Nod yog ntau yam uas tab tom yuav hloov txij tim 1 lub 7 hli ntuj no mus

Ntau yam kev pauv hloov rau financial year tshiab no ki cov kev pab them qee yam nqe hluav taws xob, thiab nce nyiaj hauj lwm ntau zog ntxiv thiab tau nyiaj Centrelink ntau zog ntxiv kuj yuav pab daws tau qee yam nqe siv ua lub neej thiab.

A large group of people walking down a busy road.

New tax cuts, aimed at "middle Australia" and those facing cost of living pressures, were approved by federal parliament earlier this year Source: AAP / Diego Fedele

Financial year tshiab thiab tej kev pauv hloov tshiab.

Txij tim 1 lub 7 hli ntuj mus ces neeg Australia yuav tau txais cov kev txo se kom tsawg zog, thiab yuav tau cov nyiaj minimum wages yam tsawg ntau zog tuaj ntxiv rau ntau million tus neeg Australia uas ua hauj lwm, tsis tas li ntawd los tej neeg zejzog kuj yuav tau nyiaj pab them nqe hluav taws xob me ntsis uas them peb hlis twg ib zaug li tau teev tseg ntawm tsoom fwv teb chaws tej nyiaj puag xyoos uas nws tau coj los qhia rau nws tej nyiaj puag xyoo thiab.

Nod yog tej uas tsim nyog koj paub txog.

Cov kev pab them nqe hluav taws xob

Yuav muaj tej cuab yig ntau tshaj 10 million yim yuav tau nyiaj pab them nqe hluav taws xob $75 txhua txhua 3 hlis twg ib zaug, ua ke no los tej lagluam me kuj yuav tau nyiaj $325 tib zaug pab them nqe hluav taws xob ib xyoos raws li tej nyiaj coj los pab kom tej neeg ib nyuag zoo siab me ntsis rau lub 5 hlis ntuj uas tsoom fwv teb chaws tau qhia txog nws tej nyiaj puag xyoo.

Tej neeg ntawm xeev Queensland thiab Tasmania, ces kuj yuav tau nyiaj pab cuam txij tim 1 lub 7 hli ntuj ntawm lawv tej nom tswv xeev los pab them nqe txog li $1,000 thiab $250 sib law liag rau ob lub xeev no.

Tau nyiaj hauj lwm ntau ntxiv

Yuav muaj ntau millions tus neeg Australia uas khwv tau nyiaj tsawg tshaj plaws yuav tau nyiaj hauj lwm ntau tuaj ntxiv txog li 3.75 feem pua txij tim 1 lub 7 hli ntuj mus tom qab Fairwork Commission tau muaj cov kev txiav txim siab nce cov nyiaj hauj lwm uas txheeb ib xyoos ib zaug rau thaum ntxov lub 6 hli ntuj.

Ces thiaj yuav ua rau tej neeg khwv tau nyiaj minimum wage ntawm haiv neeg no khwv tau txog li $915.90 ib limtiam twg los sis yog yuav khwv tau ib teev twg txog li $24.10 lawm.
Tej nom teb chaws los kuj yuav tau nyiaj hauj lwm ntau tuaj ntxiv thiab, uas yuav ua rau tej nom ua hauj lwm ntawm tsev tsoom fwv yuav tau nyiaj hli ntau ntxiv tuaj txog 3.5 feem pua.

Ces thiaj ua rau ib tug nom kis xeev yuav tau nyiaj hauj lwm ntau tuaj ntxiv ntawm $225,750 mus ua $233,650 lawm — uas yog tau nyiaj hauj lwm ntau tuaj ntxiv yuav laug txog $8,000 ib xyoos twg.

Hos Peter Dutton uas yog tus coj ntawm lwm pab nom teb chaws tej nyiaj hauj lwm los kuj yuav tau ntau yuav laug txog li ntawm $15,000 — uas nces ntawm $417,640 ua $432,260 lawm — hos thawj pwm tsav Anthony Albanese los kuj tau nyiaj hauj lwm ntau tshaj $20,000 rau ib xyoos twg ntxiv ces thiaj ua rau nws tau nyiaj hauj lwm ntau tuaj ntxiv nce ntawm $586,950 mus ua $607,490 lawm.

Txo se rau ntau millions tus neeg

Tag nrho txhuas yim neeg Australia yeej tau them se tsawg me ntsis thiab li tau tshaj li $2,000, los sis yog tau ntau tshaj $40 ib limtiam twg.

