Tej neeg Australia uas tau npaj yuav mus rau ntawm tej ntug hiav txwv limtiam no raug ceeb toom tias muaj ob hom sunscreens ntxiv raug muab tshem tawm tsis pub muag ntawm tej txee muag khoom ntawm tej kiab khw tom qab muaj kev sib cov nyom nrog cov SPF (Sun Protection Factor) uas yog tej tshuaj tiv thaiv kom tawv nqaij tsis txhob raug cov sab ultraviolet (uv rays) kub.
2 hom sunscreens uas Therapeutic Goods Administration (TGA) hais kom muab tshem tawm tsis pub muag yog:
- Outside Beauty & Skincare SPF 50+ Mineral Primer
- Salus SPF 50+ Daily Facial Sunscreen Broad Spectrum
Ob hom sunscreens yeej tau xub raug TGA coj los txheeb thaum ntxov lub hli no, nrog lwm cov sunscreens uas tsis muaj cov SPF (Sun Protection Factor) ntau dua 21, tab sis tseem haub tau yaum tias muaj cov SPF txog 50+.
Muaj ib txhia ces tsuas muaj cov SPF tsawg txog li 4 xwb raws li TGA tau qhia ib co ncauj lus ntawm nws lub vas sab. Thiab pom tias tag nrho tej sunscreen no siv tib tug formula los ua.
Thiaj tau muaj tej xov xwm no rau lub caij uas sab hnub tuaj ntawm Australia tseem npaj tos tej huab cua kub sov, thaum Bureau of Meteorology (BoM) kwv yees tias yuav muaj huab cua kub sov rau qee thaj chaw ntawm Queensland, NSW thiab South Australia uas tej zaum yuav kub txog li 16 degree celcius siab tshaj tej kev kub kev sov ib txwm muaj rau ntau hnub ntxiv no.
Lub koom haum Choice cov kev tshuaj ntsuam txog cov sunscreen lub 6 hlis ntuj (2025) dhau los ces txheeb tau tias muaj ntau hom sunscreens tsis muaj cov SPF li lawv tau haub tau yaum. Source: Supplied / Choice
Puas yog koj yuav tau cov tsis zoo li no siv?
Txij thaum lub koom haum Choice tau muaj cov kev tshuaj ntsuam txog cov sunscreens lub 6 hli ntuj, ces tau muab 8 hom tshem tawm tsis pub muag lawm. Thiab TGA tseem txheeb 13 hom ntxiv, los yog tau yeem thaj ncua tsis muag lawv tej sunscreens lawm.
Cov tshuaj pleev kom tshav ntuj tsis txhob kub tawv nqaij tshiab uas raug hais kom tshem tawm tsis pub mub ces yog hom Outside Beauty's Mineral Primer, ua yog:
- Batch A1902, expiring October 2026
- Batch 2586, expiring February 2028
Hom sunscreens Salus SPF 50+ uas muaj teeb meem rau A1770, ces tag sij hawm siv lub July 2026.
Tej neeg uas yuav tej sunscreens no siv thiaj raug qhia kom tsis txhob siv ntxiv lawm raws li ob lub tuam txhab no qhia rau ntawm lawv tej vas sab. Thiab tej neeg yuav tej khoom siv no muaj cai nqa mus thim nyiaj tau rov qab.
Ob hom sunscreens Salus thiab Outside Beauty tau tau qhia ib co ncauj lus hauv lawv tej vas sab tias tsis muaj lwm hom sunscreens raug tshem tawm tsis pub muag li cas.
Siv cov formula dab tsi los ua?
Tag nrho txhua hom sunscreens uas TGA txheeb raws cov Ultra Violette Lean Screen SPF 50+ ces tau raug muab tshem tsis pub muag ntawm tej txee muag khoom ntawm tej kiab khw muab khoom lub 8 hli ntuj (2025) lawm tom qab uas Choice cov kev tshuaj ntsuam tau txheeb tau tias muaj cov SPF tsawg heev txog li 4 xwb.
Thiaj pom tias muaj ntau hom brands sunscreens tau yuav cov formula ua tej tshuaj pleev tawv nqaij kom tshav ntuj tsis txhob kub ntawm lub tuam txhab Wild Child Laboratories. Ces mam li muaj ntau cov tuam txhab tsim sunscreens ntxiv lwm yam rau li tej tshuaj tsw qab los yog tov xim rau xwb.
TGA thiaj tau qhia txog nws cov kev txhawj xeeb txog cov kev sim ntawm Askiv lub tuam txhab Princeton Consumer Research (PCR Corp) uas hais tias yog tej yam uas muaj ntau cov sunscreens brands siv. Uas TGA tau hais tias nws tau sau ntawv rau PCR tab sis lawv tsis teb lus dab tsi rau nws.
Tej huab cua kub sov
Tau muaj tej xwm txheej lus paj lus cua txog cov SPF rau lub tsam thawj uas Australia tseem tab tom ntsib tej xwm txheej huab cua sov lub 10 hli ntuj, uas muaj cua kub sov raws sab qaum teb hnub poob tshuab tej cua kub mus rau tej ntug hiav txwv sab hnub tuaj.
Hnub zwj Hli (Monday) ces BoM tau qhia tias yuav muaj tej huab cua phem thiab kub sov rau plawv teb Australia uas zoo li twb yog lub caij ntuj sov uas sov dua lub 10 hli ntuj, ces tej zaum kuj yuav ua rau huab cua kub heev rau sawb hnub poob los yog sab qab teb ntawm Queensland, qaum teb hnub tuaj ntawm xeev South Australia, qaum teb thiab qaum teb hnub poob ntawm NSW ntawm lub limtiam no.
Hnub Wednesday ces tej zaum huab cua yuav kub sov ntawm Sydney txog 38C, hos tej zos ntawm sab hnub poob ces tej zaum kuj yuav kub sov txog 40C. Lub koom haum ntsuam thiab kwv yees huab cua (BoM) tau ceeb toom tias yuav ua rau raug kev phom sij muaj tau tej hav zoov kub hnyiab ''muaj ceem heev'' ntawm Sydney, Hunter thiab Illawarra.
