Bill Shorten uas yog tus coj ntawm pab nom Labor tau los qhia nws cov nyiaj puag xyoo 2019 thiab tau cog lus tias '' yog cov kev nqes peev lagluam rau cov Medicare txij li Bob Hawke tau tsim cov kev pab cuam no los.''
Yog ib cov kev xaiv tsa tseem yuav muaj tshiab tom ntej no uas Labor tau cog lus tias yuav tshwm nyiaj $2.3 billion los kho cov kab mob cancer thiab xyuas kom tej pej xeem txhob tau rho nyiaj ntiag tug los siv kho cov mob cancer no los yog siv coj mus xoo scan ntxiv lawm.
Bill Shorten yeej tau npaj 3 roob tus kws kho mob cancer cov kev yuav siv tau cov bulk-billed rau 4 lub xyoos ntxiv no hauv nws cov budget 2019 no lawm.
"Cancer is a curse," Mr Shorten tau qhia rau tsev kis xeev qes thiab "Kab mob cancer yog ib cov kev foom phem heev".
Bill Shorten uas yog tus coj lwm pawg fai kum xeeb tau qhia nws cov nyiaj puag xyoo 2019-20 hauv tsev tsoom hwv ntawm tuam ceeb Canberra -AAP.
"Kuv xav kom kuv muaj peev xwm los sawv ntawd no hmo no thiab qhia meej tseeb rau nej tias peb yuav nrhiav kom tau cov hauv kev los kho cov kab mob cancer no, tab sis yeej tsis muaj ib tug nom twg yuav muaj peev xwm cog lus tau li hais ntawd li."
"Txog thaum peb nrhiav tau cov kev kho tau cov kab mob cancer no zoo lawm xwb mas thiaj ua tau li hais ntawd. Tab sis kuv cog lus rau Australia tej pej xeem tsis hais poj niam txiv neej tias, yog Labor tau los ua nom ces yog nej mob cancer xav kom nej kub siab tias yuav ua li cas thiaj kho tau zoo xwb tsis txhob txhawj tias tsam tus mob no yuav ua rau nej txom nyem."
Tsis tas li ntawd los nws yeej tau qhia meej tias yuav coj txhua cov tshuaj kho cancer uas cov kws paub txog cov kab mob no xav kom coj los siv coj los teev zwm nrog cov Pharmaceutical Benefits Scheme thiab.
Labor cov kev cog lus tseem ceeb muaj li no:
- Kho kom tau nyiaj tsam rau nws cov nyiaj puag xyoog.
- Yuav siv cov nyiaj gross domestic products li 2% los siv tiv thaiv teb chaws.
- Yuav qhib cov chaw kawm hauv tsev kawm qib siab txog li 200,000 cov rau tej neeg tau mus kawm.
- Xyuas kom tej me nyuam kawm pre-school thiab early learning muaj 3 los yog 4 xyoos tau kawm 15 teev rau ib lub limpiam tawg los yog tau kawm 40 limpiam rau ib lub xyoos twg.
- Yuav siv $1 billion pab rau cov TAFE thiab apprentices uas kawm thiab xyaum ib yam hauj lwm twg, ntxiv ntawd yuav xyuas kom cov pej xeem Australia txog 100,000 tus uas kawm TAFE txhob tau them nyiaj ntiav kawm ua ntej es mam tau kawm thiab yuav tsim kom tau cov chaw kawm thiab xyuam ua ib txoj hauj lwm twg txog li 150,000 txoj ntxiv rau tej neeg tau mus kawm thiab xyaum ua hauj lwm thiab.
Kim Shorten los kuj tau cog lus tias yuav rov qab pab txhua txhua dollars uas tus tsoom hwv koom tswj tam sim no tau muab txiav rau zej tsoom tej teej kawm thiab tej tsev kho mob, thiab Labor tseem qhia tnxiv tias nws tus tsoom hwv Labor yuav nrhiav neeg los lis cov hauj lwm National Disability Insurance Scheme (NDIS) kom ntau ntxiv tuaj thiab yog nws raug xaiv los ua tsoom hwv Australia tshiab tiag.
