Xyoo tshiab no yog tso xyoo thiab yuav pib txij hnub tim 1.2.2022 mus. Tab sis ho muaj lub ntsiab lus li cas tiag?
Tham txog cov tseem tsis tau paub zoo ces yeej muaj 12 tug tsiaj ntawm Suav lub xyoo tshiab, thiab muaj 1 tug tsiaj twg los sawv cev rau 1 lub xyoo rau 12 xyoo uas ncig thiab hloov dua ib tug tsiaj ntawd.
Lub xyoo tshiab Lunar New Year xyoo 2022 no ces Nyuj xyoo tau xaus lawm thiab pib Tsov xyoo lawm.
Txheeb seb koj ho yug rau tus tsiaj twg xyoo ntawm 12 tug tsiaj raws li hauv qab no li cas:
- Nas ces yog thawj tug tsiaj ntawm 12 tug tsiaj; uas muaj feem cuam tshuam txog kev txawj ntse thiab tswv yim. Cov neeg yug rau Nas xyoo ces yog yug rau cov xyoo (2020, 2008, 1996, 1984, 1972, 1960, 1948 thiab txuas ntxiv rau txhua txhua 12 xyoos twg ib zaug) ces yog cov neeg muaj zoo laj lim tswv yim, pab tau lwm tus thiab paub npaj ua ib yam dab tsi.
- Nyuj ces yog cuam tshuam nrog cov kev nquag. Tej neeg yug rau nyuj xyoo ces yog yug rau cov xyoo li (2021, 2009, 1997, 1985, 1973, 1949 thiab 1937) uas xam tias yog cov neeg muaj zog, ruaj khov, pab tau lwm tus thiab nias siab hlo ua ib yam dab tsi.)
- Tsov ces cuam tshuam nrog cov kev muaj cuab kav muaj peev xwm loj. Tej neeg yug rau Tsov xyoo ces yog yug rau xyoo (2010, 1998, 1986, 1974, 1962, 1950 thiab 1938) uas ntseeg tias tej neeg yug rau tus tsiaj no xyoo yog cov neeg nyiam kev ywj pheej thiab nyiam kev ncaj ncees heev.
- Luav ces yog cov neeg ua dab tsi los yuav tau xyuam xim ceev faj heev. Tej neeg yug rau luav xyoo ces yog yug rau xyoo (2011, 1999, 1987, 1975,1963, 1951 thiab1939) uas yog cov neeg txawj xav thiab nyob nrog leej twg ua ke ces ua rau tus neeg ntawd sov siab.
- Zaj ces cuam tshuam nrog rau cov kev muaj zog. Cov neeg yug rau xyoo (2012, 2000, 1988, 1976, 1964, 1952 thiab 1940) ces yog yug rau zaj xyoo. Yog cov neeg muaj peev xwm koom ua tau hauj lwm nrog lwm tus zoo tab sis yog cov neeg uas pheej xav ntau heev.
- Nab ces cuam tshuam nrog cov kev tig tau cev yooj yim. Tej neeg yug rau cov xyoo li xyoo 2013, 2001, 1989, 1977, 1965, 1953 thiab 1941, uas zoo li yog cov neeg tsis tshua kub siab txog dab tsi, tab sis kuj yog cov neeg xav tau sai thiab txiav txim siab tau sai heev.
- Nees ces cuam tshuam nrog cov kev nias siab hlo uas ib yam dab tsi lawm ces txawm nyuaj los yeej tij lim thiab tab meeg ua kom tiav. Cov neeg yug rau xyoo 2014, 2002, 1990, 1978, 1966, 1954 thiab 1942 ces yog yug rau nees xyoo thiab kuj yuav yog cov neeg uas chim sai, siab luv, thiab muaj qee zaus ces yog cov neeg uas pliag ntshis zoo siab tib pliag ntshis xwb rov qab chim lawm.
- Tshis ces cuam tshuam nrog kev thaj yeeb. Tej neeg twg yug rau cov xyoo 2015, 2003, 1991, 1979, 1967, 1955 thiab xyoo 1943 ces yog yug rau Tshis xyoo thiab yog cov neeg siab loj siab dav siab dawb siab zoo thiab nyiam koom npoj nrog lwm tus.
- Liab ces cuam tshuam nrog cov kev muaj laj lim tswv yim zoo. Tej neeg yug rau cov xyoo 2016, 2004, 1992, 1980, 1968, 1956 thiab 1944 ces txawm tias yog ib cov neeg uas xav paub xav pom ib yam dab tsi heev tab sis kuj muaj qee zaus yog cov neeg khav theeb, thiab tsuas pom txog yus tus kheej nkaus xwb thiab.
