Koj zoo siab rau koj lub neej npaum li cas?
Raws li ntiaj teb tsab ntawv cej luam qhia txog txoj kev zoo siab rau lub neej World Happiness Report 2018 uas tau tsim cov kev teeb txheeb Gallup World Poll Survey uas qhia txog txoj kev zoo siab rau kev ua neej rau xyoo 2015-2017 hauv ntiaj teb uas muaj 156 lub teb chaws xyoo 2018 no ces teb chaws Finland tau zeeg 1 txuas ntxiv ntawd yog Norway, Switzerland thiab Denmark vim cov teb chaws no muaj 6 cov txuam thawj (factors) li khwv tau nyiaj zoo, muaj txoj sia ua neej nyob ntev, muaj kev pab cuam ntawm tsoom hwv, muaj kev ywj pheej, tau txais kev noj qab nyob zoo thiab noj qab haus huv, muaj txoj kev sib ntseeg siab thiab muaj cov kev siab loj siab dav hlub tau lwm tus coj los ua cov kev txiav txim siab.
Lub teb chaws nce qeb zoo tshaj plaws hla 17 kauj ruam yog Togo, hos lub teb chaws tsis zoo siab tshaj plaws yog teb chaws Venezuela.
Cov neeg tsiv teb tsaws chaw los kuj zoo siab zog rau lawv txoj kev ua lub neej ntawm lub teb chaws tshiab lawv tsiv mus nyob thiab tab sis kuj nyob ntawm seb lawv ua tau lub zoo neej los tsis tau li cas xwb thiab ho puas muaj cov kev pab cuam li cas rau lawv ntawm lub teb chaws lawv mus nyob tshiab ntawd xwb.
Hais txog cov neeg tsiv teb tsaw chaw txoj kev zoo siab ces kuj nyob ntawm seb lub teb chaws no puas tos txais puas nyiam cov neeg tsiv teb tsaws chaw xwb, yog tswv teb chaws tos txais thiab nyiam tej neeg no npaum li cas ces kuj ua rau lawv muaj txoj kev zoo siab rau lub neej npaum li ntawd xwb.
Tsab ntawv cej luam no kuj txheeb tau ntxiv tias teb chaws Suav cov neeg tsiv ntawm yaj sab mus nyob rau hauv nroog loj coob tshaj plaws raws li keeb kwm tau muaj los. Tab sis yeej tsis npaum cov kev tsiv ntawm ib cov nroog mus nyob rau lwm cov nroog thiab.
Hais txog cov kev zoo siab txaus siab rau txoj kev ua lub neej ntawm cov teb chaws Latin America ces nyob ntawm seb lawv muaj txoj kev sib raug zoo npaum li cas nrog lawv tsev neeg thiab tej phoojywg los ua cov txiav txim xwb yog sib raug zoo npaum li cas nrog cov neeg hais los no ces ua rau lawv muaj txoj kev zoo siab thiab txaus siab rau txoj kev ua lub neej npaum li ntawd xwb raws li tsab ntawv cej luam World Happiness Report 2018 tau qhia.
Nyeem tau ntxiv ntawm no:
https://s3.amazonaws.com/happiness-report/2018/WHR_web.pdf
#
Mloog tau xov xwm ua lus Hmoob ntawm xov tooj cua SBS Radio Hmong Program ntxiv tau rau ntawm lub vas sab www.sbs.com.au/hmong rau ob hnub xws li hnub zwj Teeb (Thursday) 6pm AEDT-Australian Eastern Standard Time thiab hnub zwj Hnub (Sunday) 11 am AEDT; download tau SBS Radio App kom koj mloog tau xov tooj cua SBS Radio Hmong Program tau ntawm App Store https://apple.co/2pLgvCX thiab ntawm Google Play http://bit.ly/2GuIRv los yog download xov xwm kaw ua suab (Podcasts) ua lus Hmoob thiab lus Askiv tau ntawm www.sbs.com.au/podcasts/yourlanguage/hmong los sis download tau ntawm https://www.stitcher.com/podcast/sbs-radio/sbs-hmong thiab ntawm iTunes https://itunes.apple.com/us/podcast/sbs-hmong/id814724207?mt=2 los yog mloog tau ntawm https://feedpress.me/sbs-hmong tuaj koom ua tub koom siab thiab koom mloog tau tau ntawm #SBSHmong lub Facebook page www.facebook.com/sbshmong tau.