Bill Shorten hais tias "Peb muaj peev xwm tsim kom tau cov kev pab cuam no, ua raws li peb tej lus tau cog tseg rau tej neeg puas cev thiab yuav cia cov neeg puas cev los muaj feem koom txiv txim siab tswj thiab lis tej dej nuam NDIS no."
NYEEM TAU NTXIV:
Budget 2019: Leej twg yog cov tau thiab cov plam txiaj ntsim?
Txo se kom ntau ntxiv rau tej neeg ua hauj lwm
Kim Shorten tsis pom zoo rau tsoom hwv teb chaws cov kev cog lus yuav txo se rau hmo nws qhia nws cov nyiaj puag xyoog 2019, tab sis yej tau cog lus tias nws yuav ua raws li tej se tau txo rau cvo neeg khwv tau nyiaj txij $48,000-$128,000, tab sis nws kuj tau cog lwm yam lus ntxiv thiab.
Bill Shorten hais tias " Pab nom Liberal Party yeej tsis ua dab tsi coj los pab cov neeg khwv tau nyiaj tsawg dua $40,000 li."
Chloe Shorten tau mus mloog nws tus txiv Bill Shorten uas yog tus coj pab nom lwm pawg fai kum xeeb (Federal Opposition) ntawm tsev kis xeev qes - AAP.
Kim Shorten hais tias "Kuv txaus siab qhia rau nej paub tias Chris Bowen thawj cov nyiaj budget ntawd, Labor yuav txo se ntau dua pab nom Liberal txo rau Australia cov pej xeem txog 3.6 roob tus uas khwv tau nyiaj tsawg, uas xav qhia rau sawv daws paub tias peb yuav siv nyiaj txog $ 1billion los pab cov neeg khwv tau nyiaj tsawg ntawm lub teb chaws no."
Tab sis Australia tus pwm tsav tswj lub tuam chav nyiaj txiaj hais tias 'Australia tsis muaj nyiaj los rau pab nom Labor ua tau li hais ntawd".
Finance Minister Mathias Cormann tau tib pab nom Labor cov nyiaj budget 2019 tias yuav tsum yog tswj tau Australia tej lagluam kom ruaj khov mas yog ib cov tseem ceeb tshaj plaws rau txhua yam.
Nws hais tias "Bill Shorten yeej tsis muaj ib lub tswv yim yuav los tswj kom peb tej lagluam zoo li. Tab sis nws twb npaj yauv siv nyiaj tshaj $200 billion lawm uas yuav tsub se ntau ntxiv rau tej neeg so tsis ua hauj lwm, tej lagluam vaj tse, tej nyiaj khwv tau, tej kev nqe peev lagluam, tej lagluam me thiab tej lagluam uas cov cuab yig tswj ntawd, mus txog rau hluav taws xob tib si."
243d43e34be7c7d7b49d2f7cde25952e_normal.jpegMathias Cormann ✔@MathiasCormann Thaum Labor tseem ua tsoom hwv dhau los, Labor yeej tau muab ntau yam tshuaj tseem ceeb ncua tsis coj mus teev zwm nrog PBS vim lawv tsis muaj nyiaj siv lawm. #auspol #budget2019 102 8:06 PM - Apr 4, 2019 Twitter Ads info and privacy
155 people are talking about this
Mr Cormann tseem tau hais ntxiv tias pab nom Labor no yeej tsis paub tias yuav tswj nyiaj txiaj li cas li thiab.
"Thaum Labor tseem tswj tus tsoom hwv 6 xyoo dhau los, ces lawv yeej tau ua nyiaj puag xyoo poob peev 6 xyoo txog li $240 billion diam."