- Qaib ces cuam tshuam txog cov kev ua siab ncaj thiab pab lwm tus. Tej neeg yug rau cov xyoo 2017, 2005, 1993, 1981, 1969, 1957 athiab 1945 ces yog yug rau Qaib xyoo thiab ntseeg tias yog cov neeg rau siab ua hauj lwm thiab saib lawv txoj kev ywj pheej tseem ceeb heev.
- Dev ces yog cov neeg ua siab ncaj thiab tsis ntxeev siab rau ib tug twg. Those belonging to the sign of the Dog (born in 2018, 2006, 1994, 1982, 1970, 1958 and 1946) are thought to be observant and reliable.
- Npua ces yog ib cov neeg nyiam ntaus kev phooj ywg heev. Cov neeg yug rau cov xyoo 2019, 2007, 1995, 1983, 1971, 1959 thiab xyoo 1947 ces yog yug rau npua xyoo. Cov neeg yug xyoo no nyiam yuav khoom heev tab sis tej zaum tej zaum tsis yog cov neeg tswj tau lawv tej nyiaj txiaj zoo.
Txawm li cas los suav lub xyoo tshiab ntawm 12 tug tsiaj no yeej pib rau lub 1 hlis ntuj los yog lub 2 hlis ntuj raws li cov teej cim zwj suav raws hli (lunar calendar). Yog li ntawd yog tias koj yug rau lub 1 hlis ntuj los sis yog lub 2 hlis ntuj ces tseem xam tias koj tseem siv tus tsiaj tswj lub xyoo laus uas yog xyoo dhau los ntawd.
Edgar Lok Tin Yung yog ib tug kws Feng Shui thiaj tawm tswv yim txog Suav cov txuj uas kawm txog lub hnub lub hli thiab tej ntuj uas ntseeg tias muaj feem cuam tshuam nrog tib neeg txoj kev ua lub neej (Astrology) thiaj tawm tswv yim txog tej no.
Thaum kuv paub tias xyoo 2022 no yog tsov xyoo thiab yog ‘benmingnian’ (origin of life year), ces thiaj ua rau kuv xav kom Lok Tin taw qhia tias seb ho puas muaj tej yam dab tsi tsis zoo rau tej neeg uas yug rau tus tsiaj xyoo ntawd li cas.
Tab sis kuj pom tau tias tsis yooj yim npaum li yus xav ntawd thiab yog yus los ua tib zoo txheeb xyuas txog tias ho yuav muaj tej yam dab tsi ua rau muaj hmoov phem rau tus neeg yug rau tus tsiaj xyoo ntawd.
Lok tshab txhais tias “Suav cov astrology yuav tau los txheeb ntau yam; uas yog dej, ntoo, hluav taws, av thiab hlau ntxiv."
Ces av ho cuam tshuam rau kuv. Lok Tin tshab txhais tias ntawv cov phiaj uas muaj av thiab xyoo 2022 uas yog Tsov dej xyoo no txhais tau tias uas rau yus yuav khwv tau nyiaj zog rau xyoo no. Tab sis yog ib xyoos uas yuav tau ua ntau yam heev thiaj yuav nplua nuj.
Yog li ntawd leej twg ho poob rau Tsov xyoo 2022 no lawm ces yuav muaj hauj lwm ua ntau heev rau xyoo tshiab no. Tab sis kuj nyob ntawm tias seb 5 hom hmoov ntawd ho pab los sis yog yuav ua cov txo xwb thiab raws li Lok Tin hais ces "Yeej muaj ib txhia neeg yug tsov xyoo yuav tau ua hauj lwm ntau heev tab sis kuj tsis tau txiaj ntsim dab tsi ntau thiab, hos ib txhia mas ua hauj lwm ntau los yeej tau txiaj ntsim ntau thiab, qhov ntawd yog qhov sib txawv."
Thiaj tsis yog tej yam yooj yim rau tus neeg yug Tsov xyoo li kuv uas yuav tau kub siab rau lub xyoo tshiab no xwb. Lok Tin tshab txhais ntxiv tias cov neeg uas yug rau Tsov xyoo, Liab xyoo, Nab xyoo thiab Npua xyoo ces yog 'ib lub hnub qub ntoj ncig', txhais tau tias 4 tug tsiaj no yog cov tsiaj uas yeej cuam tshuam nrog tsov xyoo thiab muaj kev sib raug zoo heev nrog tsov. Ces tej tej zaum tej neeg yug rau cov tsiaj xyoo li hais no thiaj yuav raug teeb meem me ntsi rau tsov xyoo no dua.
