- Tshem cov kev txwv rau qee cheeb tsam zos toj siab ntawm NSW lawm.
- Tub ceev xwm tiv thaiv kom tsis txhob muaj tej neeg mus rau tej zos toj siab ntawm xeev Victoria yam tsis raug kev raug cai.
- ACT tau hloov nws lub Check In CBR app.
- Queensland muaj 1 tug neeg tshiab kis tau kab mob coronavirus ntawm nws lub xeev.
New South Wales (NSW)
NSW tau muaj 1,405 tus neeg tshiab kis tau kab mob coronavirus thiab muaj 5 tus neeg tas sim neej.
Hau xeev Gladys Berejiklian tau qhia txog cov tswv yim pab kom tej neeg tau txais kev ywj pheej txij hnub (zwj Hli) Monday no mus tom qab NSW muaj neeg muaj hnoob nyoog hno tshuaj COVID-19 vaccine tshaj 70% lawm.
Thiaj ua rau tsis siv cov cai txwv kom tej neeg nyob hauv tsev ntxiv lawm, thiab pub tos tau 5 tug qhua yog tias txhua tus neeg muaj hnoob nyoog ntawm tsev neeg ntawd tau hno tshuaj vaccine txwm 2 koob lawm. Yuav qhib tej chaw tos txais qhua, tej khw muag khoom me, tej chaw sib tw, tej kev pab cuam ntiag tug li txiav plaub hau, txiav thiab txuas rau tes rau taw tab sis yuav tsum nyob kom nrug ntawm lwm tus li 4 metres xwm meem.
Txij hnub tim 11.09.2021 mus ces yuav tsis kaw qee cheeb tsam zos toj siab ntawm xeev NSW uas tsis muaj neeg kis kab mob rau lub sij hawm yam tsawg li 14 hnub ntxiv lawm.
Victoria (VIC)
Victoria muaj 324 tus neeg tshiab kis tau kab mob thiab 107 tus yog cov kis tau los ntawm tej xub kis tus mob tam sim no.
Tub ceev xwm Victoria kuj tau tswj thiab txwv tsis pub tej neeg ntawm nroog Melbourne mus rau tej zos toj siab ntawm lub xeev no tom qab tau tso kev yooj yim me ntsi rau cov kev kaw lub xeev no rau hnub tim 9.9.2021 no lawm.
Ces yog tej neeg leej twg tsis tau txais kev tso cai mus rau tej zos toj siab thiab tseem yuam cai mus yuav raug nplua nyiaj txog $5,500.
Australian Capital Territory (ACT)
ACT tau muaj 15tus neeg tshiab kis tau kab mob coronavirus, thiab muaj tej neeg no yam tsawg li 8 leej yog cov tau mus ncig hauv tej zejzog rau lub caij lawv muaj peev xwm kis tau kab mob rau lwm tus.
Tau kho lub Check In CBR app tshiab kom thiaj muaj peev xwm xa tau tej xov xwm mus qhia rau tej neeg tau mus rau tej chaw muaj neeg kis kab mob lawm. Tsis tas li no los kuj muaj cov card nrog ib tug QR code rau tej neeg tsis muaj xov tooj ntawm tes siv scan rau lub caij
Cov kev cais, kev ntoj ncig, chaw sim thiab nyiaj pab cuam pandemic disaster payment
Tej nom tswv xeev yog cov tswj tej dej num cais thiab sim tej neeg uas koj muaj peev xwm txheeb tau raws li hauv qab no:
Yog tias koj xav mus txawv teb chaws, ces tej zaum koj muaj peev xwm thov ntaub ntawv hauv online seb tej zaum nom tswv puas zam thiab pub koj mus. Nyem ntawm nod mus txheeb tej xov xwm txog tej lus zoj khi uas pub tej neeg tawm ntawm teb chaws Australia mus.
Tsis tas li no los yeej muaj ib cov cai coj los siv tswj pej kum haiv tej fij dav hlau ib ntus uas nom tswv yeej los txheeb xyuas tas mus lis thiab kho dua tej cai no tshiab uas koj muaj peev xwm mus txheeb tau ntawm lub vas sab Smart Traveller.
- Muaj xov xwm txog kab mob COVID-19 ntau tshaj 60 hom ntawv thiab lus rau koj nyeem thiab mloog ntawm sbs.com.au/coronavirus
- Txheeb tau tej cai thiab cov kev taw qhia ntau yam txog tus kab mob no ntawm tej xeev koj nyob li xeev: NSW, Victoria, Queensland, Western Australia, South Australia, Northern Territory, ACT, Tasmania.
- Txheeb tau xov xwm qhia txog tshuaj COVID-19 vaccine ua koj hom lus ntawm no.
Mus txheeb lub koom haum NSW Multicultural Health Communication Service tej xov xwm txhais ua ntau hom lus qhia txog:
Cov los lus qhia txog kev hno tshuaj COVID-19 Vaccine
Thiab tej twj qhia kom koj nco txog lub caij kom teem mus hno tshuaj vaccine.
Thiab tej twj qhia kom koj nco txog lub caij kom teem mus hno tshuaj vaccine.
