Tau muaj ib cov xwm txheej neeg phem tua ib cov neeg Hmoob ntawm Fresno, California rau hnub Sunday tim 17 lub 11 hlis ntuj xyoo 2019 dhau los tau ua rau muaj neeg tas sim neej li 4 leeg thiab raug mob txog li ntawm 6 leej.
Raws li Suab Hmoob tau tshaj tawm ces Chue Hue Vang uas yog Vang Pao tus tub thiab ho yog tus coj ntawm lub koom haum Hmong Development Foundation Inc kuj tau coj Hmoob ib cov coj mus xyuas ib tsev neeg uas muaj ib tug hluas Hmoob tau tas sim neej thiab muab tau ib qho nyiaj coj los pab rau nws thiab tau qhia tias nws tseem yuav mus pab rau lwm tus Hmoob uas raug tej teeb meem no ntxiv thiab tau nqua hu kom zejzog Hmoob sib pab dab tsi los tau rau cov tsev neeg Hmoob uas raug tej teeb meem no. Nyob rau tib lub tsam thawj no los Nplooj Xyooj uas yog tus president rau Fresno City Council dhau los kuj tau qhia tias nws tseem sam sim nrog tej nom tswv los xyuas kom tej chaw tshaj xov xwm txhob ntaus nqe yuam kev rau tej xwm txheej paug raug tsev neeg Hmoob thiab Kom tej tub ceev xwm los tshab txhais tias vim li cas thiaj muaj tej xwm txheej no cuam tshuam txog cov gang uas ua rau Hmoob tej neeg zejzog tsis txaus siab.
Tab sis raws li Kay Vu tau nug tub ceev xwm ces lawv teb tias tos ho muab cov xwm txheej no hu ua mass shooting thiab cuam tshuam rau cov gang los vim yuav ua rau tej tub ceev xwm thiab FBI nrog rau nom tswv tej chaw tswj cai muaj cai los thov tau nyiaj coj los pab daws tej teeb meem no los sis yog kom nrhiav tau kev ncaj ncees rau tej neeg raug teeb meem no.
Tub ceev xwm Fresno los kuj thov zej tsoom leej twg paub tej xwm txheej no kom hu xov tooj rau Crime Stoppers tus zauv xov tooj 559 498 7867 thiab yuav muab paj tshab pub rau tej neeg paub ntab ntws uas qhia lawv no.
Miguel Arias uas yog ib tug nom zos ntawm Fresno City Council member los kuj tau tsim ib qho gofundme account kom tau nyiaj txog li USD 130,000 coj los pab tej neeg uas raug cov xwm txheej phom sij no thiab.
Tsis tas li no los tus nom Council member Esmeralda Soria kuj tau qhia tias nom tswv California kuj tau los teeb tsa ib cov kev thov nyiaj ntawm Go Fund Me kom tau txog li USD 500,000 dollar yuav coj los siv pab ua ntees rau tej tas sim neej, raug mob thiab pab tshuaj ntsuam xyuas cov teeb meem neeg phem tua Hmoob zaum no.
Nyob rau tib lub tsam thawj no los kuj tau muaj America lub chaw nthuav xovxwm ABC30 los kuj tau cej luam qhia ntxiv tias nom tswv yuav muab nyiaj paj tshab txog li USD 56,000 rau tus neeg paub ntab ntw txog tus neeg phem kom pab ntes tau tus neeg phem no los rau txim. Cov nyiaj no yog tau los ntawm cov nom Council member li 7 leej ib leeg pab USD5,000.
Tsis tas li no kuj tau muaj xovxwm qhia ntxiv ntawm The Fresno Bee tias lub txhab nyiaj Wells Fargo tau pab nyiaj USD 50,000 rau cov xwm txheej no lawm tab sis yuav siv USD 20,000 mus pab tej ntees hos cov seem ntawd ces yuav siv mus tsim cov program los pab daws kev nyuaj siab rau tej zejzog ua raug cov teeb meem no.
