Mus teev zwm koj npe (register) SBS cov National Language competition 2019 tau ntawm no.
Cov lus nug cuam tshuam txog SBSNLC19:
1. SBS National Languages Competition yog dab tsi?
The SBS National Languages Competition 2019 yog ib cov tswv yim tau rhawv tsim los txhawb nqa thiab ua kev zoo siab rau tej neeg cov kev nyiam kawm ib hom lus thiab ntaub ntawv twg hauv tebchaws Australia. Yog ib cov kev sib tw uas pej xeem Australia thoob teb chaws yeej koom tau coj los qhia txog Australia tej kev cai dab qhuas, tej lus, cov pawg neeg tsawg ntawm lub teb chaws Australia uas muaj ntau tsav neeg coj kab lis kev cai thiab hais ntau hom lus sib txawv koom nyob ua lub neej ua ke.
SBS Radio thiaj xav txhawb nqa txhua tus pej xeem neeg Australia uas tseem tab tom kawm ib hom ntawv los yog lus mus koom nws cov kev sib tw ‘SBS National Languages Competition’, xws li xa tej duab nej kos tau los yog sau ib sob lus xa tuaj qhia rau peb tias "Cov kev kawm ib hom ntawv los yog ib hom lus twg no ho pab tau koj dab tsi?'
Cov kev sib tw xyoo 2019 no ces yeej tso cai rau tej neeg Australians uas muaj hnoob nyoog sib txawv txhua tus mus koom tau, tsis hais tej ntawv los yog lus uas lawv kawm ntawd yuav yog hom lus thiab ntaub ntawv dab tsi uas muaj cov kev kawm ntawv thiab lus Askiv (English) nrog tib si.
2. Vim li cas peb thiaj tsim cov kev sib tw no?
Tam li xov tooj cua SBS Radio yog ntiaj teb ib lub chaw nthuav xov xwm uas tshaj xov xwm ua ntau hom lus tshaj plaws, ces SBS thiaj xav txhawb nqa neeg Australia kom mus kawm mus txheeb lawv tau ntaub ntawv thiab tej lus thiab ua kev zoo siab rau tej yam uas ua rau peb txaus siab lees los ua ib tug neeg Australian. Yog tsim coj los ua kev zoo siab rau ntau tsav neeg thiab lawv cov muaj feem koom, nrog rau cov kev txhawb nqa kom neeg Australia totaub txog ntau tsav neeg tej kab lis kev cai tsis hais tej lus, kev cai dab qhuas thiab cov kev txim kho cov kev ua lub neej ntawm ntau tsav neeg ntawm teb chaws Australia no. Yog tej yam peb ua tawm hauv peb nruab siab tuaj thiab qhia txog peb lub homphiaj los txhawb nqa neeg Australia kom mus txheeb xyuas thiab ua kev zoo siab rau ntau tsav neeg ntawm lub teb chaws no.
3. When does it start?
Qib cov kev sib tw NLC19 no txij sij hawm 09:00 Australian Eastern Standard Time-AEST au hnub zwj Hli (Monday 26 August 2019) mus txog rau sij hawm 17:00 AEST rau hnub zwj Kuab (Friday 29 September 2019).
4. Leej twg thiaj muaj cai mus koom cov kev sib tw no?
Cov kev sib tw xyoo no yeej qhib rau tej neeg txhua tus thiab txhua cov hnoob nyoog tsuas yog tias nej tseem tabtom kawm ib hom lus los ntawv ntawv twg tam sim no nrog rau cov kev kawm lus thiab ntawv Aaskiv (English) tib si. Muab cov kev sib tw no cai ua 5 pag xws li hauv qab no:
Category A: Junior Primary (Aged 4 – 7)
Category B: Primary (Aged 8 – 12)
Category C: Junior High School (Aged 13 – 15)
Category D: Senior High School (Aged 16 – 18)
Category E: Open (Aged 18+)
5. Yuav ua li cas thiaj muaj cai koom tau?
Vim muaj ntau tsav neeg thiab muaj cov hnoob nyoog sib txawv thiab ho kawm txawj lawm sib txawv ces peb thiaj xav txhawb nqa tej niam txiv, tej neeg tu thiab saib xyuas me nyuam, cov leeskais yuav tsum tau qhia thiab pab sau thiab teev npe rau cov hluas raws li qhov tsim nyog thiab pab lawv xav cov form.
