Thiaj yog tej yam ua rau muaj kev tseeg tias yog ib lub cib fim rau tej ntsuj los xyuas lawv tsev neeg uas tseem ua neej nyob, los yog mus ua dua lub neej tshiab los sis mus thawj thiab yug dua tshiab ua dua tiam neej zoo tshaj qub lawm.
Yog li ntawd thiaj muaj neeg paub tias lub caij no yog lub hli dab tshaib plab.
Cov neeg Cob tsib (Vietnamese) xav tias lub hlis no yog ib lub hli phem. Yog li ntawd lawv thiaj yuav tau noj zaub xwb, ua yam zoo thiab lug hla tsis txob ua tej yam ua txwv tsis pub ua. Yog li ntawd nyob rau lub caij ua lub koom txoos dab tshaib plab no thiaj xav taw qhia kom nej txhob ua qee yam li hauv qab no:
- Txhob tawm hmo ntuj. Yog tias nej tawm mus rau ib qho chaw twg hmo ntuj ua ib pab ua ke, ces tsis txhob hu thiab txhob tuav lwm tus npe tsis li ntawd ces tej ntsuj yuav paub nej tej npe lawm.
- Txhob rho tej plaub ntawm koj txhais ceg, vim tej ntsuj tsis nyiam tej neeg uas muaj plaub ntawm lawv tej ceg ntau.
- Txhob ua luam dej hauv tej dej tsam tej ntsuj rub koj ceg.
- Txhob ziab khaub ncaws thaum hmo ntuj tsam muaj tej ntsuj los.
- Txhob khaws tej nyiaj poob tom tej kev tsam muaj tej ntsuj los thiab.
- Yog muaj ib tug neeg twg lawv koj qab los yog muaj neeg hu koj npe thaum hmo ntuj ces tsis txhob tig taub hau rov qab mus saib tus neeg ntawd.
- Txhob muab tej rawg nkaug rau ntim mov vim yuav ua rau tej ntsuj pom tias zoo li cov xyab txhos rau ntim mov hu kom tej ntsuj los noj.
- Thiab tseem muaj ntau yam kev txwv tsis pub ua ntxiv thiab tsuas nyob rau ntawm seb tej neeg ntawd ho nyob rau cheeb tsam twg thiab ho muaj cov kev txwv li cas ntxiv xwb.
Nyob rau hnub tim 15 ntawm lub 7 hli ntuj ntawd ces tej neeg Nyab Laj yeej tau npaj zaub mov coj mus teeb zoo zoo rau ntawm lawv qab tsib taug los yog txoj kev yuav los rau lawv lub tsev rau thaum tav su dua thiab hu tej ntsuj tu caj tu ces los nrog noj.
Tej zaub mov lawv coj mus rau tej ntsuj no tau noj muaj xws li kua dis, mov, ntsev thiab dej nrog rau lwm yam zaub mov ntxiv.
Tej mov kua dis uas xyaw dej ntau me ntsis kom muaj kua ntau ntawd yog cov ntseeg tias tej dab tshaib plab nyiam noj heev vim rau qhov lawv txhob hlab pab nqaim nqaim thiab tsis muaj peev xwm noj tau lwm yam zaub mov uas ib txwm noj.
Tom qab uas tau coj tej khoom noj no mus tso rau tej chaw hais los ntawd tas lawm, ces tej neeg yuav w txhuv thiab ntsev rau ntawm tej kev thiab hlawv nyiaj ntawv los yog tej xyab rau tej ntsuj.
Muaj qee cheeb tsam ces yeej tso cai rau tej me nyuam yaus noj tau tej zaub mov uas coj mus rau rau tej ntsuj noj no thiab.
Tej neeg sawv daws saib tus dab tshaib plab tab tom raug hlawv-Sarah Enticknap
Lub koom txoos Ullambana
Lub koom txoos dab tshaib plab (Hungry Ghosts Festival) no los kuj ua rau tib lub caij cov neeg ntseeg kev cai hauj sam lub koom txoos Ullambana Festival los yog lub koom txoos tso tej ntsuj hauv dab teb thiab.
Raws li hauj sam tej ntaub ntawv tau teev zwm tseg, ces thaum Maudgalyayana uas yog ib tug thwj tim hauj sam ntawm 10 tus thwj tim ntawd paub tias nws niam raug tsub muaj tsim txom heev rau lub caij dab tshaib plab ntawd ces nws thiaj tau thov kev taw qhia ntawm thawj hauj sam seb yuav ua li cas.
Ces tus thawj hauj sam thiaj tau qhia kom nws coj zaub mov rau tej hauj sam uas yuav tau cais nyob tib leeg kheej rau hnub tim 15 lub 7 hli ntuj ntawd thiab thov kom lawv foom lus zoo mus rau nws tus leej niam uas tau tas sim neej ntawd. Ces thiaj li tau ras los ua lub koom txoos tso tej ntsuj txom nyem hauv dab teb hu ua Ullambana Festival no lawm.
Tus moj zeej dab tshaib plab thaum tseem tsis tau muab hlawv- Sarah Enticknap
Nyob rau teb chaws Cob tsib (Vietnam) ces tej neeg sawv daws kuj xav tias lub koom txoos Ullambana yog Niam Hnub (Mother’s Day) thiab thaum tej neeg los nco txog lawv niam lawv txiv thiab tej poj koob yam koob.
Tej neeg uas tseem muaj tej leej niam los yog leej txiv uas tseem muaj txoj sia nrog lawv nyob coj ib lub paj ntshua nplaim liab hos yog cov tsis muaj niam txiv nrog lawv nyob lawm ces coj ib lub paj ntshua nplaim dawb.
Yog li ntawd ces tus xibfwb uas qhia tej neeg zaum quav tes quav taw tswj yus lub siab kom tus hu ua Thich Nhat Hany zaj dab neeg sau txog leej niam ua tau sau rau xyoo 1962 thiaj li ras los ua tej kab lis kev cai no lawm.
Ntxiv ntawd los lub koom txoos no kuj yog ib lub cib fim rau tej neeg los cam hwm tej niam tej txiv thiab tej poj koob yawm koob thiab.
SBS yuav coj cov yeeb yaj kiab Dab Tshaib Plab (Hungry Ghosts) ntau toom coj los tso rau sawv daws tau saib ntawm SBS rau hnub zwj Hli (Monday) zwj thaj tim 24 -27 August 2020 txhua hmo sij hawm 9:30 pm uas koj saib tau ib toom luv luv tau ntawm no:
Txhuas tus neeg ntawm teb chaws Australia yuav tsum nyob kom nrug ntawm lwm tus neeg li 1.5 metres. Txheeb xyuas seb tej xeev koj nyob ho muaj cov kev txwv tsis pub neeg sib sau ua ke li cas.
Yog tias koj muaj cov yam ntxwv mob tau khaub thuas, ces nyob twj ywm hauv tsev thiab npaj hu nrog koj tus kws kho mob tham los yog hu rau lub chaws qhia txog cov xov xwm tswj kom tau txais kev noj qab nyob zoo thiab tus kab mob coronavirus (Coronavirus Health Information Hotline) tus xov tooj1800 020 080.
Tsis tas li no yeej muaj xov xwm qhia txog tus kab mob COVID-19 ua 63 hom lus thiab ntawv rau koj mloog thiab nyeem tau ntawm: sbs.com.au/coronavirus.
Share
