Tom qab uas teb chaws Kaus Lim qaum teb tau sim nws cov foob pob tshiab uas nws tau qhia tias tej zaum yuav muaj peev xwm nruab cov tobhau nuclear tua mus txog America av loj ntawd, tsoom hwv America tau ceeb toom tias yog North Korea tsis tso tseg ces nws yuav ntsib kev piam sij puas ntsoog loj tshaj plaws vim America yeej tseem siv fab dag zog tub rog ua ib feem coj los daws Kaus Lim qaum teb cov teeb meem sim foob pob thiab tsim riam phom nuclear no. Tab sis America yeej tseem xav siv nom tswv los sib kho kom daws tau cov teeb meem no.
Nikki Haley uas yog America tus nom ua hauj lwm hauv UN tau hais ib cov lus thaum UN Security Council sab laj tias teb chaws Kaus Lim qaum teb cov cuj pwm no ua rau zoo li yuav muaj tau tsov rog tsim kev phom sij rau nws thiab America yuav tsis nyiaj ntxeem ntxiv lawm.
Teb chaws America los kuj tau qhia ntxiv tias nws tau hais kom Suav tuam tshoj tsis txhob muag rog rau teb chaws Kaus Lim qaum teb kom nws txhob tau siv thiab America tus president Donald Trump twb tau nrog Suav tus coj Xi Jinping tham hnub zwj Feej (Wednesday) dhau los tias America mam li ua tus los xaus teb chaws Kaus Lim qaum teb cov hauj lwm sim foob pob thiab tsim riam phom nuclear no.
Teb chaws Kaus Lim qaum teb tau rov qab sim tua dua ib lub foob pob tshiab mus poob rau cov hiav txwv sab hnub poob ntawm teb chaws Japan ces yav lig Hnub zwj Feej (Wednesday) zwj thaj tim 29/11/2017 Japan thiaj tau nqua hu kom UN lub rooj tswj kev ruaj ntseg (United Nations Security Council) los roob rooj sab laj sib tham txog teb chaws North Korea cov kev sim foob pob no thiab UN twb tau los sab laj txog cov teeb meem no lawm.
North Korea lub foob pob tshiab uas nws sim no ya tau deb ze txog li 1000 Kilometres thiab ya tau saum nruab ntug ntev txog 53 ntiag tiv (Minutes) mus poob rau cov ciam hiav txwv sab hnub poob ntawm teb chaws Japan thiab nws hais tias yuav muaj peev xwm tua mus txog teb chaws America.
America tus thawj tsav meem Donald Trump hais tias txawm North Korea rov qab sim dua los nws America yeej npaj tswv yim tseg yuav los daws tej teeb meem no lawm thiab tau nrog nws tus thawj haus rog James Norman Mattis los sab laj lawm thiab qhia tias America mam li los xyuas.
Australia tus thawj pwm tsav Malcolm Turnbull tau cem thiab thuam tsis pom zoo nrog teb chaws Kaus Lim qaum teb cov cuj pwm txhaum cai uas pheej tsim teeb meem kub ntxhov no.
Hos Australia tus pwm tsav lis laj fai pej kum (Foreign Minister) Julie Bishop los kuj tau hais tias teb chaws Kaus Lim qaum teb cov kev cia siab xav sim thiab tsim kom tau cov foob pob thiab tsim kom tau cov tob hau nuclear los nruab rau cov foob pob tua tau mus txog Japan thiab America av loj yog tej yam txaus txawj xeeb kawg nkaus vim nws tau txim teeb meem pheej hmoo cuam tshuam txog kev ruaj ntseg rau cheeb tsam no thiab ntiaj teb.
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau. Los sis xav SMS rau + 61 (0) 429996263 tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
Thiab tseem mloog tau ntawm digital TV tshooj 38 ntxiv thiab.