- Cov hnoob nyoog qes dua 18 xyoos, ces tej niam txiav thiab cov neeg saib xyuas lawv yuav tsum tau los kos rau lub vojvoog 4 ceg (box) tias lawv tau nyeem cov lus zoj khi (Terms & Conditions) ntawm cov kev sib tw no lawm.
- Qhib cov kev sib tw no thaum sij hawm 09:00 AEST rau hnub zwj Hli (Monday 26 August 2019) mus txog rau thaum 17:00 AEST hnub zwj Kuab (Friday 27 September 2019).
- Tsuas pub ib tug neeg xa ib daim form nkaus xwb tab sis kuj txais cov neeg koom ua ib pab sib tw ua ke tau thiab.
Muaj cov txheej txheem yooj yim rau koj mus koom cov kev sib tw no raws li hauv qab no:
Step 1: Mus rau ntawm lub vas sab: www.sbs.com.au/nlc19 los yog https://www.sbs.com.au/radio/national-languages-competition-2019
Step 2: Sau tej xov xwm uas daim form no teev thiab qhia tias yuav sib txuas lus tau li cas nrog koj li xov tooj thiab chaw nyob.
Step 3:
- Cov me nyuam hnoob nyoog 4 – 7 xyoo thiab cov 8 – 12 xyoos yuav tsum tau upload ib daim duab uas lawv tau kos thiab caption los yog sau ib cov lus txog li 30 lo lus qhia daim duab ntawd ua hom lus thiab ntawv uas lawv tab tom kawm. Tsis tas li no lawv yuav tsum tau muab lo lus nug “How does learning a language make a world of difference to you?” txhais ua hom lus thiab ntawv uas lawv tab tom kawm ntawd nrog thiab, tab sis SBS yuav tsis suav cov lus txhais los ntawm sob lus nug no tsuas yuav cov lus teb 30 lo xwb.
- Cov hluas hnoob nyoog 13 – 15 xyoo thiab 16 – 18 xyoo los yog cov muaj hnoob nyoog tshaj 18 xyoo rov sauv lawm yuav tsum tau teb sob lus nug no thiab sau ua hom lus los yog hom ntawv uas lawv tab tom kawm tam sim no, thiab yuav tsum muab cov lus teb ntawm sob lus nug no txhais ua ntawv Aaskiv (English) thiab. Hos yog koj kawm ntawv thiab lus Askiv ces yuav tau sau sob lus nug no thiab teb sob lus no 100 los lus ua ntawv Askiv. Tab sis SBS yuav tsis suav cov lus Askiv uas tshab txhais nrog sob lus teb ntawd nrog.
Step 4: Tau sau tiav li no lawm ces xa koj daim form tau lawm.
Koj puas mus kawm ib hom lus los yog ntawv nrog tej teej kawm uas ua tub koom siab nrog lub koom haum Community Languages Australia? Yog ces koj yeej muaj peev xwm koom cov kev sib tw no ntawm lub teej kawm uas koj mus kawm ntawd. Tham thiab sab laj nrog koj tus lees kais seb yuav ua li cas thiaj koom tau cov kev sib tw no.
6. Yog tias kuv kawm cov ntawv uas piav tes (Auslan) thiab cov neeg qhov muag tsis pom kev cov ntawv xwb ne ho koom puas tau thiab?
Koom tau thiab, vim cov kev sib tw no yeej qhib rau tej neeg kawm txhua hom ntawv thiab lus uas yeej muaj cov lus piav tes nrog tib si. Yog li ho siv koj tej laj lim tswv yim los kos koj tej duab los yog sau tej lus teb rau sob lus nug tias cov kev kawm ib hom lus thiab ntawv twg ho pab tau koj dab tsi? rau koj xa tuaj koom nrog SBS cov kev sib tw NLC19 tau.
7. Yog koj yeej cov kev sib tw no ne koj ho tau khoom plig dab tsi?
Yuav muaj 5 cov khoom plig rau cov neeg yeej cov kev sib tw rau 5 pawg neeg muajhnoob nyoog sib txawv li hauv qab no:
- Tau ib lub Apple iPad Pro 12.9 inch 128GB (Tus nqe yog $1,757.90) rau koj tus kheej siv.