"Tsis yog tias txhob txwm xav rov qab thuam txog Labor tej hauj lwm tau ua dhau los tab sis Australia yeej tsis muaj nyiaj rau pab nom no siv."
NYEEM TAU NTXIV
Cov cuab yig muaj 2 tug txij nkawm thiab muaj me nyuam ntau tus yog cov tau txais txiaj ntsim los ntawm cov kev txo se hos cov nyob yaj sab tau tsawg tshaj plaws
'Peb kub siab los nqes tes daws cov teeb meem hloov quag ntuj tiag'
Labor cog lus tias yog nws raug xaiv ua tus tsoom hwv Australia tshiab tiag ces nws yuav pab nyiaj $2000 rau tej cuab yig nruab cov battery khaws hluav taws xob siv rau tom lawv tej tsev.
Shorten hais tias "Cov teeb meem hloov quag ntuj (Climate change) yeej muaj tseeb tiag."
"Peb xaiv siv cov renewable energy thiab peb nqes tes los daws cov teeb meem climate change no.
Greens MP Adam Bandt uas yog pab nom Greens ib tug nom thiaj tau sau ib cov lus hauv Twitter qhia tias nws tu siab uas cov Labor yeej tsis tau muaj ib cov tswv yim zoo los daws cov teeb meem climate change no tiag.
i-QmXEp3_normal.jpgAdam Bandt ✔@AdamBandt Peb zoo siab kawg thaum Bill Shorten tham txog cov teeb meem climate change no rau cov nyiaj puag xyoo 2019 #Budget2019 - tab sis tom qab ntawd nws tsis tham dab tsi txog roj zeb ntsuam li !!. Yog koj twb tsis muaj tswv yim los daws tej teeb meem cuam tshuam txog tej roj zeb ntsuam no ces qhia tau tias koj yeej tsis kub siab tiag tiag los daws cov teeb meem climate change no. Thiaj yog tej yam qhia tau rau peb tias yuav tsum tau tus tsoom hwv no tawm thiab xav pab nom #Greens cov nom kom ntau tuaj ntxiv kom tus tsoom hwv no thiaj kub siab los lis tej dej num no. 168 7:51 PM - Apr 4, 2019 · Canberra, Australian Capital Territory Twitter Ads info and privacy
147 people are talking about this
Lub caij uas Kim Shorten tau qhia nws cov nyiaj puag xyoo 2019 ntawd ces nws yeej tau hu nws tej nom npe thiab qhia tias lawv yeej muaj kev koom npoj.
Thaum tham txog cov kev kub siab txog cov kev kawm lawm ces yuav yog ib cov cib fim tau txais kev vaj huam sib luag rau Australia tej keeb cag neeg tej me nyuam, tej me nyuam neeg puas cev thiab cov me nyuam uas kawm tsis tau yooj yim uas yuav tsum tau pab cuam ntawd yog cov yuav tau txais txiam ntsim. Uas nws yeej tau tham rau nws tus lwm coj lawm thiab.
Bill Shorten ntawm lwm pawg fai kum xeeb thiab Australia tus thawj pwm tsav Prime Minister Scott Morrison nyob ntawm tsev kis xeev qes ntawm tsev tsoom hwv rau lub caij nug lus nug ntawm tuam ceeb Canberra.
Bill Shorten tau qhia tias "Kuv xav kom txhua tus me nyuam tau koom kev sib tw, tau kawm ua yeeb yam, kawm paj nruag thiab mus camping los yog tau siv tej tehnology tshiab uas tej niam txiv tsis tas yuav them nyiaj tshaj ntxiv es lawv tej me nyuam mam li tau koom thiab kawm kom tej lees kais txhob sau tej nqe no rau lawv."
Tanya Plibersek uas yog Labor tus pwm tsav lis laj fai tswj kev kawm tau qhia tias "Tshuav ib yam ntxiv thiab uas peb xav xyuas kom Australia tej teej kawm yog ib cov zoo tshaj plaws hauv ntiaj teb no."
Topics: Australia
