Lub caij ntuj no kuj muaj peev xwm cuam tshuam nrog txhuam yam tsis hais yus cov kev xav mus txog rau yus tej tawv nqaij tib si.
Tab sis koj puas paub tias lub caij ntuj no kuj muaj peev xwm yuav ua rau yus mus tso zis ntau tshaj ib txwm tso thiab?
Nod yog tej tsim nyog koj paub txog tias tej huab cua txias (no) muaj feem cuam tshuam rau yus tej cwj pwm siv tsev plob — thiab thaum twg thiaj tsim nyog yus txhawj yog yus pheej nquag tso zis tas mus li.
Vim li cas tej neeg thiaj tso zis ntau zaus dua rau lub caij ntuj no?
Christian Moro ces yog ib tug zes kais theem qes uas paub txog sab seem medicine thiab biomedical sciences ntawm tsev kawm qib siab Bond University, tau hais tias ib co laj thawj uas tej zaum pheej ua rau yus tso zis ntau dua rau lub caij ntuj no ces yog tej huab cua pauv hloov thiab yus los kuj hloov tej cwj pwm ua lub neej lawm thiab.
Nws tau hais tias "Vim peb tsis tawm hws, thiab huab cua tsis sov, thiab peb los yeej tsis tshua ua pa ntau li ib txwm ua, ces thiaj ua rau peb muaj dej ntau zog hauv peb lub cev,''
"[Txhais tias] yog peb pheej tseem coj tej cwj pwm ua lub neej [txhua hnub li qub] li pheej haus ib kho dej tshuaj yej rau thaum sawv ntxov thiab hais thaum peb xav haus me ntsi, ces yuav ua rau peb lub cev muaj dej ntau zog thiab yuav ua rau peb tso zis ntau dua,''
Nws yam ua rau pheej tso zis ntau tshaj qub ntxiv ces tej zuam kuj nyog ntawm seb koj lub cev ho ntxeem nrog tej huab cua no li cas — uas paub tias yog cold-induced diuresis.
Moro tau hais tias yog thaum yus lub cev tsis sov txaus, ces nws yuav tsis xa ntshav mus rau txhua qhov chaw ntawm yus lub cev tab sis yuav xa ntshav ntau dua mus pov puag yus tej khoom nrog cev lawm.
Nws tau hais tias "Peb hu tias - cold hand, warm heart (tes txias tab sis sov siab)''.
"Vim tias tau yuam kom tej ntshav raug xa mus rau peb nruab nrog cev, ces thiaj ua rau peb tej ntshav ntoj ceev ces thiaj ua rau peb tej raum yuav tau ua hauj lwm ntau tshaj qub ntxiv.
"Yog muaj tej blood pressure no ntau npaum li cas ntxiv mus rau tej raum, ces haj yam yuav muaj tej ntshav tej dej mus hla tej raum ntau npaum li ntawd, txhais tias lawv yuav tau lim tej khoom no ntau tshaj qub ntxiv ... ces thiaj ua rau peb yuav tso zi ntau zaus tuaj ntxiv.''
Eric Chung ces upg ob tig zeslaos paub txog cov kev phais neeg mob ntawm tsev kawm qib siab University of Queensland thiab yog ib tug kws paub zoo txog tej raum thiab hlab raum cov kev ua hauj lwm thiab tej mob cuam tshuam txog txiv neej tej raum thiab hlab raum tau hais tias cov kev hloov caij kuj yuav ua rau muaj teeb meem rau yus lub cev cov kev tsim cov vasopressin - uas paub tias yog cov antidiurectic hormone uas tswj tej dej ntawm peb lub cev thiab.
Nws tau hais tias ''Yog thaum yus muaj cov vasopressin tsawg ces yuav ua rau yus lub cev muaj zis ntau dua.''
Yog tias yus hais dej ntau tib yam li tej yus haus lub caij ntuj so rau lub caij ntuj no ces tej zaum yuav ua rau yus tso zis ntau zaus tshaj ib txwm tso thiab. Source: Getty / Thanasis Zovoilis
Nws tau hais tias "Yog thaum yus haus dej tsawg ces yus tej raum yuav tso tej taug ntau tuaj ntxiv tawm ua zis thiab.''
Chung tau hais tias tej no haj yam yuav ua rau muaj teeb meem ntau tuaj ntxiv rau yus lub zais zis, thiab yuav rau yus pheej xav mus tso zis ntau zaus ntxiv.
Nws tau hais tias "Tab sis yog yus haus dej kom txaus rau yus lub cev ... ces yuav pab kom tej taug uas yus tej raum lim tau ntawd kom tsuag zog thiab ces yuav ua rau yus lub zais zis tsis muaj tej taug ntau, thiab yuav ua rau yus mus tso zis tsawg zaus dua.''
