj nqaum nruas ua koom txoos thiab koob tsheej ua kev zoo siab los sis muaj yus tsev neeg thiab cov laus ntawd uas mus xyuas lwm tus los sis tuaj xyuas yus tsev neeg. Muaj qee yam tsim nyog koj yuav tau kub siab los tu thiab ua tib zoo saibxyuas tej laus kom tau txais kev noj qab nyab xeeb rau lub caij no.
1. Npaj tshuaj noj:
Xyuav tsum ua zoo xyuas kom npaj tau txhua yam tshuaj uas cov laus noj los sis npaj tej ntawv yuav tshuaj los yuav kom muaj tshuaj txaus siv rau lub caij Christmas los yog xyoo tshiab no yog tias koj ho coj cov laus ib tug twg nrog koj mus holiday. Sab laj thiab nrog koj tus kws kho mab los sis cov kws tshuaj tham kom npaj tau tej no.
2. Xyus kom haus dej txaus rau lub cev.
Kev haus dej yog ib txoj kev pab kom yus tau txais kev noj qab nyob zoo thiab txhob muaj teeb meem rau yus. Yog li npaj dej ntawm koj tsev kom txaus thaum koj tawm rooj mus rau ib thaj chaw twg los yog koom txoos thiab koob tsheej.
3. Kub siab noj zaub mov zoo muaj txiaj ntsim:
Muaj ib txhia laus yeej raug txwv tsis pub noj zaub mov daws ntsev, thiab yuav tau noj zaub mov los yog txwv noj tsis tau qee yam zaub mov. Yog li yuav tau los npaj kom tau noj tej zaub mov thiab txiv xyoob txiv ntoo npaj tau tshiab tshiab coj los noj xwb.
4. Txhob haus dej haus cawv tshaj qhov tsim nyog:
Vim haus cawv ntau yuav ua rau cov laus ua tem toob thiab muaj teeb meem cuam tshuam rau tej tshuaj lawv noj qee yam tau. Yog li yuav tsum npaj tswv yim tsim ib cov kev lom zem kom tej laus muaj feem koom tau nrog ua kev zoo siab rau lub caij ua koob tsheej nqaum paj nqaum nruas ua kev zoo siab rau xyoo tshiab no thiab.
5.Qhia tej kab lis kev cai rau tej hluas:
Vim yuav tau tu tsev thiab ua zaub ua mov noj, tos txais qhua rau xyoo tshiab ces thiaj muaj hauj lwm nyuaj siab ntau yam yog li qhia tej kab lis kev cai rau tej hluas thiab hais kom tej hluas nrog tu vaj tu tsev thiab pab ua pluas mov noj.
6. Txhob siv nyiaj ntau:
Vim yeej muaj tej laus coob leej ntau tus uas so tsis ua hauj lwm tsis tshua muaj nyiaj txaus siv, ces lub caij Christmas thiaj nyuaj heev rau lawv, yog li yuav tsum kom yus tsev neeg ib leej yuav me ntsi khoom plig rau lwm tus xwb tau lawm.
7. Kev so kom los siav thaum mus rau ib qho qhov twg:
Yeej muaj neeg mus los coob heev rau lub caij holidays uas yuav tau mus kev deb mus xyuas lawv tsev neeg txheeb ze los sis tej phooj ywg, tab sis xav kom pub sij hawm txaus rau tej laus tau so tom qab mus txog lawm kom los siav thiab. Tsis yog cia li mus txog ntua es ncaj qha mus koom koob tsheej xwb.
8. Npaj koj lub tsev tos tej laus uas xav tuaj xyuas koj tsev neeg:
Yog muaj tej laus thiab tsev neeg nrog rau tej txheeb ze tuaj xyuas koj rau lub caij holidays ces yuav kom tau txais kev nyab xeeb thiab muaj chaw so rau lawv. Piv txwv li taw teeb kom pom kev, xyuas tej taw ntaiv los sis tej ntaub so kotaw tsam lawv ho dawm ntog. Yog ho muaj tej laus tuaj xyuas thiab koj lub tsev muaj tej taw ntaiv ntxhab ces npaj ib chav hauv pem teb uas nyob ze chav dej thiab taw teeb hmo ntuj kom lawv ho pom kev txhob dawm tej khoom qhov ub qhov no vim lawv tsis swm koj lub tsev.
9. Ho so me ntsis thiab:
Nyob rau lub caij ua kev zoo sib los yog mus ncig yuav khoom ntawd, ces yeej muaj dej num ntau yam ua tas hnub tag hmo.Yog tias koj npaj tawm rooj ib hnub kiag ces yuav tsum xyuas kom tej laus muaj caij tau tso dab ntub tsaug zog ib nyuag pliag los sis nrhiav tswv yim ua ib yam dab tsi kom lawv tau so kom xoob ib ce me ntsi thiab los sis haus dej tshuaj yej los yog haus kasfes. Tej no tsis yog tej laus xam pom tias zoo xwb tab sis sawv daws yeej nyiam tib yam thiab.
10 Xyuas kom tej laus muaj feem koom thiab:
Kom nco tias tejlaus los yeej xav muaj feem koom rau lub caij so holiday no thiab, tsis hais yog pab npaj holiday los yog pab pluas hmo Christmas tib si. Yog li yuav tsum xyuas kom lawv muaj caij los ua pluas qav uas lawv nyiam ua los sis yog pab dai ub dai no rau koj lub tsev kom zoo nkauj rau lub caij Christmas no thiab.
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau. Los sis xav SMS rau + 61 (0) 429996263 tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
Thiab tseem mloog tau ntawm digital TV tshooj 38 ntxiv thiab.
