Raws li SBS tau nrog Mr. Alex Hawke uas yog tus assistant immigration minister tham ces nws hais tias:
" Yuav yog ib qho zoo kom pab tau ib yim neeg twg kom tau sib ntsib nyob ua ke nrog lawv niam lawv txiv, nrog lawv tej tub ki thiab tej xeeb leej xeeb ntxwv thiab nrog zov me nyuam koj txhob muaj teeb meem ntau rau tej chaw zov me nyuam thiab. Tab sis cov kev tos cov laus tuaj rau tebchaws Australia no ua rau tsoom hwv yuav tau siv tej nyiaj sau se tau los coj los tu thiab saib xyuas cov neeg no thiab tseem yog ib cov teeeb meem uas tsoom nom tswv ntiaj teb no yuav tau los xyuas."
7 nqe lus tseem ceeb cuam tshuam txog cov parent visa no:
- Cov visa thov tuaj nyob 3 xyoos yuav rau nyiaj $5000, hos cov 5 xyoo raug nyiaj $100,000 thiab cov visa 10 xyoo rau nyiaj $20,000. Thiab muaj cai txuas visa nyob tau ntxiv tom qab visa tas sij hawm lawm.
- Pub siv cov parent visa tos cov ua niam ua txiv tuaj ib xyoos twg 15,000 tus.
- Cov me nyuam los yog cov tos cov niam txiv tuaj yuav tsum them nyiaj tuav pov hwm tswj kev noj qab haus huv ntiag tug (Private health insurance) rau lawv thiab yog tus yuav tau tshwm nyiaj txiaj pab txoj kev noj qab haus huv txhua yam rau lub sij hawm lawv niam thaib txiv tseem nyob hauv tebchaws Australia.
- Cov ua niam ua txiv thov cov parent visa tshiab tuaj nyob Australia no tsis muaj cai ua hauj lwm, tab sis tsoom hwv Australia cia siab tias lawv yuav tuaj pab tu thiab zov lawv tej xeeb leej xeeb ntxwv kom txhob muaj teeb meem rau tej lagluam ntiav zov me nyuam.
- Cov neeg xav tos cov ua niam ua txiv tuaj yuav tsum yog cov pej xeem Australia, yog cov neeg nyob ruaj (permanent residents los sis yog cov neeg pej xeem neeg New Zealand.
- Cov niam txiv uas thov cov visa no tuaj ces tsuas pub tuaj txog 10 lub xyoo xwb tsis pub thov tuaj nyob ntev tshaj ntawd lawm thiab lawv tsis muaj cai yuav thov nyob tau ruaj (permanent residency) hauv Australia no.
- Tsoom hwv Australia yuav pib siv cov parent visa tshiab no txij lub 11 hlis ntuj xyoo 2017 no mus yog tias tsev tsoom hwv (Parliament) pom zoo tsim cai los siv cov visa no.
Nyeem tau zaj xov xwm no ua lus English raws li no http://www.sbs.com.au/news/article/2017/05/04/new-visa-migrant-parents-stay-australia-10-years-it-costs-20000
Mloog tau cov lus tawm tswv yim ntawm Hmoob Australia uas tos cov ua niam ua txiv tuaj xyuas lawv hauv Australia tau ntawm no:
Mloog tau ntau yam xov xwm ntawm xov tooj cua SBS Radio Hmong program tau li no:
Share