- Tau ib lub Apple AirPods uas sam tau hluav taws xob rau yam tsis siv xov txuas (Wireless charging case) uas raug nyiaj $320 rau lawv tus kheej siv.
Cov neeg uas yeej tseem yuav raug caw mus koom SBS cov kev sib tw lub koom txoos SBS National Languages Competition award ntawm SBS lub tuam chav ua hauj lwm loj ntawm Sydney rau lub 11 hlis ntuj xyoo 2019 no thiab.
Ntxiv ntawd los cov neeg sib tw yeej uas tsis nyog ntawm nroog Sydney tseem yuav tau cov pib dav hlau dawb mus thiab rov qab los tsev (Return airfairs) rau lawv nrog lawv niam los yog txiv los yog tus neeg saib xyuas lawv mus ua ke ntawm qhov chaw lawv nyob mus rau Sydney thiab cov nqe them tsev so ib hmo ntawm Sydney rau lub caij lawv mus koom SBS lub koom txoos ua kev zoo siab rau cov kev koom sib tw no.
Ib qhov ntxiv thiab ces txhua txhua limpiam (Weekly) uas tseem muaj cov kev sib tw rau lub caij (26 August – 27 September 2019) uas tej zaum koj kuj yeej tau ib lub teev Apple Watch – Series 4 coj ntawm caj dab tes tus nqe txog li $600 (RRP) rau koj thiab.
Txhua cov form uas xa mus koom kev sib tw uas xa mus txog SBS rau thaum sij hawm 23:59 (11:59) AEST rau hmo Sunday ntawd tseem yuav raug coj mus rho rau hnub Monday sawv ntxov. Tab sis yog koj cov form xub xa mus txog SBS rau thawj lub limpiam uas tau pib cov kev sib tw ntawd ces yuav muaj feem koom coj mus rho rau cov kev sib tw 5 zaug ntawm txhua limpiam ntawd.
8. Ib cov tswv yim qhia koj
Ntawm nod yog qee cov lus tawm tswv yim uas tej zaum yuav pab tau koj rau koj cov kev mus koom sib tw nrog SBS cov National Languages Competition xyoo 2019 no:
- Vim li cas koj thiaj txiav txim siab kawm hom ntawv los yog hom lus koj kawm ntawd?
- Koj xav li cas rau cov lus thiab ntawv koj tab tom kawm no xwb?
- Cov kev kawm hom lus thiab ntawv no puas yuav tsim tau cov cib fim tshiab pab kom los yog pab kom koj tau kawm tau paub tau ua dua yam tshiab dab tsi thiab?
- Hais tej yam kom txaus luag, thiab tej yam kom muaj kev zoo siab los yog ua tej yam dab tsi kom txawv tej lwm tus ua.
- Xaiv ib hom lus ntawm cov thawm drop-down box uas koj xav coj mus sib tw.
- Muaj ntau txoj xub ke rau koj sau cov form xa mus sib tw tsis hais computer, mobile phone los yog iPad.
- Puas yog koj sau cov lus teb ntawm lob lus nug ntawd ua hom ntawv koj tseem tab tom kawm xwb, nco ntsoov txhais uas lus Askiv nrog rau thiab txhais cov lus teb ua lus Askiv kom raug npaum li qhov koj muaj peev xwm txhais tau.
- Koj puas tau sau los yog teb txhua nqe lus nug uas yuav tau sau rau hauv daim form?
9. Yuav txiav txim li cas rau SBS cov kev sib tw National Languages Competition no tias leej twg yeej?
Cov neeg uas tsim nyog yeej yog cov neeg uas ua tej yam txawv thiab siv laj lim tswv yim zoo tsis hais tej duab lawv kos los yog tej lus lawv sau teb nqe lus nug ntawd. Hos cov category C, D thiab E ces yuav los txheeb xyuas cov lo lus ua lawv sau ntawd.
Cov ntawv sau qhia daim duab (Caption) thiab cov sob lus uas xa mus koom sib tw ntawd yuav tsum sau ua hom lus thiab hom ntawv uas koj tab tom kawm uas muaj cov lus Askiv nrog thiab. Tab sis yog koj kawm ntawv Askiv ces tsis tas txhais ua lwm hom lus lawm.
Yog tias tej duab los yog cov ntawv sau mus koom kev sib tw no hais lus phem thiab tsis cam hwm lwm tus ces yuav ua rau tus neeg ntawd raug rho tawm tsis pub sib tw lawm, yog li thiaj xav kom yuav tsum tau ua tib zoo nyeem tej lus zoj khi (Terms & Conditions) ua ntej tso.