Ces cov kev txo se tshiab no thiaj muaj lub hom phiaj ''pab Australia tej neeg ua hauj lwm khwv tau nyiaj nrab'' thiab tej neeg uas ntsib teeb meem nyuaj nqe siv ua lub neej ntau yam, uas tsoom fwv teb chaws tau tso cai pom zoo rau thaum ntxov xyoo no.

Tab sis yuav tsis tau tej nyiaj no tag nrho ib zaug. Thiab tsuas tau me ntsis ntxiv rau tej nyiaj uas tau raws limtiam los yog ob limtiam ib zaug twg xwb ua ntuv zus xwb.
Tej kws hais tias, piv txwv li yog ib tug twg khwv tau nyiaj txog $60,000 ib xyoos twg ces yuav tau nyiaj $23 ntxiv rau ib limtiam twg. Hos yog ib tug twg khwv tau nyiaj ib xyoos twg txog $120,000 ces yuav tau nyiaj li $52 ntxiv rau ib limtiam twg.

Yog ib yim neeg twg tej nyiaj uas nkawm niam txwv khwv tau sib sau ua ke uas ib tug khwv tau $80,000 hos lwm tus khwv tau $50,000 ces yuav tau txog li ntawm $50 rau ib limtiam twg.

Yog koj xav xam tias seb koj yuav tau nyiaj npaum li cas ces muaj peev xwm siv tau peb cov twj hauv qab no tau.

Nyiaj super (Superannuation)

Lwm cov kev hloov uas koj yuav pom ntawm koj daim ntawv them nyiaj hauj lwm (payslip) ces yog nyiaj super.

Tej neeg ua hauj lwm los kuj yuav khaws tau nyiaj tseg cia tau siv rau thaum so tsis ua hauj lwm ntau zog ntxiv thiab thaum uas nce cov nyiaj superannuation guarantee ntawm 11 feem pua mus ua 11.5 feem pua.

Thiaj xav kom ua tib zoo txheeb kom koj tus tswv lagluam them tej nyiaj super ntau zog no rau koj.

Nyiaj pab ntawm Centrelink

Tej neeg Australia uas tau nyiaj laus los yog nyiaj neeg puas cev, nyiaj pab tu tsom kwm lwm tus, nyiaj them rau tej niam txiv so yug me nyuam thiab family tax benefit ces yog tej neeg ntawm ntau millions tus uas yuav tau nyiaj me ntsis ntxiv ntawm Centrelinks.

Koj muaj peev xwm txheeb tau tej list uas them tej nyiaj no thiab tej nyiaj tshiab uas yuav them tau ntawm no.

Thov tau passport sai siv

Tsoom fwv yuav tsim ib co program tshiab los pab kom txheeb tau tej txheej txheem thov kom tau tej passport siv rau lub sij hawm 5 hnub.

Tab sis yuav tau them kim zog $100 ntxiv tej nqe them rau tej ntawv ntawv passport siv tam sim no.

Tswj cov student visa kom nruj tuaj ntxiv

Tsoom fwv Australia yeej tab tom ua kom nyuaj tshaj qub ntxiv kom tej neeg tsiv teb tsaws chaws ''tsis txhob muaj peev xwm thov hloov dua lwm yam visa siv ntxiv.''

Ces thiaj yuav ua rau tej neeg uas thov tau tej visa tuaj xyuas kwv tij neeg tsa thiab tej temporary graduate visa yuav tsis muaj peev xwm thov tau student visas ntawm teb chaws Australia no siv ntxiv lawm.

Txwv tsis pub tsim tej pob zeb siv ua rooj tog thiab rooj ua noj ua haus ntxiv

Australia lub tuam chav tswj ciam teb (Australian Border Force) yuav los siv cov kev txwv tsis pub yuav tej engineered stone products coj los muag ntawm teb chaws Australia ntxiv lawm.

Nod yog ib cov kev txhawb tej nom tswv xeev cov kev txwv tsis pub siv, cov kev xa tej khoom no thiab cov kev tsim tej khoom no siv ntwm tej xeev feem coob txij hnub tim 1 lub 7 hli ntuj mus lawm, thiab tsuas zam rau contracts uas tau pom zoo yuav tau ua raws lawm xwb.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.

Share

Published

By Rashida Yosufzai
Presented by Vixay Vue
Source: SBS

Share this with family and friends


Follow SBS Hmong

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Hmong-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service
Nod yog ntau yam uas tab tom yuav hloov txij tim 1 lub 7 hli ntuj no mus | SBS Hmong