Hnub tim 20 lub 11 hlis ntuj xyoo 2019 dhau los tom qab CNN tau tshaj xov xwm txov cov xwm txheej neeg phem tua 10 tus neeg Hmoob ntawm Fresno California uas tau sau lub hauv paus xov xwm tias " The Hmong Community in California is experiencing another American milstone: Their first mass shooting," thiaj tau ua rau Hmoob community chim heev tias tsis yog thawj co xwm txheej tau tshwm sim rau Hmoob xwb yeej tau muaj ntau zaus dhau los lawm, tab sis vim li cas tus neeg tshaj xov xwm hu ua Hollie Silverman ua hauj lwm rau CNN thiaj yuav sau li ntawd? Vim Hmoob tej zejzog twb tu siab heev rau tej xwm txheej phom sij no lawm, thiaj ua rau Hmoob tej xwm txheej tau tshwm sim no.
Thiaj ua rau Hmong American Experience tau tawm los sau ib qho hashtag #CNNHmongMilestone hos lub koom haum Southeast Asia Resource Action Center (SEARAC) thiab Hmoob tej tub koom siab thiaj tau tawm los sau ntawv tsis pom zoo nrog CNN cov kev sau xov xwm no. Thiab lub Facebook page the Hmong American Experience thiaj tau los qhia tias yam tseem ceeb ntawm Hmoob lub neej mus nyob teb chaws America tau 40 xyoo tsim nyog yuav zoo li hauv qab no:
Tsis tas li no los the Next Shark kuj tau tshaj tawm tias yeej muaj ntau tus Hmoob tsis txaus siab rau CNN cov kev tshaj xov xwm no. Thiab muaj ib tug poj niam Hmoob hu ua Monica Lee tau muab CNN qhov headline kho kiag li nws qhov Facebook page post no:
Xov xwm tau tshaj tawm tias tub ceev xwm ntseeg tias tau muaj neeg phem yam tsawg li 2 leeg tau nyas nkag ntawm lub qhov rooj nram qab tsib taug mus tua 16 tug txiv neej uas tseem saib footbal game rau hnub Sunday ntawd.
Cov xwm txheej no thiaj ua rau 4 tug neeg tas sim neej kiag ntawm chaw, thiab lawv txheeb tau tias ib tug ntawd yog Xais Lis (Xy Lee) kuj tas sim neej thaum coj mus kho tom tsev kho mob thiab JN Vang uas kuj yog ib tug hluas nquas yas suab thiab kuj tseem raug phais ntawm tsev kho mob thiab.
Tub ceev xwm Fresno yeej tsis tau paub meej tias yog tim dab tsi thiaj muaj cov xwm txheej sib tua no, tab sis lawv kuj ntseeg tias tej zaum yuav tsum yog muaj ib tug neeg uas tau mus koom lub koom txoos no muaj feem cuam tshuam tsim teeb meem rau lwm tus rau lub limpiam dhau los.
Kuj muaj Meskas tej xov xwm tshaj tias tub ceev xwm Fresno tseem sam sim mus tshuaj ntsuam xyuas tej teeb meem no lawm. Lawv kuj tau mus khob tej neeg zejzog ze tej qhov rooj nug seb lawv puas paub puas pom leej twg yog tus tsim tej xwm txheej no thiab thov kom qhib lawv tej security camera coj los txheeb xyuas seb puas paub tias cov neeg tsim tej xwm txheej no yog leej twg.
Thiaj ua rau nom tswv yuav teeb tsa 2 pab neeg uas thawj pab yog los txheeb xyuas cov gang hos pab ob yog los pab daws kev nyuaj siab rau tej cuab yig uas lawv tsev neeg raug cov teeb meem no.
Tab sis kuj tau muaj Hmoob ib tug coj koom haum tau tawm los qhia tias, kom txhob muab tej xwm txheej no cuam tshuam txog cov neeg phem (Gang), vim Hmoob tej zejzog yeej nyiam kev thaj yeeb xwb.
Tsis tas li no kuj tau muaj ib tug txiv tsev uas nws tus tub tau tas sim neej kuj tau nqua hu thiab thov kev pab cuam ntawm Hmoob tej zejzog los pab ua nws tus tub lub ntees.
