Cov kev nplua thiab rau txim rau tej neeg tsis cais tus kheej thiab tsis nyob nrug ntawm lwm tus neeg

Tej nom tswv xeev muaj cov kev nplua tej neeg tsis cais lawv tus kheej thiab pheej mus sib sau coob coob ua ke li hauv qab no

Source: AAP

Muaj cov kev txwv ntawm cov xeev li hauv qab no yog koj tsis ua raws ces yuav raug nplua:

• Xeev Northern Territory (NT) nplua nyiaj tshaj $1,200 thiab kaw tsev laj cuaj txog 6 hli. Tab sis tub ceev xwm yuav tsis mus txheeb thiab tswj tej xwm txheej no.
• Xeev Queensland (QLD) nplua tshaj $13,000. 
• Xeev New South Wales (NSW) nplua txog $25,000 rau tej neeg ntiag tug thiab tej lagluam uas yuam tsis ua raws cov cai kom cais yus tus kheej thiab tsis pub sib sau coob coob ua ke. Thiab yog tseem yuam tej cai no ntxiv ces yuav raug nplua nyiaj tshaj $27,000 rau ib hnub twg ntxiv nrog thiab. NSW los tseem tau nplua kiag tej neeg ntawm chaw uas yuam tej cai no txog li $1,000, thiab nplua tej lagluam txog li $5,000. Txuas ntxiv ntawd tub ceev xwm tseem muaj cai sau ntawv caw tej neeg no mus hais plaub kom them tej nyiaj no yog tsis mus hais tej plaub no ces tseem yuav raug nplua txog $11,000 ntxiv.
• Xeev Australian Capital Territory (ACT) yuav nplua li $8,000 thiab tej zaum yuav raug lwm yam txim.
• Xeev Victoria (VIC) nplua tej neeg ntiag tug txog $20,000 thiab nplua tej lagluam txog $100,000. Ntxiv ntawd tseem nplua tej neeg yuam tej cai no kiag ntawm chaw yog raug txhom tau tias yuam tej cai no txog li $1,600 txij hnub tim 28 March 2020 los yog nplua tej lagluam txog li $10,000.
• Xeev Tasmania (TAS) nplua tshaj $16,000 thiab yuav raug kaw tsev laj cuj txog li ntawm 6 lub hli. 
• Xeev South Australia (SA) nplua $25,000 thiab tej zaum kuj yuav raug kaw tsev laj cuj.
• Xeev Western Australia (WA) nplua $1,000 rau tej neeg ntiag tug thiab nplua $5,000 rau tej lagluam los sis yog tej zaum tej neeg yuam tej cai no kuj yuav raug kaw tsev laj cuaj tau thiab.

NYEEM TAU NTXIV: Qhia qhov tseeb txog cov kab mob coronavirus (COVID-19) ua ntawv Hmoob: READ MORE

Muaj neeg kis tau tus mob COVID-19 npaum li cas ntawm teb chaws Australia:

Muaj neeg ntiaj teb kis tau tus mob COVID-19 coob npaum li cas:

Ntiaj teb daim luaj chib lig (World map) qhia tias teb chaws twg kis tau tus mob COVID-19 coob npaum li cas :

Cov kev tsis txhob nyob ze los yog poob xyaw nrog tej neeg coob coob muaj peev xwm tiv thaiv tau kom txhob kis tau tus kab mob COVID-19 li cas raws li Australia tus thawj pwm tsav thiab tsoom hwv Australia tau qhia:

Hnub tim 15 lub 4 hlis ntuj xyoo 2020 no Australia muaj neeg kis tau kab mob coronavirus (COVID-19) tshaj 6,400 tus thiab muaj neeg 61 leeg tas sim neej lawm.

Nom tswv teb chaws Australia nrog rau tej nom tswv xeev thiaj tseem siv cov kev txwv rau tej neeg mus txawv teb chaws rov qab los los sis yog tau mus nyob ze, kov thiab chwv nrog tus neeg uas xav tias kis tau tus mob los yog twb paub tias tus neeg ntawd raug txheeb tau tias kis tau tus mob no lawm yuav tsum tau cai lawv tus kheej 14 hnub tsis pub nyob xyaw nrog lwm tus neeg.

Ntxiv ntawd cov kev cais yus tus kheej txhob nyob ze lwm tus yog yus mob lawm yuav pab tiv thaiv tau kom tej neeg txhob kis kab mob li cas:

NYEEM TAU NTXIV: Tej lagluam thiab tej chaw raug kaw thiab cov pub qhib provide services txuas ntxiv ua ntawv Hmoob: READ MORE

NYEEM TAU NTXIV: Qhia qhov tseeb txog cov kab mob coronavirus (COVID-19) ua ntawv Hmoob: READ MORE

Xov xwm qhia txuas ntxiv:

Cov yam ntxwv mob tus kab mob no ces yuav mob ntsws me ntsis raws li tsoom hwv teb chaws Australia lub vas sa qhia. Thiab muaj cov yam ntxwv mob li ua npaws, hnoos, mob qa, nkees nkees thiab txog siav ua tsis tau pa. 

Koj muaj peev xwm txheeb tau ntau yam xov xwm tshiab txog cov kab mob coronavirus (COVID-19) ntawm tsoom hwv ntau cov social media platforms no: WhatApps, Google Play thiab Apple Store.

---

Txhua tus neeg ntawm teb chaws Australia yuav tsum nyob kom nrug ntawm lwm tus neeg deb li 1.5 metres, thiab nom tswv tsuas pub 2 tug neeg ua ke xwb tsuas yog tias ntshe tej neeg ntawd ho yog koj tsev neeg los yog koj yim neeg uas yog tib lub tsev ua ke xwb.

Tam sim no yeej muaj ntau cov COVID-19 clinics thoob teb chaws Australia no rau koj mus sim seb puas yog kis tus mob coronavirus no lawm. Yog koj ntseeg tias tej zaum koj kis tau tus kab mob virus no lawm, txhob mus ntsib koj tus kws kho mob tab sis hu mus nrog koj tus kw kho mob tham los yog hu mus rau lub koom haum National Coronavirus Health Information Hotline tus xov tooj 1800 020 080. Thiab yog koj txog txog siav ua tsis tau pa thiab mob hnyav heev ces hu rau tus xov tooj 000 thov kev pab cuam tau.

SBS yeej kub siab los qhia tej xov xwm tshiab txog cov kab mob coronavirus (COVID-19) ua 63 hom lus rau Australia tej neeg zej zog. Yog koj xav paub txog ntau yam xov xwm ua ntau hom lus ces koj mus txheeb xyuas tau ntawm sbs.com.au/coronavirus thiab txheeb xyuas tau cov xov xwm no ua ntawv Hmoob thiab lus Hmoob ces mus saib tau ntawm SBS Hmong.

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.