Nws kuj hais ntxiv tias "cov neeg yug Liab xyoo yog cov yuav raug teeb meem rau tsov xyoo no tau thiab, vim Tsov thiab Liab sib cov lawm ces thiaj sib tsoo."
Yog li thiaj yuav muaj ntau yam hloov rau xyoo tshiab no rau tej neeg yug Liab xyoo.
Lok Tin hais tias txawm koj yuav yug rau tus tsiaj dab tsi xyoo los tsov xyoo no ces yuav ua rau muaj civ kev pauv hloov rau cov ntoj ncig mus los heev.
“Lub 8 hli ntuj yog Liab hli. Ces Liab thiab Tsov txhawb ib tug twg thiab poob rau lub hnub qub ntoj ncig lawm los yog lub zog ntoj ncig muaj zog heev lawm," raws li nws hais. "Kuv twv tias lub 7 hli ntuj thiab 8 hli ntuj ces yuav muaj cov kev ntoj ncig ntau tuaj ntxiv."
Xyoo 2022 uas yog Tsov xyoo no cuam tshuam nrog hmoov dej. Lok Tin thiaj tshab txhais tias yog tham txog hmoov dej lawm ces qhia txog kev ntshai; ces tej zaum thiaj li yuav yog ib cov laj thawj ua rau tej neeg tseem tsis tau ntoj ncig mua txog rau thaum xaus rau lub xyoo.
Tab sis Lok Tin twv tseg tias yog thaum muaj neeg rov qab mus ncig lawm ces yuav ua rau tau txais kev zoo siab. Nws hais tias "vim Tsov yog ib qho chaw yug hluav taws thiab."
Lok Tin tshab txhais tias Suav cov txuj kawm txog hnub qub, lub hlis thiab lub ntuj tias seb ho cuam tshuam txog tib neeg txoj kev ua lub neej li cas (Astrology) yeej qhia tias muaj 3 theem hmoov zoo xws li theem hmoov ceeb tsheej, theem hmoov ntiaj teb thiab theem hmoov tib neeg.
“Theem hmoov ceeb tsheej ces yog theem uas peb tsis muaj peev xwm tswj tau," raws li nws hais. Hos yog theem Hmoov Ntiaj teb ces yog theem uas peb tseem muaj peev xwm tswj tau tej ib puag ncig qee yam los yog siv qee yam tswv yim Feng Shui pab tau. Hos theem hmoov tib neeg ces yog theem uas peb muaj peev xwm tshwj tau ntau tshaj plaws. "Vim tib neeg ces nyob ntawm tias seb yus yuav coj yam ntxwv li cas thiab yus yuav saib xyuas tau yus tau kheej li cas," raws li nws hais.
Lok Tin thiaj taw qhia rau tej neeg yug Liab xyoo tias kom siv tib neeg txoj hmoov yog tias lawv twb txuag tau nyiaj thiab ho xav npaj yuav pauv hloov ib yam dab tsi loj ces tej zaum lawv yuav ntsib kev nyuaj rau Tsov xyoo no.
Koj yeej muaj peev xwm npaj tau thiab sau koj tej tswv yim tseg tias seb koj xav ua kom tiav dab tsi rau Tsov xyoo no...txawm koj yuav ua tau thiab tsis tau los yam tsawg koj yeej npaj thiab cia siab tias yuav ua ib yam dab tsi lawm.
Tej neeg yug xyoo 2004 uas yog Liab xyoo ces yuav muaj 18 xyoo lawm, ''thiaj yuav tau kub siab thiab ceev faj kom zoo zog," vim yog lub caij lawv hloov ntawm me nyuam yaus los ua ib tug neeg paub tab lawm.
Lok Tin thiaj muaj ib co kev taw qhia rau tej neeg uas xav ua kev zoo siab rau xyoo tshiab uas yog Tsov xyoo no thiab xav kom pib tau xyoo no zoo - ces yuav tsum tau npaj ib co tswv yim tseg.
Nyob rau sab qaum teb ntawm lub ntiaj teb no ces lub xyoo tshiab Lunar New Year yuav poob rau lub caij nplooj hlav lawm.
Lok Tin hais tias thiaj muaj Suav ib lo paj lub tias, ‘Pib npaj tswv yim thawm xyoo rau lub caij nplooj hav tias seb yuav ua dab tsi rau lub xyoo ntawd."
Nws hais tias "Koj muaj peev xwm npaj koj tej tswv yim thiab sau koj tej tswv yim tias koj xav ua kom tau dab tsi rau Tsov xyoo...qhov yuav ua tau thiab tsis tau ntawd tsis tseem ceeb tab sis yam tsawg koj twg npaj tias yuav ua dab tsi lawm."
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm Facebook, Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.