Puas tsim nyog yus txhawj xeeb?
Chung tau hais tias yeej muaj ib txhia neeg pheej ntsib tej xwm txheej no ntau dua lwm tus vim cuam tshuam txog lawv tus kheej txoj kev noj qab haus huv, nyob ntawm seb lawv ho nyiaj siab ntxhov plawv npaum li cas, lawv noj tej zaub mov dab tsi los yog haus dej li cas.
Nws tau hais tias "Piv txwv li yog tias yus haus kasfes kub los yog haus tshuaj yej kub, ces tej caffeine ntawm tej dej yus haus ntawd kuj yuav muaj feem rau yus lub zais zis, ces thiaj ua rau yus pheej xav mus tso zis ntau zaus dua ntxiv.''
Chung tau hais tias raws li peb ib txwm paub ces ces, cov kev tso zis ntau zaus dua rau lub caij huab cua no ''yeej tsis yog tej yam qhia tias muaj ib yam dab tsi txawv txav lawm. Tsuas yog tej yam dab tsi qhia tias yus lub cev tseem ua hauj lwm zoo xwb raws li kuv xav.''
Tab sis Moro tau hais tias muaj qee zaus ces tej zaum kuj yog ib lub cim qhia tias tus neeg ntawd lub cev txias los yog no no nws thiab.
Nws tau hais tias "Yog tej yam uas yus lub cev qhia rau yus tias 'ua ib yam dab tsi kom sov rau yus lub cev'."
"Ces tej zaum yus kuj tsis tshua ua tib zoo saib xyuas yus lub cev thaum uas yus tawm rau nraum zoov ib qho qhov twg, ces yuav tau ntoo koos mom los yog siv hnab looj tes pab.''
Tab sis yog tias yus pheej xav mus tso zis ntawm chav plob ntau zaus tshaj tej ib txwm mus lawm, tab sis thaum mus tso ces kuj tso tsis tau zis ntau peb tsawg thiab, ces Moro tau hais tias tej zaum tej no kuj yuav yog tej yam qhia rau yus tias muaj dab tsi txawv txav rau yus lub zais zis lawm, uas tsim nyog yus mus ntsib kws kho mob txheeb xyuas.
If you're concerned by the frequency or volume you're urinating, it's worth speaking to your GP. Source: Shutterstock
Tej zaum kuj muaj kev pauv hloov rau tej zis tias ho yuav tso ntau npaum li cas rau lub caij ntuj no thiab
Moro tau hais tias peb lub cev yeej tso tej calcium tawm nrog peb tej zis rau lub caij ntuj no ntau dua, ces tej zaum kuj yuav ua rau muaj teeb meem rau peb mob tau txeeb zig thiab.
Nws tau hais tias "Tej zaum kuj yuav tsis muaj dab tsi cuam tshuam txog peb lub cev thiab, tej zaum peb kuj tsis tshua nquag ua ub ua no me ntsis xwb, peb pheej nyiaj noj tej khoom sov sov, noj tej khoom noj uas khaws cia noj tau ntev xwb, cov kev tsis tshua nquag no txhais tias muaj tau khoom ntau yam noj mus txheem rau peb lub cev thiab yuav ua rau peb muaj ceeb thawj tuaj ntxiv los tau.''
Ces Moro thiaj tau hais tias yog tsis xav kom tej xwm txheej li ntawd tshwm sim ces peb yuav tau nquag plias, uas yog tej yam tseem ceeb uas peb yuav tau nquag ua ib yam dab tsi thiab coj tej cwj pwm ua lub neej pab kom peb tau txais kev noj qab nyob zoo ''rau txhua lub caij.''
Nws tau hais tias "Kuj tsis yog tej yam yooj yim uas yuav mus khiav rau ntawm tej ntug hiav txwv thaum sawv ntxov thaum huab cua txias heev, tab sis tsis yog tias pheej yuav nyob hauv tsev tas mus li xwb thiab pheej noj zaub mov li peb coob leej ntau tus ua rau lub caij ntuj no xwb thiab.''
Chung tau hais tias tsis yuav yog lub caij twg li yog tej yam tseem ceeb uas peb yuav tau ua tib zoo xyuas kom peb haus dej txaus pab rau peb lub cev thiab coj tej cwj pwm zoo uas pab kom peb lub zais zis tau txais kev noj qab nyob zoo.
Nws tau hais tias "Xav kom noj tej khoom ib yam dab tsi uas yuav muaj kev cuam tshuam rau peb lub zais zis ... thiab kom peb kav tsij mus siv chav plob raws li qhov peb tsim nyog yuav tau mus siv.''
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.