10. Thaum twg mam qhia rau cov neeg yeej cov kev sib tw no paub?
SBS mam li xa email mus qhia rau cov neeg yeej ntawd paub los yog hu xov tooj rau tej neeg paub lub 10 hli ntuj xyoo 2019 no.
11. Cov kev sib txuas lus tseem ceeb nrog SBS Radio.
Yog koj muaj teeb meem technical los yog lus nug dab tsi ces xav kom xa email sib txuas lus tau nrog peb ntawm tus email: queries.nlc@sbs.com.au
Los yog tias koj ho xav nrog peb tham txog cov kev sib tw no ces xa email rau: Uma.Sandeep@sbs.com.au
12. Cov zwj thaj (Dates) tseem ceeb
- SBS cov kev sib tw National Languages Competition qhib sib tw txij sij hawm 09:00 AEST rau hnub Monday 26 August 2019 mus txog rau sij hawm 17:00 AEST hnub Friday 27 September 2019.
- SBS mam xa email los yog hu xov tooj mus qhia rau cov neeg sib tw yeej paub rau lub 10 hli ntuj (October 2019) paub.
- Yuav muab cov khoom plig ua kev zoo siab rau cov neeg sib tw yeej ntawm SBS lub tuam chav hauj lwm loj ntawm nroog Sydney rau lub 11 hlis ntuj (November 2019).
13. Cov peev txheej (Resources) rau tej teej kawm tau siv
Peb xav tau txais nej sawv daws cov kev pab cuam kom thiaj li npaj tau SBS cov kev sib tw National Languages Competition tau zoo li siab xav. Yog li ho pab xa moo qhia rau lwm tus los yog xa xov qhia rau lwm tus paub ntxiv thiab peb yeej muaj ntau yam xov xwm uas nej mus download tau ntawm www.sbs.com.au/nlc19 li:
- Poster – Print-friendly A3 version coj mus xuas koob ntsia rau tej phiaj dai ntawv ntawm tej teej kawm cov phab ntsa kom txhawb nqa sawv daws mus koom cov kev sib tw no.
- Muaj cov ntawv quav ntau tshooj me me teev ntau yam xov xwm rau tej leeskais, tej niam txiv thiab cov neeg tu thiab saib xyuas tej me nyuam (Guardians) tau nyeem thiab tau saib.
- Muaj cov xov xwm qhia txog qhov tseeb (FAQs) rau sawv daws nyeem.
- Muaj cov lus zoj khi (Terms and Conditions) rau sawv daws tau nyeem tib si thiab.
Ua tsaug ntau rau nej sawv daws cov kev pab muab tej peev txheej li cov duab posters thiab cov xov xwm qhia txog qhov tseeb (FAQs) ntawm cov kev sib tw no luam tawm coj mus faib rau tej lees kais qhia ntau hom ntawv, tej niam txiv thiab tej neeg tu thiab saib xyuas tej me nyuam hnoob nyoog tsis tau nto 18 xyoo ntawd tau saib thiab nyeem ntxiv.
Nej ho puas muaj cov ntawv xov xwm ntawm teej kawm luam rau tej tub kawm thiab tej neeg los yog tej niam txiav nyeem thiab? Peb yeej txaus siab yuav pab nej tej teej kawm los sau cov kev taw qhia txog cov kev sib tw National Languages Competition no nrog tej duab raws li qhov nej xav kom peb pab nej thiab.
SBS Radio tseem tab tom qhib rau zej tsoom sawv daws mus koom cov kev sib tw SBS National Language Competition 2019 txij hnub tim 27 August-26 September 2019. Yog koj xav koom ces txheeb tau ntawm SBSNLC19 qhov link no tau.
Mloog tau SBS Radio Hmong Program rau hnub Thursday 6 pm AEST thiab hnub Sunday 11 am AEST. Caum peb qab ntawm SBS Hmong Facebook page los yog mloog thiab download podcasts ntawm Stitcher, Apple podcasts los sis Google podcasts los yog lwm cov podcasts tau.
Mloog tau ntau yam xov xwm thiabtej lus tham ua lus Hmoob thiab lus Aakiv tau raws li hauv qab no:
